ଜ୍ଞାନବ୍ୟାପୀ ପରି ଆଉ ଏକ ମାମଲା; କୋର୍ଟଙ୍କ ନିର୍ଦ୍ଦେଶରେ ହେଲା ସର୍ଭେ, ହିନ୍ଦୁ ପକ୍ଷ କଲେ ଏହି ଦାବି

ନୂଆଦିଲ୍ଲୀ: ଜ୍ଞାନବ୍ୟାପୀ ପରି ଆଉ ଏକ ମାମଲା ଉତ୍ତରପ୍ରଦେଶର ଫରୁଖାବାଦରେ ଦେଖିବାକୁ ମିଳିଛି । ଯେଉଁଠାରେ କାୟମଗଞ୍ଜ ତହସିଲର ମାଉ ରଶୀଦାବାଦ ସ୍ଥିତ ବହୁ ବର୍ଷ ପୁରୁଣା ରଶୀଦ ମିଆଁଙ୍କ କବରକୁ ଶିବ ମନ୍ଦିର ବୋଲି କୋର୍ଟରେ ଦାବି କରାଯାଇଛି । ଏହି ସମାଧି ପ୍ରତ୍ନତତ୍ତ୍ୱ ବିଭାଗ ଅଧୀନରେ ରହିଛି । ତେବେ କୋର୍ଟଙ୍କ ନିର୍ଦ୍ଦେଶ ପରେ ଏହି ସମାଧିର ସର୍ଭେ କରାଯାଇଛି । ସର୍ଭେ ଆମିନ ବର୍ତ୍ତମାନ ତାଙ୍କ ରିପୋର୍ଟ କୋର୍ଟକୁ ପଠାଇବେ।

ଫାରୁଖାବାଦର କାୟମଗଞ୍ଜ କସବା ନିବାସୀ ହିନ୍ଦୁ ଜାଗରଣ ମଞ୍ଚର କାର୍ଯ୍ୟକର୍ତ୍ତା ପ୍ରଦୀପ ସାକ୍ସେନା ମାଉ ରଶୀଦାବାଦ ଗାଁ ସ୍ଥିତ ସମାଧିର ଶିବ ମନ୍ଦିର ହେବାର ଦାବି କରି ପ୍ରତ୍ନତତ୍ତ୍ୱ ବିଭାଗକୁ ନୋଟିସ ଦେଇ ସମାଧି ସର୍ଭେ ପାଇଁ ଦାବି କରିଛନ୍ତି । ଏଥିସହ କହିଛନ୍ତି ଯେ, ଏଠାରେ ଶିବ ମନ୍ଦିର ଥିଲା ଯାହାକୁ ମୋଗଲ ଆକ୍ରମଣକାରୀମାନେ ଭାଙ୍ଗି ସମାଧି ପ୍ରତିଷ୍ଠା କରିଛନ୍ତି।

ଏହା ବ୍ୟତୀତ ହିନ୍ଦୁ ଜାଗରଣ ମଞ୍ଚର କାର୍ଯ୍ୟକର୍ତ୍ତାଙ୍କ ଦ୍ୱାରା ଫତେହଗଡ଼ କୋର୍ଟରେ ସିଭିଲ ଜଜ ସିନିୟର ଡିଭିଜନରେ ୨୦୨୩ ମସିହାରେ ପ୍ରଦୀପ ସାକ୍ସେନା ବନାମ ଜିଲ୍କା ମାଜିଷ୍ଟ୍ରେଟ ଫାରୁଖାବାଦ କୋର୍ଟରେ ଦାବି କରିଥିଲେ । ଯେଉଁଥିରେ ଦାବି କରାଯାଇଛି ଯେ, ଏହି ସ୍ଥାନରେ ପୂଜା ଅର୍ଚ୍ଚନା କରିବା ବା ଅନ୍ୟ ସନାତନ ଧାର୍ମିକ ଗତିବିଧିମାନ କରିବାରେ କୌଣସି ପ୍ରକାର ପ୍ରତିବନ୍ଧକ ଲଗାଯିବା ଉଚିତ ନୁହେଁ । ପରେ କୋର୍ଟ ସ୍ୱୀକାର କରି ସମାଧିର ଆମିନ ସର୍ଭେର ରିପୋର୍ଟ ମାଗିଛନ୍ତି । ଏହାପରେ ଆମୀନ ସର୍ଭେ ଦ୍ୱାରା ସମାଧିର ସର୍ଭେ କରାଗଲା । ଏହାପରେ ବର୍ତ୍ତମାନ ସର୍ଭେ ଜମିଦାର କୋର୍ଟରେ ନିଜ ରିପୋର୍ଟ ଦାଖଲ କରିବେ । କୁହାଯାଉଛି ଯେ, ଆମୀନ ସର୍ଭେରେ ସମାଧିରେ ସମସ୍ତ ପ୍ରକାର ହିନ୍ଦୁ ଚିହ୍ନ ଦେଖିବାକୁ ମିଳୁଛି ।