ବିଶ୍ୱକପର ପ୍ରାଇଜ ମନି ଘୋଷଣା: ଆଗାମୀ ଦିନିକିଆ ବିଶ୍ୱକପରେ ଚମ୍ପିଆନ ଦଳକୁ ମିଳିବ ଏତିକି ଟଙ୍କା ପ୍ରାଇଜ ମନି
ନୂଆଦିଲ୍ଳୀ: ନ୍ୟୁଜିଲାଣ୍ଡରେ ହେବାକୁ ଥିବା ମହିଳା ଦିନିକିଆ ବିଶ୍ୱକପ ପାଇଁ ଧାର୍ଯ୍ୟ ହୋଇଛି ପ୍ରାଇଜ ମନି । ଆସନ୍ତା ମାସରୁ ଅନୁଷ୍ଠିତ ହେବାକୁ ଥିବା ଏହି ବିଶ୍ୱକପର ବିଜେତା ଦଳ ପାଇଁ ଘୋଷଣା ହୋଇଛି ପୁରସ୍କାର ରାଶି । ବିଶ୍ୱବିଜେତା ଦଳକୁ ପୁରସ୍କାର ଭାବରେ ୧.୩୨ ମିଲିୟନ ଡଲାର ବା ୧୦ କୋଟି ଟଙ୍କା ପ୍ରଦାନ କରାଯିବ, ଯାହା ଗତ ୨୦୧୭ ସିଜନରେ ରଖାଯାଇଥିବା ପ୍ରାଇଜ ମନିଠାରୁ ଏହା ଦୁଇ ଗୁଣ ଅଧିକ । ସେହିପରି ରନର୍ସ ଅପକୁ ମିଳିବ ୬ ଲକ୍ଷ ଡଲାର ଅର୍ଥାତ ୪.୫୩ କୋଟି ଟଙ୍କା । ଆସନ୍ତା ମାର୍ଚ୍ଚ ୪ରୁ ଏପ୍ରିଲ ୩ ତାରିଖ ପର୍ଯ୍ୟନ୍ତ ନ୍ୟୁଜିଲାଣ୍ଡରେ ଆୟୋଜିତ ହେବ ଆଇସିସି ଦିନିକିଆ ମହିଳା ବିଶ୍ୱକପ । ୨୦୨୨ ମହିଳା ବିଶ୍ୱକପରେ ମଧ୍ୟ କୋଟି କୋଟି ଟଙ୍କାର ବର୍ଷା ହେବ । ଟୁର୍ଣ୍ଣାମେଣ୍ଟର ସେମି ଫାଇନାଲରେ ପରାଜୟ ବରଣ କରିଥିବା ଦଳକୁ ମଧ୍ୟ ଏକ ବଡ ଆମାଉଣ୍ଟର ପ୍ରାଇଜ ଦିଆଯିବ । ଏହି ଦଳକୁ ମୋଟ ୩ ଲକ୍ଷ ଡଲାର ବା ୨.୨୬ କୋଟି ଟଙ୍କା ପ୍ରଦାନ କରିବ ଆଇସିସି । ତେବେ ଗ୍ରୁପ ଷ୍ଟେଜରୁ ହାରି ବାହାର ହୋଇଯିବା ଦଳକୁ ୭୦ କୋଟି ଡଲାର ଟଙ୍କା ପୁରସ୍କାର ଆକାରରେ ଦିଆଯିବ ।
