ଚାଲୁଥିବା ବେଳେ ଟ୍ରାକରୁ ଖସିଲା ମାଲଗାଡ଼ିର ୮ଟି ବଗି, ସାମ୍ନାକୁ ଆସିଲା ଦୁର୍ଘଟଣାର Video
ନୂଆଦିଲ୍ଲୀ: ଶନିବାର ଦିନ ଦିଲ୍ଲୀରେ ଏକ ମାଲଗାଡ଼ି ଟ୍ରେନ୍ ଦୁର୍ଘଟଣାର ସମ୍ମୁଖୀନ ହୋଇଛି । ନଗର-ଦୟାବସ୍ତି ବିଭାଗରେ ଏକ ମାଲଗାଡ଼ି ଟ୍ରେନର ଆଠଟି କୋଚ୍ ଟ୍ରାକରୁ ଖସିପଡ଼ିଛି । ଜଖିରା ଫ୍ଲାଏ ଓଭର ନିକଟରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ରେଳବାଇ ଏବଂ ଫାୟାର ବ୍ରିଗେଡ ଦଳ ଘଟଣାସ୍ଥଳରେ ପହଞ୍ଚିଛନ୍ତି । ରିଲିଫ ଓ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ମାଲଗାଡି ଟ୍ରେନରେ ଲୁହା ସିଟ୍ ଗୁଡ଼ିକୁ ଲୋଡ କରାଯାଇଥିଲା ।
ଏହି ଦୁର୍ଘଟଣାରେ କେହି ଆହତ ହୋଇଥିବାର ଖବର ଏପର୍ଯ୍ୟନ୍ତ ମିଳିନାହିଁ । ଏହି ଘଟଣା ସକାଳ ୧୧.୫୨ ରେ ଘଟିଥିବା କୁହାଯାଉଛି । ଟ୍ରାପରୁ ଖସିଥିବା ବଗିକୁ ସିଧା କରିବାକୁ ଚେଷ୍ଟା କରୁଛନ୍ତି ରେଲୱେ ଟିମ୍ । ଏହା ସହିତ ଟ୍ରାକରେ ମରାମତି ମଧ୍ୟ କରାଯାଉଛି ।
ତେବେ ଗତବର୍ଷ ୬ ଅକ୍ଟୋବର ୨୦୨୩ ରେ ଏକ ମାଲଗାଡି ଟ୍ରେନ୍ ଦିଲ୍ଲୀରେ ଦୁର୍ଘଟଣାଗ୍ରସ୍ତ ହୋଇଥିଲା । ଯେଉଁଥିପାଇଁ କୌଣସି ବଡ଼ ଦୁର୍ଘଟଣା ଘଟି ନଥିଲା କିନ୍ତୁ ଦୀର୍ଘ ସମୟ ଧରି ଟ୍ରେନର ଚଳାଚଳ ବ୍ୟାହତ ହୋଇଥିଲା । ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ରେଳ ଅଧିକାରୀମାନେ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ । ଏହା ସହିତ ଅନେକ ଟ୍ରେନର ସମୟ ମଧ୍ୟ ପରିବର୍ତ୍ତନ କରାଯାଇଥିଲା । ଏହି ଦୁର୍ଘଟଣା ସମ୍ପର୍କରେ ଏକ ତଦନ୍ତ କମିଟି ମଧ୍ୟ ଗଠନ କରାଯାଇଥିଲା । ଏହାପୂର୍ବରୁ ଦିଲ୍ଲୀ ସୀମାବର୍ତ୍ତୀ ଗାଜିଆବାଦରେ ସାମଗ୍ରୀ ଟ୍ରେନ ଦୁର୍ଘଟଣାର ମାମଲା ମଧ୍ୟ ସାମ୍ନାକୁ ଆସିଥିଲା ।
STORY | Goods train derails near Delhi’s Sarai Rohilla railway station
READ: https://t.co/ne7sR2i01g
VIDEO:
(Source: Third Party) pic.twitter.com/UMORaaf55M
— Press Trust of India (@PTI_News) February 17, 2024
