ଟ୍ରେନ ଧକ୍କାରେ ପ୍ରାଣ ହରାଇଲେ ଦମ୍ପତି: ଟ୍ରାକ ପାଖରେ ପଡ଼ିଛି ମୃତଦେହ

ଲକ୍ଷ୍ମୀପୁର: ଟ୍ରେନ ଦୁର୍ଘଟଣା ମାମଲା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଲକ୍ଷ୍ମୀପୁର ଅଞ୍ଚଳରେ ଘଟିଯାଇଛି ଏକ ଟ୍ରେନ ଦୁର୍ଘଟଣା । ଏହି ଦୁର୍ଘଟଣାରେ ଦମ୍ପତିଙ୍କ ମୃତୁ୍ୟ ହୋଇଛି । ଲକ୍ଷ୍ମୀପୁର ନିକଟ ଭୂଇଁପାଟଣାରେ ଏଭଳି ଏକ ଦୁର୍ଘଟଣା ଘଟିଯାଇଛି । ରେଲୱେ ଟ୍ରାକ ପାରି ହେବା ସମୟରେ ଅସାବଧାନତା ଯୋଗୁଁ ଏଭଳି ଦୁର୍ଘଟଣା ଘଟିଥିବା କୁହାଯାଉଛି । ତେବେ ଉଭୟଙ୍କ ମୃତଦେହ ବର୍ତ୍ତମାନ ଟ୍ରାକ ନିକଟରେ ପଡ଼ିରହିଛି । ତେବେ ଘଟଣାସ୍ଥଳରେ ସ୍ଥାନୀୟ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ଛାନଭିନ ଆରମ୍ଭ କରୁଛି ।