ଜଣାପଡ଼ିଲା ଅହମ୍ମଦାବାଦ ପ୍ଲେନ କ୍ରାସର ସତ ! ପୋଲିସ ହାତରେ ଧରାପଡ଼ିଲେ ଏହି ହାଇପ୍ରୋଫାଇଲ୍ ଲେଡି

ଅହମ୍ମଦାବାଦ: ଜଣାପଡ଼ିଲା ଅହମ୍ମଦାବାଦ ପ୍ଲେନ କ୍ରାସର କାରଣ ! କୌଣସି ଯାନ୍ତ୍ରୀକ ତ୍ରୁଟି ପାଇଁ ନୁହେଁ ବରଂ ଏହାକୁ ଖସାଇ ଦିଆଯାଇଥିଲା ! ସେ ହେଉଛନ୍ତି ଜଣେ ମହିଳା । ଯାହାଙ୍କ ନାମ ରେନେ ଜୋଶିଲଡ଼ା । ସେ ଚେନ୍ନାଇର ଏକ ବହୁ ରାଷ୍ଟ୍ରିୟ କମ୍ପାନୀର ଜଣେ ବରିଷ୍ଠ ପରାମର୍ଶଦାତା । ସେ ପେଶାରେ ଜଣେ ରୋବୋଟିକ୍ସ ଇଞ୍ଜିନିୟର । କିନ୍ତୁ ସେ ଯାହା କରିଛନ୍ତି, ଆପଣ ସ୍ବପ୍ନରେ ବି ସୁଧା ଭାବି ପାରିବେ ନାହିଁ ।

ଅହମ୍ମଦାବାଦ ଏୟାର ଇଣ୍ଡିଆ ଦୁର୍ଘଟଣାର ଆଗାମୀ ଦିନ ବି.ଜେ ମେଡ଼ିକାଲ କଲେଜକୁ ଏକ ଇମେଲ ଆସିଥିଲା । ଯେଉଁ ଇମେଲରେ ଲେଖା ହୋଇଥିଲା ଯେ, “ଗତକାଲି ଏୟାର ଇଣ୍ଡିଆ ବିମାନ ଦୁର୍ଘଟଣା ହେଇଥିଲା । ଆଗକୁ ଆହୁରି ବି ଦୁର୍ଘଟଣା ହେବ”। କିନ୍ତୁ ତଦନ୍ତରୁ ଜଣାପଡିଥିଲା ଯେ, ଏହି ଧମକ ରେନେ ଜୋଶିଲଡ଼ା ନାମକ ଜଣେ ମହିଳା ପଠାଇଥିଲେ । କେବଳ ସେତିକି ନୁହେଁ, ସେ ସାରା ଗୁଜରାଟରେ 21ଟି ଧମକପୂର୍ଣ୍ଣ ଇମେଲ୍ ପଠାଇଥିଲେ। ଶେଷରେ, ଏକ ଭୁଲ ଯୋଗୁଁ, ସମ୍ପୂର୍ଣ୍ଣ ଘଟଣାଟି ସାମ୍ନାକୁ ଆସିଲା। 30 ବର୍ଷୀୟ ଇଞ୍ଜିନିୟର ରେନେ ଜୋଶିଲଡା ଶେଷରେ ଧରାପଡ଼ିଗଲେ।

ତେବେ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି କରିବା ଏବଂ ତାଙ୍କ ସହକର୍ମୀଙ୍କୁ ଫସାଇବା ପାଇଁ ଏହା ଥିଲା ତାଙ୍କର ଗୋଟେ ଚାଲ୍ ।

ସର୍ବଭାରତୀୟ ଗଣମାଧ୍ୟମ ସୂତ୍ର ଅନୁଯାୟୀ, ରେନେ ଜୋଶିଲଡା, ତାଙ୍କ ସହକର୍ମୀ ଦିଭିଜ ପ୍ରଭାକରଙ୍କ ପ୍ରେମରେ ପଡ଼ିଯାଇଥିଲେ। ଦିଭିଜ ଏହି ବର୍ଷ ଆରମ୍ଭରେ ଅନ୍ୟ ଜଣେ ମହିଳାଙ୍କୁ ବିବାହ କରିଥିଲେ। ଏବଂ ତାଙ୍କର ଏହି ପ୍ରତ୍ୟାଖ୍ୟାନକୁ ଗ୍ରହଣ କରିନପାରି, ସେ ତାଙ୍କର ବୈଷୟିକ ଦକ୍ଷତା ବ୍ୟବହାର କରିଥିଲେ। ସେ ଭୟ ଏବଂ ଭୁଲ ସୂଚନା ପ୍ରସାରଣ ପାଇଁ ଏକ ଅଭିଯାନ ଆରମ୍ଭ କରିଥିଲେ।

ତାଙ୍କ ପ୍ରେମିକଙ୍କ ନାମ ବ୍ୟବହାର କରି ଏକ ନକଲି ଇମେଲ୍ ଆଇଡି ତିଆରି କରି, ସେ ସେହି ଇମେଲ୍ ଆଇଡିରୁ ଅତି କମରେ 11ଟି ରାଜ୍ୟରେ ନକଲି ବୋମା ଧମକ ଦେଇଥିଲେ।

ରେନେ ତାଙ୍କର ବୈଷୟିକ ଜ୍ଞାନ ବ୍ୟବହାର କରି ସମସ୍ତ ଡିଜିଟାଲ୍ ପ୍ରମାଣ ନଷ୍ଟ କରିଥିଲେ, ଯାହା କାରଣରୁ ସେ ଏତେ ଦିନ ଧରି ପୋଲିସର ସ୍କାନରକୁ ଆସିନଥିଲେ ।

କିନ୍ତୁ ଶେଷରେ ସେ ଧରାପଡ଼ିଗଲେ। ରିପୋର୍ଟ ଅନୁଯାୟୀ, ସେ ସମାନ ଡିଭାଇସରୁ ତାଙ୍କର ପ୍ରକୃତ ଏବଂ ନକଲି ଇମେଲ୍ ଆକାଉଣ୍ଟରେ ଲଗ୍ ଇନ୍ କରିଥିଲେ, ଯାହା ଫଳରେ ପୋଲିସ ତାଙ୍କର IP ଠିକଣା ଖୋଜି ପାଇଥିଲା।

ସେହି ସମୟରେ, ନକଲି ଇମେଲ୍ ଆଇଡି ସହିତ ତାଙ୍କର ଲିଙ୍କ୍ ମଧ୍ୟ ପୋଲିସ ପାଖରେ ସ୍ପଷ୍ଟ ହୋଇଗଲା। ବର୍ତ୍ତମାନ, ରେନେ ପୋଲିସ ହେପାଜତରେ ଅଛନ୍ତି। ପୋଲିସ ଏହି ଘଟଣା ସହିତ ଜଡିତ ସମସ୍ତ ଦିଗ ଉପରେ ନଜର ରଖିଛି।

ଆପଣଙ୍କୁ କହିରଖୁଛୁ ଯେ, ଜୁନ 20ରେ ଅହମ୍ମଦାବାଦରେ ହୋଇଥିବା ଭୟଙ୍କର ବିମାନ ଦୁର୍ଘଟଣାରେ 241 ଜଣ ଯାତ୍ରୀଙ୍କ ସମେତ 39ରୁ ଅଧିକ ଲୋକଙ୍କ ମୃତେୟୁ ହୋଇଥିଲା । ବିଜେ ମେଡିକାଲ କଲେଜର ହଷ୍ଟେଲ ଉପରେ କ୍ରାସ ହୋଇଥିବା ଏହି ବିମାନ ଦୁର୍ଘଟଣାରେ ଡାକ୍ତରୀ ଛାତ୍ରଙ୍କ ସମେତ ସ୍ଥାନୀୟ ଲୋକଙ୍କର ମୃତ୍ୟୁ ହୋଇଥିଲା ।

ଦୁର୍ଘଟଣା ଯାନ୍ତ୍ରିକ କିମ୍ବା ମାନବିକ ତ୍ରୁଟି ଥିଲା, ତଦନ୍ତ ଜାରି ରହିଛି

ବିମାନର ଫ୍ଲାଇଟ୍ ଡାଟା ରେକର୍ଡର୍ (FDR) ଏବଂ କକପିଟ୍ ଭଏସ୍ ରେକର୍ଡର୍ (CVR) ଉଦ୍ଧାର କରାଯାଇଛି । ତେହେ ବିମାନ ଦୁର୍ଘଟଣା ଯାନ୍ତ୍ରିକ ତ୍ରୁଟି ପାଇଁ କିମ୍ବା ମାନବିକ ତ୍ରୁଟି ସହିତ, ସେନେଇ ତଦନ୍ତ ଚାଲିଛି।