ଝିଟିପିଟି କାମୁଡିବାର ୧ ଘଣ୍ଟା ମଧ୍ୟରେ କରନ୍ତୁ ଏହି କାମ, ବଞ୍ଚିଯିବ ଜୀବନ
ସମସ୍ତଙ୍କର ଘରେ ଝିଟିପିଟି ରହିଥାନ୍ତି, ଯାହାକୁ ବହୁତ ଲୋକ ଭୟ ମଧ୍ୟ କରନ୍ତି । ଯଦିଓ ଏହା କିଛି କରେ ନାହିଁ କିନ୍ତୁ ଲୋକମାନେ ଝିଟିପିଟି ନିକଟକୁ ଯିବାକୁ ଭୟ କରନ୍ତି । ବହୁତ କ୍ୱଚିତ୍ ଝିଟିପିଟି ଆପଣଙ୍କ ଉପରେ ପଡିଯାଏ ବା କାମୁଡି ଦିଏ । ଯଦି ଆପଣଙ୍କୁ ଝିଟିପିଟି କାମୁଡେ, ତେବେ ଆପଣ କିଛି ଘରୋଇ ଚିକିତ୍ସା କରାଇପାରିବେ । ଏହା ଆପଣଙ୍କ ଜୀବନ ପ୍ରତି ବିପଦ ସୃଷ୍ଟି କରିବ ନାହିଁ । ତେବେ ଆସନ୍ତୁ ଜାଣିବା…
ଝିଟିପିଟି କାମୁଡ଼ିବା ପରେ, ତୁରନ୍ତ କାମୁଡିବା ସ୍ଥାନରେ ଡେଟୋଲ୍ ବା ସାବୁନ୍ ବ୍ୟବହାର କରି ପାଣିରେ ଧୋଇବା ଉଚିତ୍ । ଏହା ଦ୍ୱାରା ବିଷର ପ୍ରଭାବ ବଢିନଥାଏ । ଅନେକ ଥର ଜୋରରେ କାମୁଡ଼ିବା ଦ୍ୱାରା କ୍ଷତ ସ୍ଥାନରେ ଝିଟିପିଟିର ଦାନ୍ତ ରହିଯାଏ । ଯଦି ଏପରି ହୋଇଥାଏ, ତେବେ ପଲ୍କର ସାହାଯ୍ୟରେ ଦାନ୍ତ ବାହାର କରନ୍ତୁ । ଯଦି କ୍ଷତରୁ ରକ୍ତ ବାହାରେ ତେବେ, କ୍ଷତ ସ୍ଥାନରେ ବେଶି ହାତ ମାରନ୍ତୁ ନାହିଁ । ନହେଲେ ରକ୍ତ ଅଧିକ ବାହାରିବ ଓ ରକ୍ତସ୍ରାବ ବନ୍ଦ ହେବ ନାହିଁ ।
କିଛି ଲୋକ କ୍ଷତ ସ୍ଥାନକୁ ସଫା କରିବା ପାଇଁ ମଦ କିମ୍ବା ହାଇଡ୍ରୋଜେନ୍ ପେରକ୍ସାଇଡ୍ ବ୍ୟବହାର କରନ୍ତି, କିନ୍ତୁ ଏହା ଦ୍ୱାରା ଚର୍ମ ଖରାପ ହୋଇଥାଏ । ଯେଉଁଠାରେ ଝିଟିପିଟି କାମୁଡିଥାଏ, ସେହି ସ୍ଥାନକୁ ଉଷୁମ ପାଣିରେ ୨୦ ମିନିଟ୍ ବୁଡ଼ାନ୍ତୁ, ଏହା ଦ୍ୱାରା କୌଣସି ଇନଫେକ୍ସନ ହେବ ନାହିଁ ।
କ୍ଷତକୁ ଭଲ ଭାବରେ ସଫା କରିବା ପରେ ଏହା ଉପରେ ଆଣ୍ଟିବାୟୋଟିକ୍ କ୍ରିମ୍ ଲଗାନ୍ତୁ । ଡାକ୍ତରଙ୍କ ପରାମର୍ଶରେ ଟିଟାନସ୍ ଇଞ୍ଜେକ୍ସନ ନେବାକୁ ଭୁଲନ୍ତୁ ନାହିଁ । ଯଦି କ୍ଷତରେ ଫୁଲା ଅଛି, ତେବେ ଏଥିରେ ବରଫ ଲଗାନ୍ତୁ, କିନ୍ତୁ କ୍ଷତ ଉପରେ ବରଫ ଲଗାଇବା ଉଚିତ୍ ନୁହେଁ । କ୍ଷତକୁ ଖୋଲା ରଖନ୍ତୁ । ଏହା ଉପରେ ବ୍ୟାଣ୍ଡେଜ୍ ବାନ୍ଧିବା ଦ୍ୱାରା ଏହା ନରମ ରହିଥାଏ, ଫଳରେ ଶୀଘ୍ର ଭଲ ହୁଏ ନାହିଁ ।
