ପ୍ରଥମେ ଲିଫ୍ଟ ବାହାନା ପରେ ନିଶା ଦେଇ ବେହୋସ୍, ବୃଦ୍ଧଙ୍କ ଆଖି ତାଡିନେଲେ !

ଭୁବନେଶ୍ବର: ବଲାଙ୍ଗୀରରୁ ସାମ୍ନାକୁ ଆସିଛି ଅଭାବନୀୟ ଘଟଣା  । ରାସ୍ତାରେ ଚାଲିଚାଲି ଯାଉଥିବା ବୃଦ୍ଧକୁ ଅଟକାଇ ନିଶା ଦେଇ ଆଖି ତାଡିଦେଇଥିବା ଅଭିଯୋଗ ହୋଇଛି । ବଲାଙ୍ଗିର ଲୋଇସିଂହା ଥାନା ଏନଏଚ ୨୬ ଲୋଇସିଂହା ପେଟ୍ରୋଲ ପମ୍ପନିକଟରେ ଘଟିଛି ଏହି ଅଜବ ଘଟଣା ।  ବୃଦ୍ଧ ଜଣଙ୍କ ଅବସ୍ଥା ଏବେ ଗୁରୁତର ରହିଛି । ତାଙ୍କୁ ଗୁରୁତର ଅବସ୍ଥାରେ ଭୀମଭୋଇ ମେଡିକାଲରେ ଭର୍ତ୍ତି କରାଯାଇଛି । ତେବେ ବୃଦ୍ଧଙ୍କ ସହିତ କାହିଁକି ଏଭଳି ଘଟିଲା ତାହା ବର୍ତ୍ତମାନ ସୁଦ୍ଧା ଜଣାପଡିନାହିଁ । କିଛିଜଣ ଏହାକୁ ଯୋଜନାବଦ୍ଧ ବୋଲି କହୁଥିବା ବେଳେ ଆଉ କିଛି ଜଣ ଏହାକୁ ଏକ ଗ୍ୟାଙ୍ଗର କାରନାମା ବୋଲି କହିଛନ୍ତି । ଏନେଇ ଲୋଇସିଂହା ଥାନା ପୋଲିସ ଖବର ପାଇବା ପରେ ତନାଘନା ଆରମ୍ଭ କରିଛି ।