DCW vs GG: ଶେଫାଲି ବର୍ମାଙ୍କୁ ଟାର୍ଗେଟ କଲା ଗୁଜରାଟ ଜାଏଣ୍ଟସ, ୪୧ ବଲ୍ ପୂର୍ବରୁ ଦିଲ୍ଲୀ କ୍ୟାପିଟାଲ୍ସ ଜିତିଲା ମ୍ୟାଚ୍

ନୂଆଦିଲ୍ଲୀ: ଦିଲ୍ଲୀ କ୍ୟାପିଟାଲ୍ସ ଗୁଜରାଟ ଜାଏଣ୍ଟସକୁ ପରାସ୍ତ କରିଛି। ବେଥ୍ ମୁନିଙ୍କ ନେତୃତ୍ବାଧୀନ ଗୁଜରାଟ ଜାଏଣ୍ଟସ ୭ ଓ୍ଵିକେଟରେ ପରାସ୍ତ ହୋଇଥିଲା । ଦିଲ୍ଲୀ କ୍ୟାପିଟାଲ୍ସକୁ ବିଜୟ ପାଇଁ ୧୨୭ ରନର ଟାର୍ଗେଟ ମିଳିଥିଲା । ମେଗ୍ ଲାନିଂଙ୍କ ଦଳ ୧୩.୧ ଓଭରରେ ୩ ୱିକେଟ୍ ହରାଇ ୧୨୯ ରନ୍ କରି ସହଜରେ ମ୍ୟାଚ୍ ଜିତି ନେଇଥିଲା । ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଓପନର ଶେଫାଲି ବର୍ମା ଚମତ୍କାର ଇନିଂସ ଖେଳିଥିଲେ । ଶେଫାଲି ବର୍ମା ୩୭ ବଲ୍ ରୁ ୭୧ ରନ୍ କରିଥିଲେ । ସେ ନିଜ ଇନିଂସରେ ୭ ଚୌକା ଓ ୫ ଛକା ମାରିଥିଲେ ।

ସେହିପରି ଜେମିମା ରୋଡ୍ରିଗେଜ୍ ୨୮ ବଲ୍ ରୁ ୩୮ ରନ୍ କରି ଅପରାଜିତ ଫେରିଥିଲେ । ଗୁଜରାଟ ଜାଏଣ୍ଟସ ପକ୍ଷରୁ କେବଳ ତନୁଜା କନୱର ସଫଳ ବୋଲର ଥିଲେ । ତନୁଜା କନୱର ଦିଲ୍ଲୀ କ୍ୟାପିଟାଲସର ୨ ଜଣ ବ୍ୟାଟ୍ସମ୍ୟାନଙ୍କୁ ୪ ଓଭରରେ ୨୦ ରନ୍ ରେ ଶିକାର କରାଇଥିଲେ । କିନ୍ତୁ ଏହା ବ୍ୟତୀତ ଗୁଜରାଟ ଜାଏଣ୍ଟସର ଅନ୍ୟ କୌଣସି ବୋଲରଙ୍କୁ ସଫଳତା ମିଳିନଥିଲା ।