(Video) ‘ଶେଷରେ ଈଶ୍ୱର ଆମ ଦୁଃଖ ଶୁଣିଲେ’: ଉତ୍ତରକାଶୀ ସୁଡ଼ଙ୍ଗରୁ ସୁରକ୍ଷିତ ଭାବେ ଉଦ୍ଧାର ପରେ ଖୁସି ମନାଉଛନ୍ତି ଶ୍ରମିକଙ୍କ ପରିବାର
ନୂଆଦିଲ୍ଲୀ: ଦୀର୍ଘ ୧୭ ଦିନ ଧରି ଉତ୍ତରାଖଣ୍ଡର ଉତ୍ତରକାଶୀର ସିଲକ୍ୟାରା ସୁଡ଼ଙ୍ଗରେ ଫଶି ରହିବା ପରେ ଶେଷରେ ୪୧ ଜଣ ଶ୍ରମିକ ସୁରକ୍ଷିତ ଭାବେ ଉଦ୍ଧାର ହୋଇଛନ୍ତି । ତେବେ ଶ୍ରମିକମାନେ ସୁଡ଼ଙ୍ଗରୁ ଉଦ୍ଧାର ହେବା ପରେ ସେମାନଙ୍କ ପରିବାରରେ ଏବେ ଖୁସିର ମାହୋଲ ଦେଖିବାକୁ ମିଳିଛି । ଏନେଇ ପରିଜନମାନେ ବାଣଫୁଟାଇ ଏହି ଖୁସିକୁ ମନାଇବା ସହିତ ‘ଶେଷରେ ଭଗବାନ ଆମର ଦୁଃଖ ଶୁଣିଲେ’ ବୋଲି କହିଛନ୍ତି ।
ଝାଡ଼ଖଣ୍ଡର ରାଜଧାନୀ ରାଞ୍ଚିର ଖିରାବେଡ଼ା ଗ୍ରାମରେ ୩ ଜଣ ଶ୍ରମିକଙ୍କ ପରିବାର ସଦସ୍ୟମାନେ ଅତ୍ୟନ୍ତ ଖୁସି ଜାହିର କରିଛନ୍ତି । ୨୨ ବର୍ଷୀୟ ଯୁବକ ରାଜେନ୍ଦ୍ର ବେଦିୟା, ସୁଖରାମ ଓ ଅନିଲ ୧୭ ଦିନ ଧରି ସୁଡ଼ଙ୍ଗରେ ଫଶି ରହିବା ଫଳରେ ସେମାନଙ୍କର ପରିବାରବର୍ଗ ଅବସାଦ ଘେରରେ ରହିଥିଲେ । ହୁଇଲ ଚେୟାରରେ ବସିଥିବା ରାଜେନ୍ଦ୍ରଙ୍କ ୫୫ ବର୍ଷୀୟ ଦିବ୍ୟାଙ୍ଗ ପିତା ଶ୍ରବଣ ବେଦିୟା ପୁଅର ଉଦ୍ଧାର ପରେ ନିଜର ଖୁସିକୁ ସମ୍ଭାଳି ପାରିନଥିଲେ । ‘ଶେଷରେ ଭଗବାନ ଆମର ଦୁଃଖ ବୁଝିଲେ । ମୋ ପୁଅ ସୁରକ୍ଷିତ ଭାବେ ଉଦ୍ଧାର ହେଲା’ ବୋଲି ଶ୍ରବଣ ଲୁହଭରା କଣ୍ଠରେ କହିଛନ୍ତି ।
ସେହିପରି ସୁଡ଼ଙ୍ଗରେ ଫଶିଥିବା ଅନିଲଙ୍କ ଉଦ୍ଧାର ପରେ ତାଙ୍କ ଭାଇ ସୁନିଲ ଭାଇଙ୍କୁ ଆମ୍ବୁଲାନ୍ସରେ ହସ୍ପିଟାଲ ପର୍ଯ୍ୟନ୍ତ ନେଇଯାଇଥିଲେ । ଭାଇ ସୁନିଲଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ଥିବା ସୁନିଲ ସ୍ପଷ୍ଟ କରିଥିଲେ । ଅନ୍ୟ ୪୦ ଜଣ ଶ୍ରମିକଙ୍କ ପରିଜନଙ୍କ ସହିତ ଗତ ଏକ ସପ୍ତାହ ଧରି ସୁନିଲ ସୁଡ଼ଙ୍ଗ ନିକଟରେ ଅପେକ୍ଷାରତ ଥିଲେ । ସେହି ସମୟ ତାଙ୍କ ଜୀବନର ସବୁଠାରୁ କଷ୍ଟକର ମୁହୂର୍ତ୍ତ ଥିଲା । ବୃଦ୍ଧ ପିତାମାତାଙ୍କୁ ଘରେ ଏକାକୀ ଛାଡ଼ି ବହୁ କଷ୍ଟରେ ଅର୍ଥ ଯୋଗାଡ଼ କରି ସେ ଉତ୍ତରକାଶୀ ଯାତ୍ରା କରିଥିଲେ ବୋଲି ସୁନୀଲ କହିଥିଲେ ।
ନଭେମ୍ବର ୧୨ ତାରିଖରେ ଭୂସ୍ଖଳନ କାରଣରୁ ଏକ ନିର୍ମାଣାଧୀନ ସୁଡ଼ଙ୍ଗ ଭୁଶୁଡ଼ି ପଡ଼ିଥିଲା । ଫଳରେ ସୁଡ଼ଙ୍ଗ ଭିତରେ ଶ୍ରମିକମାନେ ଫଶି ରହିଥିଲେ ଓ ତା’ପରେ ସେଠାରେ ରେସକ୍ୟୁ ଅପରେସନ ଆରମ୍ଭ ହୋଇଥିଲା । ସେହିପରି ସୁଖରାମଙ୍କ ଭଉଣୀ ଖୁସବୁ ତାଙ୍କ ଭାଇ ଘରକୁ ସୁରକ୍ଷିତ ଭାବେ ଫେରିବା ପରେ ଖୁସି ମନାଇଥିଲେ । ଏଥିସହିତ ଗ୍ରାମବାସୀମାନେ ମଧ୍ୟ ସେମାନଙ୍କର ଖୁସିକୁ ବ୍ୟକ୍ତ କରିଥିଲେ । ଶ୍ରମିକମାନେ ସୁରକ୍ଷିତ ଭାବେ ଉଦ୍ଧାର ହେବା ପରେ ମୁଖ୍ୟମନ୍ତ୍ରୀ ହେମନ୍ତ ସୋରେନ ସମସ୍ତ ଶ୍ରମିକଙ୍କ ବୀରତା ଓ ସାହସକୁ ଭୀୟସୀ ପ୍ରଂସା କରିଥିଲେ । ଯେଉଁଦିନ ଏହି ଦୁର୍ଘଟଣା ଘଟିଥିଲା ସେଦିନ ଦିପାବଳୀ ଥିଲା । ମାତ୍ର ଆଜି ସମସ୍ତ ଶ୍ରମିକଙ୍କ ପରିବାରରେ ଦିପାବଳୀ ଉତ୍ସବ ପାଳନ କରାଯାଉଥିବା ମୁଖ୍ୟମନ୍ତ୍ରୀ କହିଛନ୍ତି ।
#WATCH | Mandi, Himachal Pradesh: Family members of Vishal, one of the workers who was rescued from the Uttarkashi tunnel, celebrate pic.twitter.com/FOaGK1yhLB
— ANI (@ANI) November 28, 2023
#WATCH | Mandi, Himachal Pradesh: Urmila, mother of Vishal, one of the workers who were rescued from Silkyara tunnel says, " I am very happy with the govts of Uttarakhand and Himachal Pradesh, I thank them from the bottom of my heart…" pic.twitter.com/VMqVPg5vVJ
— ANI (@ANI) November 28, 2023
#WATCH | Lakhimpur Kheri, Uttar Pradesh: Celebrations begin at the residence of Manjit, a worker who was trapped in the Silkyara Tunnel in Uttarkashi.
All the 41 trapped workers have been successfully evacuated. pic.twitter.com/j1NUkoIUy2
— ANI (@ANI) November 28, 2023
हमारे 41 वीर श्रमिक उत्तराखण्ड में निर्माणाधीन सुरंग की अनिश्चितता, अंधकार और कपकपाती ठंड को मात देकर आज 17 दिनों के बाद जंग जीतकर बाहर आये हैं। आप सभी की वीरता और साहस को सलाम।
जिस दिन यह हादसा हुआ उस दिन दीपावली थी, मगर आपके परिवार के लिए आज दीपावली हुई है। आपके परिवार और समस्त… pic.twitter.com/tflDen49iL— Hemant Soren (@HemantSorenJMM) November 28, 2023
Uttarkashi (Uttarakhand) tunnel rescue | During the rescue operations, one of the workers showed victory sign while he was being rescued
All the 41 trapped workers have been successfully evacuated pic.twitter.com/1MF3j1od8E
— ANI (@ANI) November 28, 2023
