ବାପାର ନିଶା ଛଡ଼ାଇବାକୁ କୁନି ପୁଅର ମାନସିକ, ପାଣି ନେଇ ଦିଲ୍ଲୀରୁ କେଦାରନାଥ

ନୂଆଦିଲ୍ଲୀ: ଚାଲିଛି ଶ୍ରାବଣ ମାସ। ଭୋଳାନାଥଙ୍କ ମନ୍ଦିରରେ କାଉଡିଆଙ୍କ ଭିଡ଼ ଲାଗୁଛି। ଶଙ୍କର ଭଗବାନଙ୍କୁ ପାଣି ଢ଼ାଳି ମାନସିକ ପୁରଣ କରିବାକୁ ଅନେକ ମନ୍ଦିରରେ କାଉଡିଆଙ୍କ ଗହଳି।

ପ୍ରଥମ ଶ୍ରାବଣ ସୋମବାର ସରିଥିବା ବେଳେ ୨୧ ତାରିଖରେ ଦ୍ୱିତୀୟ ଶ୍ରାବଣ ସୋମବାର ପଡ଼ିବ। ଏହାରି ଭିତରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଛୋଟ ପିଲାଟି ପାଣି ଢ଼ାଳିବାକୁ ଭୋଳାବାବାଙ୍କ ନିକଟକୁ ଯାଉଛି।

ବାପା ଠୁ ମଦ ଛଡ଼ାଇ ଦେବାକୁ ମହାଦେବଙ୍କ ପାଖରେ ପିଲାଟି ମାନସିକ କରିଛି। ଏହା ସହ ପିଲାଟି କହିଛି ବାପା ମଦ ଛାଡ଼ି ମାଆ ସହ ଖୁସିରେ ରହିବାକୁ ସେ ମାନସିକ କରିଛି। କାନ୍ଧରେ ପାଣି ଧରି ଦିଲ୍ଲୀରୁ କେଦାରନାଥ ଯାଉଛନ୍ତି ଏହି ବାଳକ। ଆଖିରେ ଲୁହ ପିଲା ଯନ୍ତ୍ରଣାର କାହାଣୀ କହୁଛି। ପ୍ରତି ଦିନ ସେ ୨୬ କିଲୋମିଟର ବାଟ ଚାଲୁଛି।

ଭିଡିଓରେ ପିଲାଟି ଏହା ମଧ୍ୟ କହୁଛି ଯେ ସେ ତାଙ୍କ ଭାଇଙ୍କ ସହିତ ଭୋଲେ ବାବାଙ୍କ ଦରବାରକୁ ଯାଉଛି। ପିଲାଟି ତାଙ୍କ ପିତାଙ୍କ ମଦ ଅଭ୍ୟାସରୁ ମୁକ୍ତି ପାଇବା ପାଇଁ କାଉଡିଆ ଯାତ୍ରାର କଠିନ ସଂକଳ୍ପ ନେଇଛି।

ପିଲାଟି ତାଙ୍କ ପିତାଙ୍କ ବ୍ୟବହାରରେ ଦୁଃଖିତ ଏବଂ ସେ ଚାହେଁ ଯେ ତାଙ୍କ ପିତା ମଦ ଛାଡ଼ିଦିଅନ୍ତୁ। ଭିଡିଓ କରୁଥିବା ବ୍ୟକ୍ତିଙ୍କ ସହ କଥାବାର୍ତ୍ତା ସମୟରେ ପିଲାଟିର ଆଖିରେ ଲୁହ ଆସି ଯାଉଛି।