ମୁମ୍ବାଇରେ ବଡ ଆତଙ୍କବାଦୀ ଆକ୍ରମଣର ଆଶଙ୍କା
ମୁମ୍ବାଇ, ୨୭ ।୧୦: ମହାରାଷ୍ଟ୍ରର ରାଜଧାନୀ ମୁମ୍ବାଇରେ ଆତଙ୍କବାଦୀ ଆକ୍ରମଣ ହେବାର ସମ୍ଭାବନା ରହିଛି । ସୂତ୍ରରୁ ମିଳିଥିବା ଖବର ମୁତାବକ, ଆସନ୍ତା ୩୦ ଦିନ ମଧ୍ୟରେ ମୁମ୍ବାଇରେ ଡ୍ରୋନ୍, ରିମୋଟ କଣ୍ଟ୍ରୋଲ ମାଇକ୍ରୋ ଲାଇଟ୍ ଏୟାରକ୍ରାପ୍ଟ, ଏରିଅଲ ମିସାଇଲ ଦ୍ୱାରା ଆକ୍ରମଣ କରାଯାଇପାରେ । ଆସନ୍ତା ମାସରେ ପର୍ବପର୍ବାଣି ଯୋଗୁଁ ବଜାର ଭିଡ ହୋଇପାରେ । କୌଣସି ନିର୍ଦ୍ଦିଷ୍ଟ ଭିଆଇପି ଲୋକେସନକୁ ଲକ୍ଷ୍ୟ କରାଯାଇପାରେ । ଏପରି ପରିସ୍ଥିତିରେ ଡ୍ରୋନ୍, ଲାଇଟ ଏୟାରକ୍ରାଫ୍ଟ, ପାରା ଗାଇଡିଂକୁ ୩୦ ଦିନ ପାଇଁ ନିଷେଧ କରାଯାଇଛି ।
ଏହି କଟକଣା ଅକ୍ଟୋବର ୩୦ରୁ ୨୮ ନଭେମ୍ବର ପର୍ଯ୍ୟନ୍ତ ରହିବ । ପୋଲିସ ସାରା ସହରରେ ୧୪୪ ଧାରା ଲାଗୁ କରିବା ସହ ଭିଡ ଜମାଇବାକୁ ବାରଣ କରିଛି ।
