ଯାହାକୁ ମିନରଲ ୱାଟର ଭାବି ପିଉଛ, ତାହା ଯୋଗୁଁ ଉପୁଜିପାରେ ବନ୍ଧ୍ୟାକରଣ ସମସ୍ୟା: ରିସର୍ଚ୍ଚ

ଜଳ ବିନା ଜୀବନର କଳ୍ପନା କରାଯାଇପାରିବ ନାହିଁ । ଏକ ସମୟ ଥିଲା ଯେତେବେଳେ ଲୋକମାନେ ପୋଖରୀ, ନଦୀ ଓ କୂଅରୁ ପାଣି ନେଇ ସେମାନଙ୍କର ଶୋଷ ମେଣ୍ଟାଉଥିଲେ । ତା’ପରେ ହ୍ୟାଣ୍ଡ ପମ୍ପର ସମୟ ଆସିଗଲା, ସେପର୍ଯ୍ୟନ୍ତ ମାମଲା ଠିକ୍ ଥିଲା । କିନ୍ତୁ ଏବେ ପାଣି ପ୍ଲାଷ୍ଟିକର ବନ୍ଦ ବୋତଲରେ ବିକ୍ରି ହେଉଛି । ପୂର୍ବରୁ ଏହା କେବଳ ହୋଟେଲରେ ଦେଖାଯାଉଥିଲା, କିନ୍ତୁ ଏବେ ଘରେ-ଘରେ ଲୋକମାନେ ବୋତଲରେ ପାଣି ରଖୁଛନ୍ତି । ଯେଉଁ ପାଣିକୁ ମିନରଲ ୱାଟର ଭାବି ଆପଣ ପିଉଛନ୍ତି, ତାହା ଆପଣଙ୍କ ସ୍ୱାସ୍ଥ୍ୟ ପାଇଁ କେତେ ଯେ କ୍ଷତିକାରକ ଆପଣ ଭାବିପାରିବେ ନାହିଁ । ତେବେ ଆସନ୍ତୁ ଜାଣିବା ଏହା ଆପଣଙ୍କ ସ୍ୱାସ୍ଥ୍ୟ ପାଇଁ କେତେ କ୍ଷତିକାରକ…

ରିସର୍ଚ୍ଚରେ କ’ଣ ଖୁଲାସା ହୋଇଛି :-
ଫ୍ରଣ୍ଟିୟର୍ସ ଡଟ୍ ଓଆରଜିର ରିସର୍ଚ୍ଚରେ ଖୁଲାସା ହୋଇଛି କି, ଯେତେବେଳେ ବୋତଲରେ ଥିବା ପାଣି ସୂର୍ଯ୍ୟ କିରଣ ସଂସ୍ପର୍ଶରେ ଗରମ ହେବାରେ ଲାଗେ, ସେବେ ପ୍ଲାଷ୍ଟିକ୍ ବୋତଲରେ ଥିବା ମାଇକ୍ରୋପ୍ଲାଷ୍ଟିକ୍ ତରଳିବା ଆରମ୍ଭ ହୁଏ । ସେମାନେ ଆମ ଶରୀରକୁ ଜଳ ମାଧ୍ୟମରେ ପ୍ରବେଶ କରନ୍ତି ଏବଂ ଶରୀରର ହରମୋନକୁ କ୍ଷତି କରନ୍ତି । ଏପରିକି ଆମର ଏଣ୍ଡୋକ୍ରାଇନ୍ ସିଷ୍ଟମକୁ ସଂପୂର୍ଣ୍ଣ ନଷ୍ଟ କରିବାର କ୍ଷମତା ସେଥିରେ ରହିଛି । ଯଦି ଆପଣ ଏହି ବୋତଲ ପାଣିକୁ ଦୀର୍ଘ ସମୟ ପିଅନ୍ତି, ତେବେ ଆପଣଙ୍କଠାରେ ବନ୍ଧ୍ୟାକରଣ ସମସ୍ୟା ଉପୁଜିବ, ଅର୍ଥାତ୍ ଆପଣ ଭବିଷ୍ୟତରେ ଜଣେ ମାତା କିମ୍ବା ପିତା ହୋଇପାରିବେ ନାହିଁ । ଏପରିକି ଏହି ବୋତଲରେ ପାଣି ଆପଣଙ୍କ ଲିଭରକୁ ମଧ୍ୟ କ୍ଷତି ପହଞ୍ଚାଉଛି ।

ପ୍ଲାଷ୍ଟିକ ମଧ୍ୟ ପରିବେଶକୁ ନଷ୍ଟ କରୁଛି:-
ବୋତଲରେ ପାଣି ସହିତ ସବୁଠାରୁ ବଡ ସମସ୍ୟା ହେଉଛି ଏହା ପ୍ଲାଷ୍ଟିକ୍ ବୋତଲରେ ଆସେ । ପାଣି ପିଇବା ପରେ ଏହି ବୋତଲର କୌଣସି ବ୍ୟବହାର ନାହିଁ, ଏହି କାରଣରୁ ଏହାକୁ ଫିଙ୍ଗି ଦିଆଯାଏ । ଏହା ଆମ ପରିବେଶକୁ ବହୁତ କ୍ଷତି ପହଞ୍ଚାଉଛି । ନ୍ୟୁଜ୍ ଏଜେନ୍ସି ରଏଟର୍ସ ରିପୋର୍ଟ ଅନୁଯାୟୀ, ପ୍ରତି ୧ ମିନିଟରେ ପୃଥିବୀରେ ୧୦ ଲକ୍ଷ ପ୍ଲାଷ୍ଟିକ୍ ବୋତଲ କିଣାଯାଉଛି । ଏଥି ସହିତ ୟୁରୋମୋନିଟର ଇଣ୍ଟରନ୍ୟାସନାଲ ଦ୍ୱାରା ପ୍ରକାଶିତ ଏକ ରିପୋର୍ଟରେ ଦର୍ଶାଯାଇଛି ଯେ, ୨୦୨୧ ମସିହାରେ ସମଗ୍ର ବିଶ୍ୱରେ ୪୮୦ ବିଲିୟନ ପ୍ଲାଷ୍ଟିକ ବୋତଲ ବିକ୍ରି ହୋଇଥିଲା ।