Myntra ବିରୋଧରେ EDର ବଡ଼ କାର୍ଯ୍ୟାନୁଷ୍ଠାନ, 1654 କୋଟିର ଅନିୟମିତତା ଅଭିଯୋଗ

ନୂଆଦିଲ୍ଲୀ: Myntra ବିରୋଧରେ ED ର ବଡ଼ କାର୍ଯ୍ୟାନୁଷ୍ଠାନ । ବେଙ୍ଗାଲୁରୁ ଜୋନାଲ କାର୍ଯ୍ୟାଳୟ, ବିଦେଶୀ ମୁଦ୍ରା ପରିଚାଳନା ଆଇନ 1999 (FEMA) ର ଧାରା 16(3) ଅନୁଯାୟୀ Myntra, ଏହାର ସହଯୋଗୀ କମ୍ପାନୀ ଏବଂ ସେମାନଙ୍କର ନିର୍ଦ୍ଦେଶକମାନଙ୍କ ବିରୁଦ୍ଧରେ ପ୍ରାୟ 1,654.35 କୋଟି ଟଙ୍କାର FEMA ଉଲ୍ଲଂଘନ ପାଇଁ ଅଭିଯୋଗ ଦାଖଲ କରିଛି। ସେବେଠାରୁ, ମାମଲା ଅଧିକ ସକ୍ରିୟ ହୋଇଛି। ଏବେ ଅଭିଯୋଗ ହେଉଛି ଯେ Myntra ନିୟମ ଉଲ୍ଲଂଘନ କରି ମଲ୍ଟି-ବ୍ରାଣ୍ଡ ଖୁଚୁରା ବ୍ୟବସାୟକୁ ହୋଲସେଲ୍ ବ୍ୟବସାୟ ଭାବରେ ଦେଖାଇ ₹ 1654 କୋଟିରୁ ଅଧିକ ବିଦେଶୀ ନିବେଶ କରିଛି। ବର୍ତ୍ତମାନ ED ଏହି ମାମଲାରେ ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରିଛି।

ଘଟଣା କ’ଣ?

ED ସୂଚନା ପାଇଥିଲା ଯେ Myntra ଏବଂ ଏହାର ସହଯୋଗୀ କମ୍ପାନୀଗୁଡ଼ିକ ଭାରତରେ ପ୍ରଯୁଜ୍ୟ ବିଦେଶୀ ନିବେଶ (FDI) ନୀତିର ଉଲ୍ଲଂଘନ କରି ‘ହୋଲେସଲ୍ କ୍ୟାସ୍ ଆଣ୍ଡ୍ କ୍ୟାରି’ ବ୍ୟବସାୟ ନାମରେ ମଲ୍ଟି-ବ୍ରାଣ୍ଡ୍ ରିଟେଲ୍ ଟ୍ରେଡିଂ (MBRT) କରୁଛନ୍ତି। ଅର୍ଥାତ Myntra ଏହାର ସମସ୍ତ ପ୍ରଡକ୍ଟ୍ସକୁ, ଭେକ୍ଟର ଇ-କମର୍ସ ପ୍ରାଇଭେଟ୍ ଲିମିଟେଡ୍ କୁ ବିକ୍ରି କରିଥିଲା ଏବଂ ସେଗୁଡ଼ିକୁ ଖୁଚୁରା କ୍ଷେତ୍ରରେ ସାଧାରଣ ଗ୍ରାହକଙ୍କୁ ବିକ୍ରି କରିଥିଲା।

କିପରି ଠକେଇ କରାଯାଇଥିଲା?

Myntra ଏବଂ ଭେକ୍ଟର ଇ-କମର୍ସ ପ୍ରାଇଭେଟ୍ ଲିମିଟେଡ୍ ଉଭୟ ସମାନ ଗ୍ରୁପର କମ୍ପାନୀ। ଗୋଟିଏ କମ୍ପାନୀରୁ ଅନ୍ୟ କମ୍ପାନୀକୁ ସାମଗ୍ରୀ ପଠାଯାଉଥିଲା ଏବଂ B2B (ବିଜନେସ ଟୁ ବିଜନେସ) ଭାବରେ ଦର୍ଶାଯାଉଥିଲା ଏବଂ ତା’ପରେ ସମାନ ଗ୍ରୁପର ଅନ୍ୟ ଏକ କମ୍ପାନୀ ସାଧାରଣ ଗ୍ରାହକଙ୍କୁ ବିକ୍ରି କରି ଏହାକୁ B2C (ବିଜନେସ ଟୁ କଷ୍ଟମର) ରେ ପରିବର୍ତ୍ତନ କରିଥିଲା। ଏହାର ଉଦ୍ଦେଶ୍ୟ ଆଇନଗତ ଭାବରେ ହୋଲେସଲ୍ ବ୍ୟବସାୟ ଦେଖାଇବା ଥିଲା, କିନ୍ତୁ ବାସ୍ତବରେ ଖୁଚୁରା ବ୍ୟବସାୟ କରିବା।

କେଉଁଠାରେ ଆଇନ ଉଲ୍ଲଂଘନ ହୋଇଥିଲା?

FDI ନୀତି ଅନୁଯାୟୀ, ଏକ ହୋଲସେଲ କମ୍ପାନୀ କେବଳ 25% ପର୍ଯ୍ୟନ୍ତ ସାମଗ୍ରୀ ନିଜ ଗ୍ରୁପର ଅନ୍ୟ ଏକ କମ୍ପାନୀକୁ ବିକ୍ରି କରିପାରିବ। କିନ୍ତୁ Myntra ନିଜ ଗ୍ରୁପ କମ୍ପାନୀ ଭେକ୍ଟରକୁ 100% ସାମଗ୍ରୀ ବିକ୍ରି କରିଛି, ଯାହା ଆଇନର ସିଧାସଳଖ ଉଲ୍ଲଂଘନ।

ଏହି କାରଣରୁ, FEMA ର ଧାରା 16(3) ଅନୁଯାୟୀ ବିଚାରକ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ ଦାଖଲ କରିଛି ED ।