ଫୋନ୍ ହଜିଗଲେ କିମ୍ବା ଚୋରି ହୋଇଗଲେ ଡରନ୍ତୁ ନାହିଁ, ପ୍ରଥମେ ଆପଣାନ୍ତୁ ଏହି ପଦକ୍ଷେପ
ଭୁବନେଶ୍ୱର: ବର୍ତ୍ତମାନ ସମୟରେ ଲୋକମାନଙ୍କ ପାଖରେ କିଛି ଥାଉ କି ନଥାଉ ଖଣ୍ଡିଏ ଫୋନ୍ ନିହାତି ଥାଏ। ନୂତନ ପ୍ରଯୁକ୍ତିବିଦ୍ୟା ସହିତ ଲୋକେ ଫୋନ୍ ମାଧ୍ୟମରେ ସେମାନଙ୍କର ଅନେକ କାମ କରି ପାରୁଛନ୍ତି। ଲୋକମାନେ ପ୍ରାୟତଃ ସେମାନଙ୍କର ଫୋନ୍ରେ ଅନେକ ଗୁରୁତ୍ୱପୁର୍ଣ୍ଣ ତଥ୍ୟକୁ ମଧ୍ୟ ସାଇତି ରଖୁଛନ୍ତି। ତେଣୁକରି କୌଣସି ପ୍ରକାରେ ଯଦି ଏହି ଫୋନ୍ ଚୋରି ହୋଇଯାଏ କିମ୍ବା ହଜିଯାଏ ଲୋକମାନେ ଚିନ୍ତାରେ ପଡ଼ିଯାନ୍ତି।
କିନ୍ତୁ ଏବେ ଆଉ ମୋବାଇଲ ଚୋରି ହେଲେ କିମ୍ବା ହଜିଗଲେ ଆଉ ଚିନ୍ତା କରିବାକୁ ପଡ଼ିବ ନାହିଁ। ଏଥି ପାଇଁ କେନ୍ଦ୍ର ଟେଲି କମ୍ୟୁନିକେସନ ବିଭାଗ ଲୋକମାନଙ୍କ ପାଇଁ ବଡ଼ ପଦକ୍ଷେପ ନେଇଛି। ଶନିବାର ଓଡ଼ିଶା ପୋଲିସ ପକ୍ଷରୁ ଏକ ଟ୍ୱିଟ୍ କରି ଲୋକମାନଙ୍କୁ ସତର୍କ କରିବା ସହିତ ଏହି ସୂଚନା ଦେଇଛି । ଆପଣଙ୍କର ଫୋନ୍ ଚୋରି ହୋଇଗଲେ କୌଣସି ଚିନ୍ତା ନକରି ଏହି https://ceir.sancharsaathi.gov.in/Home/index.jsp ଲିଙ୍କ୍ରେ ଯାଇ ନିଜର ମୋବାଇଲ୍କୁ ବ୍ଲକ କରିପାରିବେ । ଯାହା ଦ୍ୱାରା ଆପଣ ଏକ ବଡ ସାବର ଠକେଇରୁ ବର୍ତ୍ତିପାରିବେ ।
ଯଦି ଆପଣଙ୍କ ମୋବାଇଲ ହଜିଯାଏ କିମ୍ବା ଚୋରି ହୋଇଯାଏ ତେବେ ନିଜକୁ ଅଯଥା ଭାରାକ୍ରାନ୍ତ ନକରି ପ୍ରଥମ ପଦକ୍ଷେପ ସ୍ୱରୁପ https://t.co/DEX3AFd0uM ଲିଙ୍କରେ କ୍ଲିକ୍ କରି ମୋବାଇଲକୁ ବ୍ଲକ୍ କରନ୍ତୁ । ଏହି ପଦକ୍ଷେପ ଆପଣଙ୍କୁ ଏକ ବଡ ସାଇବର ଠକେଇରୁ ରକ୍ଷା କରିପାରେ ।
ଓଡ଼ିଶା ପୋଲିସ ଦ୍ୱାରା ଜନହିତରେ ଜାରି । pic.twitter.com/Hu1o137gb7
— Odisha Police (@odisha_police) June 10, 2023
