covid 19 in India : ଭ୍ୟାକ୍ସିନର ୨ ଡୋଜ୍ ନେଇଥାଅ କିମ୍ବା ୩ … ତଥାପି ସଂକ୍ରମଣ ବଢୁଛି ! ଏହି ଲୋକମାନଙ୍କ ପ୍ରତି ଅଧିକ ରହିଛି ବିପଦ
ନୂଆଦିଲ୍ଲୀ : ଭାରତରେ କରୋନା ମାମଲା କ୍ରମାଗତ ଭାବେ ବୃଦ୍ଧି ପାଉଛି । ଆଜି ସଂକ୍ରମଣ ସଂଖ୍ୟା ୪ ହଜାର ଟପିଛି । ଗତ ୨୪ ଘଣ୍ଟା ମଧ୍ୟରେ ୪୪୩୫ ନୂଆ ମାମଲା ସାମ୍ନାକୁ ଆସିଛି । ସୋମବାର କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଅଦ୍ୟତନ ତଥ୍ୟ ଅନୁଯାୟୀ, ଗୋଟିଏ ଦିନରେ ୧୧ ଜଣଙ୍କ ମୃତ୍ୟୁ ରେକର୍ଡ କରାଯାଇଛି । ୟୁପି, ଦିଲ୍ଲୀ, ମହାରାଷ୍ଟ୍ର, ଛତିଶଗଡ, କର୍ଣ୍ଣାଟକ ଏବଂ କେରଳରେ ମାମଲା ବୃଦ୍ଧି ପାଇବା ସହିତ ମହାରାଷ୍ଟ୍ରରୁ ତିନି ଜଣଙ୍କ ମୃତ୍ୟୁ ଏବଂ ଦିଲ୍ଲୀ, କେରଳ, କର୍ଣ୍ଣାଟକ ଏବଂ ରାଜସ୍ଥାନରେ ଜଣେ ଲେଖାଏଁ ମୃତ୍ୟୁ ହୋଇଛି। ଭାରତରେ ବଢୁଥିବା କରୋନା ମାମଲା ପଛରେ ଓମିକ୍ରନର ନୂତନ ସବଭାରିଆଣ୍ଟ ପ୍ରମୁଖ କାଣର ପାଲଟିଛି । ଯାହା ୬୦% ରୁ ଅଧିକ ମାମଲା ରହିଛି ।
ତେବେ ଓମିକ୍ରନର ନୂତନ ସବଭାରିଆଣ୍ଟ ଲକ୍ଷଣଗୁଡ଼ିକ କ’ଣ? ବିଶେଷଜ୍ଞମାନେ ଏ ବିଷୟରେ କ’ଣ କହିଛନ୍ତି? ଜାଣିବା ବିସ୍ତୃତ ଭାବରେ..
ଗତ ଦୁଇ ସପ୍ତାହ ମଧ୍ୟରେ ନୂତନ ନମୁନାରୁ ଜଣାପଡିଛି ଯେ କରୋନା କାରଣରୁ ଡାକ୍ତରଖାନାରେ ଭର୍ତ୍ତି ହେବା ପରେ ଓମିକ୍ରନ୍ ସବ୍-ଭ୍ୟାରିଏଣ୍ଟ XBB.୧.୧୬ ସେହି ଲୋକମାନଙ୍କଠାରେ ଦେଖିବାକୁ ମିଳେ। କିଛି ରୋଗରେ ପୀଡିତ ହୋଇ ଅସୁରକ୍ଷିତ ହୋଇପଡୁଛନ୍ତି ।
ଏହି ସମସ୍ତ ମାମଲା ହେଉଛି ବ୍ରେକଥ୍ରୁ ସଂକ୍ରମଣ, ଅର୍ଥାତ୍ ଯେଉଁମାନେ ଟୀକାକରଣର ବୁଷ୍ଟର ଡୋଜ ନେଇଛନ୍ତି ସେମାନେ ମଧ୍ୟ ସଂକ୍ରମିତ ହେଉଛନ୍ତି ।
ଲୋକମାନେ ଦୁଇଟି ବା ତିନୋଟି ଡୋଜ ନେଇଥିଲେ ବି ଏଥିରେ କୌଣସି ଫରକ ପଡୁନାହିଁ । ଟିକା ନେଇଥିବା ଲୋକଙ୍କୁ ମଧ୍ୟ ସଂକ୍ରମିତ କରୁଛି ।
XBB.୧.୧୬ ର ଲକ୍ଷଣ
ଦେଶରେ ଦ୍ରୁତ ଗତିରେ ବ୍ୟାପୁଥିବା XBB.୧.୧୬ ଭ୍ୟାରିଏଣ୍ଟର କିଛି ଭିନ୍ନ ଲକ୍ଷଣ ସାମ୍ନାକୁ ଆସିଛି । କରୋନା ର ପୁରୁଣା ପ୍ରକାରର ଲକ୍ଷଣ ଯେପରିକି ଥକ୍କା, ଗଳା ଯନ୍ତ୍ରଣା, ମୁଣ୍ଡବିନ୍ଧା, ମାଂସପେଶୀ ଯନ୍ତ୍ରଣା, ନାକ ଏବଂ କାଶ ଇତ୍ୟାଦି । ଏହା ବ୍ୟତୀତ କିଛି ଲୋକ ପେଟ ଯନ୍ତ୍ରଣା ଏବଂ ଅସ୍ଥିରତା ଆଦି ଦେଖା ଯାଏ ।
ICMR କୋଭିଡ-୧୯ ନ୍ୟାସନାଲ ଟାସ୍କ ଫୋର୍ସ / ମିଳିତ ମନିଟରିଂ ଗ୍ରୁପ୍ ଦ୍ୱାରା ପ୍ରକାଶିତ ରିପୋର୍ଟ ଅନୁଯାୟୀ, ୬୦ ବର୍ଷରୁ ଅଧିକ ବୟସ୍କ ବ୍ୟକ୍ତି ଯେଉଁମାନଙ୍କର ହୃଦଘାତ ଏବଂ ଧମନୀ ରୋଗ, ମଧୁମେହ, ରୋଗ ପ୍ରତିରୋଧକ ଶକ୍ତି ଦୁର୍ବଳ, ଏଚ୍.ଆଇ.ଭି ପଜିଟିଭ୍, ଫୁସଫୁସ, କିଡନୀ କିମ୍ବା ଯକୃତ ରୋଗ, ସେରେବ୍ରୋଭାସ୍କୁଲାର, ମେଦବହୁଳତା ରହିଛି ସେମାନଙ୍କ ଠାରେ ଏହି ସଂକ୍ରମଣ ବ୍ୟାପିବାର ଅଧିକ ଲକ୍ଷଣ ରହିଛି ।
ଯଦି ଏଭଳି କିଛି ଲକ୍ଷଣ ଦେଖନ୍ତି, ତେବେ ସର୍ବପ୍ରଥମେ ନିଜକୁ ଅଲଗା କରନ୍ତୁ ଏବଂ ତା’ପରେ କରୋନା ପରୀକ୍ଷା କରନ୍ତୁ । ଏଥି ସହିତ ପାଣିପାଗର ପରିବର୍ତ୍ତନ ହେତୁ ଫ୍ଲୁ ରୋଗରେ ମଧ୍ୟ ବୃଦ୍ଧି ଘଟିଛି, ଯାହାର ଲକ୍ଷଣ କରୋନା ପରି । ଆପଣଙ୍କର ସାଧାରଣ ଫ୍ଲୁ ହୋଇପାରେ । ସେଥିପାଇଁ କୌଣସି ଔଷଧ ଯାଞ୍ଚ ନକରି ଡାକ୍ତରଙ୍କ ବିନା ପରାମର୍ଶ ନିଅନ୍ତୁ ନାହିଁ ।