ଦୀପାବଳି ଲାଗି ଚୀନ୍ ପଠାଉଛି ରୋଗ ସୃଷ୍ଟି କରୁଥିବା ବାଣ ! ପିଆଇବି କ’ଣ ଉତ୍ତର ରଖିଲା ଜାଣନ୍ତୁ
ନୂଆଦିଲ୍ଲୀ: ଦୁର୍ଗାପୂଜା ପରେ ପରେ ଆସିଯିବ ବହୁ ପ୍ରତୀକ୍ଷିତ ଦୀପାବଳି ପର୍ବ । ଯଦିଓ ଦୀପାବଳିକୁ ଆହୁରି ୨୫ ଦିନରୁ ଅଧିକ ସମୟ ବାକି ଅଛି ତଥାପି ଏବେ ଠାରୁ ବିଭିନ୍ନ ସ୍ଥାନରୁ ବାଣର ଶବ୍ଦ କାନରେ ବାଜିବା ଆରମ୍ଭ କଲାଣି । ଏହି ଉତ୍ସାହ ସହିତ ବାଣକୁ ନେଇ ବିଭିନ୍ନ ଖବର ମଧ୍ୟ ଶୁଣିବାକୁ ମିଳିଲାଣି ଯାହା ପର୍ବର ରଙ୍ଗକୁ ଫିକା ପକାଇ ଦେଇପାରେ । କେନ୍ଦ୍ର ଗୃହ ମନ୍ତ୍ରଣାଳୟ ନାମରେ ଏକ ବଡ ଖବର ବ୍ୟାପିବାରେ ଲାଗିଛି ।
ସୋସିଆଲ ମିଡିଆ ପ୍ଲାଟଫର୍ମରେ ଏବେ ଏକ ମେସେଜ୍ ଭାଇରାଲ୍ ହେବାରେ ଲାଗିଛି । ଗୃହ ମନ୍ତ୍ରଣାଳୟର ଜଣେ ଅଧିକାରୀଙ୍କ ନାମରେ ଭାଇରାଲ୍ ହେଉଥିବା ଏହି ମେସେଜ୍ରେ ଦାବୀ କରାଯାଇଛି କି, ଚୀନ୍ ଭାରତକୁ ଆଜମା ଓ ଚକ୍ଷୁରୋଗର କାରଣ ପାଲଟୁଥିବା ବିଶେଷ ପ୍ରକାରର ବାଣ ଓ ଆକର୍ଷଣୀୟ ଲାଇଟ୍ ପଠାଉଛି । ତେବେ ଚୀନ୍ ଏହା ପାକିସ୍ତାନର ଦାବୀରେ କରୁଛି । ପାକିସ୍ତାନ ସିଧା ଭାରତ ଉପରେ ପ୍ରତିଶୋଧ ନେଇ ପାରୁ ନ ଥିବାରୁ ଚୀନ୍ର ସହାୟତା ନେଇଛି । ଚୀନ୍ ଯେଉଁ ବାଣ ଭାରତ ପଠାଉଛି ତାହା କାର୍ବନ ମନୋକ୍ସସାଇଡ୍ ଗ୍ୟାସ ଠାରୁ ବି ଅଧିକ ବିଷାକ୍ତ ।
गृह मंत्रालय के कथित अधिकारी के नाम से वायरल हो रहे एक मैसेज में दावा किया गया है कि चीन भारत में अस्थमा फैलाने और नेत्र रोग उत्पन्न करने के लिए विशेष किस्म के पटाखे और सजावटी लाइट्स भेज रहा है#PIBFactCheck
▶️यह मैसेज #फर्जी है
▶️गृह मंत्रालय ने ऐसी कोई सूचना जारी नहीं की है pic.twitter.com/7m8aR6H7OL
— PIB Fact Check (@PIBFactCheck) October 14, 2023
ଏହା ବ୍ୟତିତ ଚୀନ୍ ଏପରି ଡେକୋରେସନ୍ ଲାଇଟ୍ ପଠାଉଛି ଯାହା ଆଖି ରୋଗ ସୃଷ୍ଟି କରିବା ସହ ଆଖିକୁ ପୁରା ନଷ୍ଟ କରିଦେଇପାରେ ବୋଲି ଖବର ପ୍ରସାରଣ ହେଉଛି । ଏହିପରି କିଛି ମେସେଜ୍ ଏବେ ଗୃହ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀଙ୍କ ନାମରେ ସୋସିଆଲ ମିଡିଆରେ ଭାଇରାଲ ହେଉଛି ।
କିନ୍ତୁ ପିଆଇବି ପକ୍ଷରୁୁ ଏହି ମେସେଜ୍ର ଯାଞ୍ଚ କରାଯାଇ ଏହା ଭିତ୍ତିହୀନ ବୋଲି ସ୍ପଷ୍ଟ କରାଯାଇଛି । ଏହା ଏକ ଫେକ ମେସେଜ୍ ଏବଂ ଗୃହ ମନ୍ତ୍ରଣାଳୟ ପକ୍ଷରୁ ଏପରି କୌଣସି ସୂଚନା ଜାରି କରାଯାଇନାହିଁ ବୋଲି କୁହାଯାଇଛି ।
