ସକାଳୁ ସକାଳୁ ଭୂକମ୍ପ ଝଟକାରେ ଥରିଉଠିଲା ଉତ୍ତରାଖଣ୍ଡ: ତୀବ୍ରତା ୩.୨ ଥିବା ସୂଚନା
ନୂଆଦିଲ୍ଲୀ: ଉତ୍ତରାଖଣ୍ଡର ଉତ୍ତରାକାଶୀରେ ଗୁରୁବାର ସକାଳେ ଭୂକମ୍ପ ଅନୁଭୂତ ହୋଇଛି । ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ ଭୂକମ୍ପର ତୀବ୍ରତା ୩.୨ ମାପ କରାଯାଇଛି । ଉତ୍ତରକାଶୀ ଜିଲ୍ଲାରେ ଭୂକମ୍ପ କମ୍ପନ ସେଠାକାର ବାସିନ୍ଦାଙ୍କ ନିଦ ହଜାଇଦେଇଛି ।
ଏହି ଅଞ୍ଚଳରେ ଭୂକମ୍ପ କମ୍ପନ ଅନୁଭୂତ ହୋଇଥିଲା :-
ରାତି ୩:୪୯ ରେ ଜିଲ୍ଲାରେ ଭୂକମ୍ପ ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୩.୨ ରେ ମାପ କରାଯାଇଥିଲା । ଜିଲାର ବାରକୋଟ, ପୁରୋଲା, ମୋରି, ନାଉଗାଓଁ ଏବଂ ଏହାର ଆଖପାଖ ଅଞ୍ଚଳରେ ଭୂକମ୍ପ ଅନୁଭୂତ ହୋଇଥିଲା ।
କମ୍ପନ ଅନୁଭବ କରିବା ପରେ ଗ୍ରାମବାସୀ ଘରୁ ବାହାରି ଆସିଥିଲେ । ଜିଲ୍ଲା ବିପର୍ଯ୍ୟୟ ପରିଚାଳନା ଅଧିକାରୀ ଦେବେନ୍ଦ୍ର ପାଟୱାଲ କହିଛନ୍ତି ଯେ, ଜିଲ୍ଲାର ତହସିଲ ନିୟନ୍ତ୍ରଣ କକ୍ଷ, ପୋଲିସ ନିୟନ୍ତ୍ରଣ କକ୍ଷ ଏବଂ ଟେଲିଫୋନ୍ ଏବଂ ବେତାର ମାଧ୍ୟମରେ ସୂଚନା ନିଆଯାଇଛି । ଯେଉଁଥିରେ ତହସିଲ ବାରକୋଟ, ପୁରୋଲା ଏବଂ ନାଉଗାଓଁ ବିକାଶ ବ୍ଲକରେ ସାମାନ୍ୟ ଭୂକମ୍ପ ଅନୁଭୂତ ହୋଇଥିଲା । କୌଣସି ପ୍ରକାରର କ୍ଷତି ସମ୍ପର୍କରେ ସୂଚନା ମିଳିନାହିଁ ।
ଏହାପୂର୍ବରୁ ମଙ୍ଗଳବାର ସନ୍ଧ୍ୟାରେ ଦିଲ୍ଲୀ-ଏନସିଆରରେ ଭୂକମ୍ପ ଅନୁଭୂତ ହୋଇଥିଲା । ମଙ୍ଗଳବାର ଦ୍ୱିପହରରେ ୨.୫୧ ରେ ଭୂକମ୍ପର କମ୍ପନ ଅନୁଭୂତ ହୋଇଥିଲା । ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ ଭୂକମ୍ପର ତୀବ୍ରତା ୬.୨ ରେ ମାପ କରାଯାଇଥିଲା । ନେପାଳର ଦିପାୟାଲଠାରୁ ୩୮ କିଲୋମିଟର ଦୂରରେ ପାଞ୍ଚ କିଲୋମିଟର ଗଭୀରରେ ଏହି ଭୂକମ୍ପର କେନ୍ଦ୍ରସ୍ଥଳ ଥିଲା । ୟୁପି-ଦିଲ୍ଲୀ ସମେତ ଅନେକ ରାଜ୍ୟରେ କମ୍ପନ ଅନୁଭୂତ ହୋଇଥିଲା ।
