(ଦେଖନ୍ତୁ Video) ଆମ୍ବୁଲାନ୍ସ ମିଳିଲାନି, ଝିଅର ଶବକୁ କାନ୍ଧରେ ଧରି ୧୦ କିମି ପର୍ଯ୍ୟନ୍ତ ଚାଲିଲେ ବାପା
ନୂଆଦିଲ୍ଲୀ: ଆଜିକାଲି ସରକାର ସାଧାରଣ ଜନତାଙ୍କ ପାଇଁ ବିଭିନ୍ନ ପ୍ରକାର ସ୍ୱାସ୍ଥ୍ୟସେବା ଘୋଷଣା କରିଥିଲେ ହେଁ ତାହାର ଫାଇଦା ପାଇବାରୁ ବଞ୍ଚିତ ହେଉଛନ୍ତି ନିରୀହ, ମଳିମୁଣ୍ଡିଆମାନେ । ପୂର୍ବରୁ ଏଭଳି ଅନେକ ଦୃଷ୍ଟାନ୍ତ ବିଭିନ୍ନ ରାଜ୍ୟରେ ଦେଖିବାକୁ ମିଳିଛି । ତେବେ ନିକଟରେ ଛତିଶଗଡ଼ରୁ ପରି ଏକ ଦୁଃଖଦ ଘଟଣା ସାମ୍ନାକୁ ଆସିଛି । ଆମ୍ବୁଲାନ୍ସ ନ ମିଳିବାରୁ ଜଣେ ବ୍ୟକ୍ତିଙ୍କୁ ନିଜ ଝିଅର ଶବକୁ ଧରି ରାସ୍ତାରେ ଚାଲିବାକୁ ପଡ଼ିଛି । ଏହାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ୍ ହେବାରେ ଲାଗିଛି ।
ଜଣାପଡ଼ିଛି ଯେ, ଲଖନପୁରରେ ଏକ ୭ ବର୍ଷର ଶିଶୁର ଥଣ୍ଡା ଓ ପେଟ ଯନ୍ତ୍ରଣା ହେବାରୁ ତାଙ୍କୁ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ତେବେ ଦୁର୍ଭାଗ୍ୟବଶତଃ ସେଠାରେ ଉକ୍ତ ଶିଶୁଟିର ମୃତ୍ୟୁ ଘଟିଥିଲା । ଏହାପରେ ଝିଅର ଶବକୁ ଘରକୁ ନେବା ପାଇଁ ଝିଅର ପିତା ହସ୍ପିଟାଲ କର୍ତ୍ତୃପକ୍ଷଙ୍କୁ ଏକ ଆମ୍ବୁଲାନ୍ସ ବନ୍ଦୋବସ୍ତ କରିବାକୁ ନେହୁରା ହୋଇଥିଲେ । ମାତ୍ର କେହି ତାଙ୍କର କଥାକୁ କର୍ଣ୍ଣାପାତ କରିନଥିଲେ । ବାଧ୍ୟହୋଇ ଲାଚାର ପିତା ନିଜର ସନ୍ତାନର ମୃତଦେହକୁ କାନ୍ଧରେ ଧରି ୧୦ କିମି ପର୍ଯ୍ୟନ୍ତ ଚାଲିବାକୁ ବାଧ୍ୟ ହୋଇଥିଲେ ।
ଏହି ଘଟଣାଟି ସୋସିଆଲ ମିଡ଼ିଆରେ ଭାଇରାଲ ହେବା ପରେ ବିଭିନ୍ନ ମହଲରେ ଉତ୍ତେଜନା ପ୍ରକାଶ ପାଇଥିଲା । ତେବେ ହସ୍ପିଟାଲରେ ଭେଣ୍ଟିଲେଟର ଓ ଶବ ବାହନକାରୀ ଗାଡ଼ିର ଅଭାବ ଥିବା ମେଡିକାଲ କର୍ତ୍ତୃପକ୍ଷ କହିଥିଲେ । ସେହିପରି ଏନେଇ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ, ଶିଶୁଟିର ଶରୀରରେ ଅକ୍ସିଜେନର ମାତ୍ରା ବହୁତ କମ୍ ଥିଲା । ଏ ଖବର ମିଳିବା ପରେ ହସ୍ପିଟାଲରେ ଆମ୍ବୁଲାନ୍ସ ପହଞ୍ଚିଥିଲା, ମାତ୍ର ସେତେବେଳକୁ ଝିଅଟିର ପିତା ଶବଧରି ଘରକୁ ପଳାଇ ଯାଇଥିଲେ । ଡାକ୍ତର ଓ ଷ୍ଟାଫ୍ ନର୍ସଙ୍କ ଦାୟିତ୍ୱହୀନତା କାରଣରୁ ଏପରି ଘଟିଥିବା ସେ କହିଛନ୍ତି ।
Surguja: Chhattisgarh Health Min TS Singh Deo orders probe after video of a man carrying body of his daughter on his shoulders went viral
Concerned health official from Lakhanpur should have made the father understand to wait for hearse instead of letting him go, Deo said(25.3) pic.twitter.com/aN5li1PsCm
— ANI MP/CG/Rajasthan (@ANI_MP_CG_RJ) March 26, 2022
