ନଡ଼ିଆ ବଢ଼ାଏ ରୋଗ ପ୍ରତିରୋଧ ଶକ୍ତି, ଜାଣନ୍ତୁ କେମିତି
ଅନେକ ଚମତ୍କାରୀ ଗୁଣରେ ଭରପୂର ହୋଇ ରହିଛି ନଡିଆ । ନଡ଼ିଆରେ ଭିଟାମିନ୍ , ମିନେରାଲ୍, କାର୍ବୋହାଇଡ୍ରେଡ୍ ଓ ପ୍ରୋଟିନ୍ ରହିଛି। ଏଥିରେ ଅଧିକ ମାତ୍ରାରେ ଜଳୀୟଅଂଶ ରହିଥିବାରୁ ଶରୀର ହାଇଡ୍ରେଟ୍ ରହିଥାଏ। ଏପରିକି ନଡ଼ିଆରେ ଥିବା ପୋଷକ ତତ୍ତ୍ୱ ଶରୀରରେ ରୋଗ ପ୍ରତିରୋଧ ଶକ୍ତି ବଢ଼ାଇବା ସହିତ ସ୍ମୃତିଶକ୍ତିକୁ ପ୍ରଖର କରିଥାଏ। ଏହା ବ୍ୟତୀତ ନଡ଼ିଆରେ ଅନେକ ସ୍ୱାସ୍ଥ୍ୟ ଉପକାରୀ ଗୁଣ ରହିଛି। ଆସନ୍ତୁ ସେ ବିଷୟରେ ଜାଣିବା…
– ନଡ଼ିଆରେ ମିଶିରି ମିଶାଇ ଖାଇଲେ ନାକରୁ ରକ୍ତ ପଡ଼ିବା ବନ୍ଦ ହୋଇଥାଏ।
– ନଡ଼ିଆରେ ବାଦାମ, ଅଖରୋଟ ଓ ମିଶିରି ମିଶାଇ ପ୍ରତିଦିନ ଖାଆନ୍ତୁ। ଏଥିରେ ଥିବା ଭଲ କୋଲେଷ୍ଟ୍ରଲ୍ ହାର୍ଟକୁ ସୁସ୍ଥ ରଖିଥାଏ।
– ଯଦି ଆପଣଙ୍କର ବାନ୍ତି ହେଉଛି ତେବେ ନଡ଼ିଆ ଚୋବାଇ ଖାଆନ୍ତୁ, ଦେଖିବେ ବାନ୍ତି ହେବା ବନ୍ଦ ହୋଇଯିବ।
– କୋଷ୍ଠକାଠିନ୍ୟ ସମସ୍ୟା ଥିଲେ ନଡ଼ିଆ ଖାଆନ୍ତୁ। ଏଥିରେ ଥିବା ଫାଇବର୍ ତତ୍ତ୍ୱ କୋଷ୍ଠକାଠିନ୍ୟକୁ ଭଲ କରିଥାଏ।
– ମୁହଁରେ ବ୍ରଣ ସମସ୍ୟା ଦେଖା ଦେଉଥିଲେ କାକୁଡ଼ି ରସରେ ନଡ଼ିଆ ପାଣି ମିଶାଇ ମୁହଁରେ ଲଗାଇଲେ ବ୍ରଣ ଭଲ ହୋଇଯିବ।
– ପେଟରେ କୃମି ହେଉଥିଲେ ରାତିରେ ଶୋଇବା ପୂର୍ବରୁ ନଡ଼ିଆ ଗ୍ରାଇଣ୍ଡିଂ କରି ଗୋଟିଏ ଚାମଚ ଖାଆନ୍ତୁ। ଏପରି କଲେ ପେଟରେ ଥିବା କୃମି ଖୁବ୍ ଶୀଘ୍ର ମରିଯିବେ।
– ନଡ଼ିଆ ଇମ୍ୟୁନୋ ସିଷ୍ଟମ୍କୁ ମଜବୁତ୍ କରିଥାଏ। ଏଥିରେ ଥିବା ଆଣ୍ଟି-ବ୍ୟାକ୍ଟେରିଆଲ୍, ଆଣ୍ଟି-ଫଙ୍ଗଲ୍ ଓ ଆଣ୍ଟି-ବ୍ୟାକ୍ଟେରିଆଲ୍ ଗୁଣ ରୋଗ ସହିତ ଲଢ଼େଇ କରିବା ପାଇଁ ଶକ୍ତି ଯୋଗାଇଥାଏ।
