ନାଁ ବଦଳେଇଲେ ଏଲନ ମସ୍କ, ପ୍ରୋଫାଇଲ ପିକ୍ଚରରେ ରଖିଲେ ବେଙ୍ଗର ଫଟୋ

ୱାଶିଂଟନ୍: ବିଶ୍ୱର ସବୁଠୁ ଧନୀ ଏଲନ ମସ୍କ ଅନେକ ସମୟରେ ଚର୍ଚ୍ଚାରେ ରହୁନ୍ତି । କେତେବେଳେ ନିଜ ବୟାନ ପାଇଁ ତ ଆଉ କେତେବେଳେ ନିଜ କାମ ପାଇଁ । ଏବେ ପୁଣିଥରେ ଆଲୋଚନାର କେନ୍ଦ୍ରବିନ୍ଦୁ ପାଲଟିଛନ୍ତି, ସ୍ପେସ୍ ଏକ୍ସ ମାଲିକ ଏଲନ ମସ୍କ ।
ଏକ୍ସେରେ ନିଜ ନାମ ବଦଳାଇବା ସହ ପ୍ରୋଫାଇଲ୍ ପିକଚର ରଖି ଚର୍ଚ୍ଚାର ପରିସରକୁ ଆସିଛନ୍ତି ମସ୍କ ।

ଆକାଉଣ୍ଟ ନା’ ବଦଳେଇ ସେ ମସ୍କ ଲେଖିଛନ୍ତି, କେକିଅନ୍ ମାକ୍ସିମସ୍ ରଖିଛନ୍ତି । ସବୁଠାରୁ ରୋଚକ କଥା ପ୍ରୋଫାଇଲ୍ ପିକଚରରେ ମସ୍କ ‘ପେପେ ଦ ଫ୍ରାଗ୍’ ମିମ୍ରା ଫଟୋ ରଖିଛନ୍ତି ।

ଏ ଘଟଣା ମସ୍କଙ୍କ କ୍ଷେତ୍ରରେ ପ୍ରଥମ ନୁହେଁ ପୂର୍ବରୁ ମଧ୍ୟ ସେ ଅନେକ ଥର ଏକ୍ସରେ ନିଜ ଡିପି ସାଙ୍ଗକୁ ନାମ ପରିବର୍ତ୍ତନ କରିସାରିଛନ୍ତି । ପୂର୍ବରୁ ସେ ନିଜ ନାଁକୁ ବଦଳେଇ ମିଷ୍ଟର ଟୁଇଟ୍ ରଖିଥିଲେ । ଏହାପୂର୍ବରୁ ଏକ୍ସରେ ନିଜ ନାମ ବଦଳେଇ ମସ୍କ କରିଥିଲେ ନଟିଅସ୍ ମାକ୍ସିମସ୍ ।