ଆମେରିକାର ଏକ ଷ୍ଟଡିରୁ ମିଳିଲା ଆଶ୍ଚର୍ଯ୍ୟଜନକ ତଥ୍ୟ, କୋଭିଡ ପରେ ଦ୍ରୁତ ଗତିରେ ବୃଦ୍ଧି ପାଉଛି ରୋଗୀଙ୍କ ଛାତି ଯନ୍ତ୍ରଣା !
ନୂଆଦିଲ୍ଲୀ:କୋଭିଡ ରୋଗୀଙ୍କ ସଂକ୍ରମଣ ପରେ ୬ ମାସରୁ ଏକ ବର୍ଷ ମଧ୍ୟରେ ଛାତିରେ ଯନ୍ତ୍ରଣା ହେବାର ଆଶଙ୍କା ରହିପାରେ । ଏକଥା ଆମେ ନୁହେଁ ବରଂ ଏକ ଷ୍ଟଡି କହୁଛି। କୁହାଯାଇଛି ଯେ କୋଭିଡ ପରେ ହୃଦୟ ସମ୍ବନ୍ଧୀୟ ସମସ୍ୟା ବଢିପାରେ। ଯୁକ୍ତରାଷ୍ଟ୍ରର ଇଣ୍ଟରମାଉଣ୍ଟେନ୍ ହେଲ୍ଥର ଗବେଷକମାନେ ହୃଦୟ ସମ୍ବନ୍ଧୀୟ ଲକ୍ଷଣ ଥିବା ପ୍ରାୟ ୧୫୦,୦୦୦ ରୋଗୀଙ୍କ ଉପରେ ଏକ ଅଧ୍ୟୟନ କରିଛନ୍ତି। ପ୍ରକାଶ ଯେ, ଏପରି ରୋଗୀ, ଯେଉଁମାନେ କୋଭିଡ ପଜିଟିଭ୍ ଥିଲେ, ସଂକ୍ରମଣର ୬ ମାସରୁ ଏକ ବର୍ଷ ପର୍ଯ୍ୟନ୍ତ ଛାତିରେ ଯନ୍ତ୍ରଣା ହେଉଥିବା ଅଭିଯୋଗ କରିଥିଲେ।
ଇଣ୍ଟରମାଉଣ୍ଟେନ୍ ହେଲଥ କେୟାରର ହୃଦ୍ରୋଗର ଏପିଡେମୋଲୋଜିଷ୍ଟ ତଥା ମୁଖ୍ୟ ଅନୁସନ୍ଧାନକାରୀ ହେଡି ଟି ମେ(Heidi T. May ) କହିଛନ୍ତି ଯେ କୋଭିଡ ପଜିଟିଭ ଥିବା ରୋଗୀଙ୍କ ହୃଦଘାତ କିମ୍ବା ଷ୍ଟ୍ରୋକ୍ ଭଳି ଅଭିଯୋଗ ଆମେ ପାଇଲୁ ନାହିଁ। କିନ୍ତୁ ଏହିପରି ରୋଗୀମାନଙ୍କଠାରେ ଛାତି ଯନ୍ତ୍ରଣା ହେବାର ଅଭିଯୋଗ ଆମେ ଦେଖିଲୁ। ଦୀର୍ଘ ଦିନ ଧରି ରୋଗୀମାନେ ଏହି ସମସ୍ୟାର ଶିକାର ହେଉଛନ୍ତି। ଭବିଷ୍ୟତରେ ହୃଦୟ ସମ୍ବନ୍ଧୀୟ ରୋଗକୁ ପ୍ରୋତ୍ସାହିତ କରିବାର ଏହା ଏକ ସଙ୍କେତ ଅଟେ ।
ଆମେରିକାର ଆମେରିକୀୟ କଲେଜ ଅଫ୍ କାର୍ଡିଓଲୋଜିର ୨୦୨୩ ବୈଜ୍ଞାନିକ ସମ୍ମିଳନୀରେ ଏହି ଅଧ୍ୟୟନର ରିପୋର୍ଟ ଉପସ୍ଥାପିତ ହୋଇଥିଲା। ଦଳ ଅଧ୍ୟୟନ କରୁଥିବା କୋଭିଡ ରୋଗୀଙ୍କ ମଧ୍ୟରେ ଅନେକ ରୋଗୀ ଥିଲେ ଯେଉଁମାନେଭି ୬ମାସରୁ ଏକ ବର୍ଷ ମଧ୍ୟରେ ଛାତିରେ ଯନ୍ତ୍ରଣା ଅନୁଭବ କରିଥିଲେ। ଏହିପରି ରୋଗୀଙ୍କ ହାର ଯଥେଷ୍ଟ ଅଧିକ ଥିଲା, କିନ୍ତୁ ହୃଦ୍ରୋଗରେ କୌଣସି ବୃଦ୍ଧି ଘଟି ନଥିଲା।
ଅନୁସନ୍ଧାନକାରୀ ହେଡି ଟି ମେ କହିଛନ୍ତି ଯେ କୌଣସି ସିଦ୍ଧାନ୍ତରେ ପହଞ୍ଚିବା ବହୁତ ଶୀଘ୍ର ଅଟେ। ସେ କହିଛନ୍ତି ଯେ ଯଦିଓ ଫଳାଫଳ ଏହା ଏକ ନୂତନ ସମସ୍ୟା ସୃଷ୍ଟି କରିପାରେ ବୋଲି ସୂଚାଇ ଦେଉଛି, କିନ୍ତୁ ଆଗାମୀ ଅବସ୍ଥାରେ ମଧ୍ୟ ପରିବର୍ତ୍ତନ ହୋଇପାରେ। ଅନୁସନ୍ଧାନକାରୀ କହିଛନ୍ତି ଯେ ହୃଦରୋଗରେ ସଂକ୍ରମଣର ସ୍ଥାୟୀ ପ୍ରଭାବ ବିଷୟରେ ଏକ ସିଦ୍ଧାନ୍ତରେ ପହଞ୍ଚିବା କଷ୍ଟକର।
