ସବୁବେଳେ ପଜିଟିଭ ମୁଡରେ ରହିବାକୁ ଚାହୁଛନ୍ତି, ଖାଆନ୍ତୁ ଶାକାହାରୀ ଖାଦ୍ୟ, ଜାଣନ୍ତୁ ଫାଇଦା
ବେଳେବେଳେ ଆମେ କିଛି ଛୋଟ ଜିନିଷ ଉପରେ ଅତ୍ୟଧିକ ରାଗିଯାଉ ଏବଂ ବେଳେବେଳେ ବିନା କାରଣରେ ଆମେ ଭିତରେ ଅଶାନ୍ତି ଅନୁଭବ କରୁ । ଭାରତୀୟ ଆୟୁର୍ବେଦ ଅନୁଯାୟୀ, ଏହାର ଏକ କାରଣ ହେଉଛି ଆମର ଖାଇବା ଅଭ୍ୟାସ । ଆୟୁର୍ବେଦରେ ବିଶ୍ୱାସ କରାଯାଏ ଯେ ଯଦି ଆପଣ ଶାକାହାରୀ ଖାଦ୍ୟ ଖାଆନ୍ତି, ତେବେ ଆପଣ ସକରାତ୍ମକ ଶକ୍ତିରେ ପରିପୂର୍ଣ୍ଣ ଅନୁଭବ କରିବେ, ଯେତେବେଳେ ଅତ୍ୟଧିକ ତାମସିକ ଖାଦ୍ୟ ଖାଆନ୍ତି ଆପଣଙ୍କ ଭିତରେ କ୍ରୋଧ, ହିଂସା ଭଳି ଭାବନା ବଢ଼ିଥାଏ । ଆୟୁର୍ବେଦ ଅନୁଯାୟୀ ଶାକାହାରୀ ଖାଦ୍ୟ ଆମର ଭାବନାକୁ ନିୟନ୍ତ୍ରଣ କରିବାରେ ସକ୍ଷମ ହୁଏ । ତେବେ ଚାଲନ୍ତୁ ଜାଣିବା ଶାକାହାରୀ ଭୋଜନ ଭାବନାକୁ ପ୍ରଭାବିତ କରିବାରେ କେତେ ସକ୍ଷମ ।
୧ ବାସ୍ତବରେ, ଶାକାହାରୀ ଖାଦ୍ୟରେ କମ୍ ଚର୍ବି ଥାଏ । କିନ୍ତୁ ମାଂସାହାରୀ ଖାଦ୍ୟରେ ଅଧିକ ଚର୍ବି ଜମା ହେବା ଆରମ୍ଭ ହୁଏ ଏବଂ ଓଜନ ମଧ୍ୟ ବଢ଼େ । ଯେଉଁ କାରଣରୁ ଆମର ସକ୍ରିୟତା କମିଯାଏ ଏବଂ ଆମର ଶରୀର ଅଧିକ ସକ୍ରିୟ ରହିପାରିନଥାଏ ।
୨. ଯେତେବେଳେ ଆପଣ କେବଳ ଶାକାହାରୀ ଖାଦ୍ୟ ଖାଆନ୍ତି, ଏହା ଆପଣଙ୍କ ଭିତରେ ଆତ୍ମ ନିୟନ୍ତ୍ରଣକୁ ପ୍ରୋତ୍ସାହିତ କରେ । ଆୟୁର୍ବେଦ ଅନୁଯାୟୀ, ଆମ ସମସ୍ତଙ୍କ ମଧ୍ୟରେ ଏକ ଶକ୍ତି ଅଛି ଯାହା ଶାକାହାରୀ ହେବାଦ୍ୱାରା ସକରାତ୍ମକ ଏବଂ ମାଂସାହାରୀ ହେଲେ ଆମେ ନକରାତ୍ମକ ହୋଇଥାଉ ।
୩. ଶାକାହାରୀ ଖାଦ୍ୟକୁ ସାତ୍ତ୍ୱିକ ଭାବରେ ବିବେଚନା କରାଯାଏ ଯାହା ମନରେ ଶାନ୍ତି, ଏକାଗ୍ରତାକୁ ପ୍ରୋତ୍ସାହିତ କରେ । ଶାକାହାରୀ ଖାଇବା ଦ୍ୱାରା ଉଦାସୀନତା ଦୂର ହୋଇଥାଏ । ଆୟୁର୍ବେଦ ଅନୁଯାୟୀ, ଯେଉଁମାନଙ୍କୁ ଅଧିକ କ୍ରୋଧ ଆସୁଥାଏ, ସେମାନେ ଶାକାହାରୀ ଖାଦ୍ୟ ଖାଇବା ଉଚିତ୍ ।