‘ମେଟ୍ରୋ ମ୍ୟାନ୍’ ଇ ଶ୍ରୀଧରନଙ୍କ ଭାଗ୍ୟ ନିର୍ଦ୍ଧାରଣ ଆଜି

ନୂଆଦିଲ୍ଲୀ, ୨ା୫: ଆଜି କେରଳ ବିଧାନସଭା ନିର୍ବାଚନର ଭୋଟ ଗଣନା ଜାରି ରହିଛି । ରାଜ୍ୟର ୧୪୦ଟି ମୋଟ ଆସନ ମଧ୍ୟରୁ ଗୋଟିଏ ଆସନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି ମେଟ୍ରୋ ମ୍ୟାନ୍ ଇ. ଶ୍ରୀଧରନ୍ । ଶ୍ରୀଧରନ୍ ବିଜେପି ଟିକେଟରେ ପଲକ୍କଡ ଆସନରେ ନିର୍ବାଚନ ଲଢ଼ୁଛନ୍ତି । ସେ ସିପିଆଇଏମର ସିପି ପ୍ରସାଦ, ବିଏସପିର ଇଟିକେ ବାଲସନ, କଂଗ୍ରେସର ଶଫି ପରମବିଲ, ଏସଏଫବିର ଜୟପ୍ରକାଶଙ୍କ ସହିତ ପ୍ରତିଦ୍ୱନ୍ଦ୍ୱିତା କରୁଛନ୍ତି । ଶ୍ରୀଧରନ ମେଟ୍ରୋ ମ୍ୟାନ୍ ଭାବେ ସମଗ୍ର ବିଶ୍ୱରେ ପରିଚିତ । ଚଳିତ ବର୍ଷ ସେ ବିଜେପିରେ ସାମିଲ ପରେ ତାଙ୍କୁ ବିଧାନସଭା ନିମନ୍ତେ ଟିକେଟ ଦିଆଯାଇଥିଲା । ସେ ପଦ୍ମଶ୍ରୀ ଓ ପଦ୍ମବିଭୂଷଣ ସମ୍ମାନରେ ସମ୍ମାନିତ ହୋଇସାରିଛନ୍ତି । ଶ୍ରୀଧରନଙ୍କ ଆଜିର ଲଢ଼େଇକୁ ନେଇ ସବୁଆଡ଼େ ଚର୍ଚ୍ଚା ଚାଲିଛି ।