ସରକାରୀ ପ୍ରାଥମିକ ବିଦ୍ୟାଳୟର ଶିକ୍ଷକଙ୍କ ଘରୁ ୮.୩୬ କୋଟି ଜବତ, ୨୭ ବର୍ଷରେ ସମୁଦାୟ ଦରମା ପାଇଛନ୍ତି ୩୮ ଲକ୍ଷ
ଜଣେ ପ୍ରାଇମେରୀ ସ୍କୁଲ ଟିଚରଙ୍କୁ ଘରୁ ମିଳିଛି ୮ କୋଟି
ନୂଆଦିଲ୍ଲୀ: ମଧ୍ୟପ୍ରଦେଶର ଶିବପୁରୀ ଜିଲ୍ଲାରେ ଜଣେ ସରକାରୀ ପ୍ରାଥମିକ ବିଦ୍ୟାଳୟ ଶିକ୍ଷକଙ୍କ ଘରେ ଚଢ଼ାଉ ହୋଇଥିଲା। ଏଥିରେ ଉଦ୍ଧାର ହୋଇଥିବା ସମ୍ପତ୍ତି ବିଷୟରେ ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି।
ଜଣେ ସରକାରୀ ପ୍ରାଥମିକ ବିଦ୍ୟାଳୟର ଶିକ୍ଷକଙ୍କ ପାଖରୁ 8.36 କୋଟିରୁ ଅଧିକ ମୂଲ୍ୟର ସମ୍ପତ୍ତି ଜବତ କରାଯାଇଛି। ଏଥିରେ 52 ଟି ଜମି ଅଛି। ଶିକ୍ଷକଙ୍କ ନାମ ହେଉଛି ସୁରେଶ ସିଂ ଭଦୌରିଆ।
ଡିଏସପି ଡି ପି ଗୁପ୍ତା କହିଛନ୍ତି ଯେ, ବୁଧବାର ସକାଳେ ଜିଲ୍ଲାର ଭାଉଣ୍ଟୀ ସହରରେ ଭଦୌରିଆଙ୍କ ବାସଭବନରେ ଗୁଆଲିଅର ପୋଲିସର ଇକୋନୋମିକ୍ ଅଫେନ୍ସ ୱିଙ୍ଗ (EOW) ଚଢ଼ାଉ କରିଥିଲା।
ଚଢ଼ାଉ ବେଳେ ମିଳିଲା ଏତିକି ସମ୍ପତ୍ତି: EOW ଅନୁଯାୟୀ, ଭଦୌରିଆ ଏବଂ ତାଙ୍କ ପରିବାର ସାମୂହିକ ଭାବରେ 52 ପ୍ଲଟ୍, ଦୋକାନ, ଘର, ଯାନ, ସୁନା ଏବଂ ରୂପା ସମେତ 8.36 କୋଟିରୁ ଅଧିକ ମୂଲ୍ୟର ସମ୍ପତ୍ତି ରହିଛି। EOW ଅନୁସନ୍ଧାନ ଅନୁଯାୟୀ, ଭଦୌରିଆ ଏପର୍ଯ୍ୟନ୍ତ ଚାକିରିରୁ ମୋଟ 38.04 ଲକ୍ଷ ଟଙ୍କା ରୋଜଗାର କରିଛନ୍ତି।
EOW ଅଧିକାରୀଙ୍କ କହିବାନୁସାରେ, ଶିକ୍ଷକ ସୁରେଶ ସିଂ ଭଦୌରିଆ, ବର୍ତ୍ତମାନ ମାସିକ 65,000 ଟଙ୍କା ଦରମା ପାଉଛନ୍ତି, 1998 ମସିହାରୁ ଏହି ଚାକିରିରେ ଅଛନ୍ତି। ଏହି ଶିକ୍ଷକଙ୍କ ପାଖେ 8 କୋଟି 36 ଲକ୍ଷ 32 ହଜାର 340 ଟଙ୍କା ମୂଲ୍ୟର ସମ୍ପତ୍ତି ରହିଥିବା ସୂଚନା ମିଳିଛି।
ଅଭିଯୁକ୍ତ ଶିକ୍ଷକ ପ୍ରାୟ 27 ବର୍ଷର ଚାକିରି କାଳରେ ଦରମା ହିସାବରେ ପ୍ରାୟ 38 ଲକ୍ଷ 4 ହଜାର ଟଙ୍କା ପାଇଛନ୍ତି।