ବଢ଼ିଲା CUET PG 2024ର ଆବେଦନ ଅବଧି, ଜାଣନ୍ତୁ କେତେ ତାରିଖ ପର୍ଯ୍ୟନ୍ତ ?
ନୂଆଦିଲ୍ଲୀ: CUET PG 2024 ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ସ୍ନାତକୋତ୍ତର କିମ୍ବା ସିୟୁଇଟି ପିଜି ୨୦୨୪ ପାଇଁ ସାଧାରଣ ବିଶ୍ୱବିଦ୍ୟାଳୟ ପ୍ରବେଶିକା ପରୀକ୍ଷା ପାଇଁ ଆବେଦନ ସମୟସୀମା ବୃଦ୍ଧି କରିଛି । ପ୍ରାର୍ଥୀମାନେ ବର୍ତ୍ତମାନ ସରକାରୀ ୱେବସାଇଟ୍ pgcuet.samarth.ac.inରେ ୩୧ ଜାନୁୟାରୀ ରାତି ୧୧:୫୦ ପର୍ଯ୍ୟନ୍ତ ପରୀକ୍ଷା ପାଇଁ ଆବେଦନ କରିପାରିବେ ।
ପୂର୍ବରୁ ଆବେଦନ ପାଇଁ ଶେଷ ତାରିଖ ୨୪ ଜାନୁଆରୀ ଥିଲା । ସଂଶୋଧିତ କାର୍ଯ୍ୟସୂଚୀ ଅନୁଯାୟୀ, ପରୀକ୍ଷା ଫି ଦେବାର ଶେଷ ତାରିଖ ହେଉଛି ୧ ଫେବୃଆରୀ ରାତି ୧୧:୫୦ ଏବଂ ଆବେଦନ ଫର୍ମ ସଂଶୋଧନ ୱିଣ୍ଡୋ ଫେବୃଆରୀ ୨ ରୁ ୪ ପର୍ଯ୍ୟନ୍ତ ଖୋଲା ରହିବ ।
ଆବେଦନ ପ୍ରକ୍ରିୟା ସମାପ୍ତ ହେବା ପରେ, ମାର୍ଚ୍ଚ ୪ ରେ ସିୟୁଇଟି ପିଜିର ପରୀକ୍ଷା ସିଟି ସ୍ଲିପ୍ ପ୍ରକାଶ ପାଇବ ଏବଂ ମାର୍ଚ୍ଚ ୭ ରେ ୱେବସାଇଟ୍ ମାଧ୍ୟମରେ ଆଡମିଟ୍ କାର୍ଡ ପ୍ରଦାନ କରାଯିବ । ମାର୍ଚ୍ଚ ୧୧ ରୁ ୨୮ ପର୍ଯ୍ୟନ୍ତ ସିୟୁଇଟି ପିଜି ୨୦୨୪ ଅନୁଷ୍ଠିତ ହେବ । ଆନ୍ସର କି ୪ ଏପ୍ରିଲରେ ପ୍ରକାଶ ପାଇବ । ସିୟୁଇଟି ପିଜି ପରୀକ୍ଷାର ଅବଧି ହେଉଛି ୧ ଘଣ୍ଟା ୪୫ ମିନିଟ୍ । ତିନୋଟି ସିଫ୍ଟରେ ପରୀକ୍ଷା କରାଯିବ ।
ହେଲ୍ପଲାଇନ ନମ୍ବର :-
କେନ୍ଦ୍ରୀୟ ବିଶ୍ୱବିଦ୍ୟାଳୟ ଏବଂ ଅନ୍ୟାନ୍ୟ ଅଂଶଗ୍ରହଣକାରୀ ଅନୁଷ୍ଠାନ ଦ୍ୱାରା ଦିଆଯାଇଥିବା ସ୍ନାତକୋତ୍ତର ପାଠ୍ୟକ୍ରମରେ ଆଡମିଶନ ପାଇଁ ସିୟୁଇଟି ପିଜି ପରିଚାଳିତ । ପରୀକ୍ଷା ସହ ଜଡିତ କୌଣସି ପ୍ରଶ୍ନ କିମ୍ବା ସ୍ପଷ୍ଟୀକରଣ ପାଇଁ ପ୍ରାର୍ଥୀମାନେ ୦୧୧ ୪୦୭୫ ୯୦୦୦ ରେ ଏନଟିଏ ହେଲ୍ପ ଡେସ୍କକୁ କଲ କରିପାରିବେ କିମ୍ବା [email protected]ରେ ଏନଟିଏ କୁ ଲେଖିପାରିବେ ।
