କର୍ଫ୍ୟୁରେ ମନ୍ତ୍ରୀ ପୁଅକୁ ଉଚିତ୍ ଶିକ୍ଷା ଶିଖାଇଲେ ମହିଳା କନେଷ୍ଟବଳ, ଦେଖନ୍ତୁ ଏହି ଜବରଦସ୍ତ ଭିଡିଓ
ରାସ୍ତା ଉପରେ ଉପରେ ମନ୍ତ୍ରୀ ପୁଅକୁ ଉଚିତ୍ ଶିକ୍ଷା ଦେଉଥିବା ପୋଲିସ ବିଷୟରେ ତ ଆପଣ ସାଧାରଣତଃ ସିନେମାରେ ଦେଖିଥିବେ । କିନ୍ତୁ ଏଭଳି ଦୃଶ୍ୟ ବାସ୍ତବରେ ଗୁଜରାଟର ସୁରତରେ ଦେଖିବାକୁ ମିଳିଛି । ଖାସ୍ କରି ରାଜନୀତିର ପ୍ରଭାବ ଡରାଇବାକୁ ଚେଷ୍ଟା କରୁଥିବା ସେହି ଯୁବକମାନଙ୍କୁ ଆଇନର ଭାଷା ଶିଖାଇଛନ୍ତି ଜଣେ ମହିଳା କନେଷ୍ଟବଳ । ସିଙ୍ଘମ ଷ୍ଟାଇଲରେ ମହିଳା କନେଷ୍ଟବଳ ଜଣକ ମନ୍ତ୍ରୀ ଓ ତାଙ୍କ ପୁଅକୁ ଆଇନର ପାଠ ପଢାଇଛନ୍ତି ।
ତେବେ ମିଳିଥିବା ସୂଚନା ମୁତାବକ, କରୋନା ମହାମାରୀର ମୁକାବିଲା କରିବା ପାଇଁ ସୁରତରେ ରାତି କର୍ଫ୍ୟୁ ଲାଗୁ ହୋଇଛି । ଏହି ସମୟରେ ବିନା ମାସ୍କରେ ବୁଲୁଥିବା କିଛି ଯୁବକଙ୍କୁ ମହିଳା ପୋଲିସକର୍ମୀ ଅଟକାଇଥିଲେ । ଧରାପଡିଥିବା ଯୁବକମାନେ ନିଜର ସାଙ୍ଗ ବା ମନ୍ତ୍ରୀଙ୍କ ପୁଅକୁ ଫୋନ କରି ଡକାଇଥିଲେ । ତୁରନ୍ତ ମନ୍ତ୍ରୀଙ୍କ ପୁଅ କାର ନେଇ ସାଙ୍ଗମାନଙ୍କୁ ମୁକୁଳାଇବା ପାଇଁ ବାହାରି ଆସିଲେ । ସେ ଆସିଥିବା କାରରେ ବିଧାୟକର ବୋର୍ଡ ଲାଗିଥିବା ଜଣାପଡିଛି । ଏହା ପରେ ମହିଳା କନେଷ୍ଟବଳ ସୁନୀତା ଯାଦବ ମନ୍ତ୍ରୀ ପୁଅର ଗର୍ବ ଭାଙ୍ଗିବା ସହ ଗାଡିରୁ ବିଧାୟକର ବୋର୍ଡ କାଢିଦେଇଥିଲେ ।
सूरत में रात को घूमने निकले मंत्री के बेटे को रोका तो मंत्री के बेटे ने दिखाई धौंस,कांस्टेबल #सुनीता_यादव ने आरोग्य मंत्री किशोर कणाणी के बेटे को बोला कि वर्दी कानून की है
अफसर मंत्री के कहने पर सुनीता को फोन पर हड़काने लगे तो सुनीता ने माफी मांगने से इंकार करते हुए इस्तीफा दिया pic.twitter.com/uF2Bw0Ep4v— Ambedkarite People's Voice (@APVNews_) July 12, 2020
ଏହା ପରେ ପୁଅ ନିଜର ପିତା ଓ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ କୁମାର କାନାଣୀଙ୍କୁ ଫୋନ କରିଥିଲେ । ଫୋନରେ ମନ୍ତ୍ରୀଙ୍କ ସହ ମଧ୍ୟ ମହିଳା କନେଷ୍ଟବଳଙ୍କ କଥାବାର୍ତ୍ତା ହେବା ପରେ ମନ୍ତ୍ରୀ କହିଥିଲେ ଯେ, ଆଇନ ହିସାବରେ ଯାହା ଠିକ୍, ତାହା କର ।
ଏହାର ଭିଡିଓ ଖୁବ୍ ଭାଇରାଲ ହେବା ପରେ ଲୋକେ ମହିଳା କନେଷ୍ଟବଳଙ୍କ ସାହସକୁ ସଲାମ୍ କରୁଛନ୍ତିି । ଅନ୍ୟପଟେ ପୋଲିସ କମିସନର ଘଟଣାର ଯାଞ୍ଚ କରିବାକୁ ଆଦେଶ ଦେଇଛନ୍ତି । ଏହାରି ମଧ୍ୟରେ କୁହାଯାଉଛି ଯେ, ସୁନୀତାଙ୍କର ଅନ୍ୟ ଏକ ସ୍ଥାନରେ ଟ୍ରାନ୍ସଫର ହୋଇଛି । କିନ୍ତୁ ବର୍ତ୍ତମାନ ସୁଦ୍ଧା ଏହା ସ୍ପଷ୍ଟ ହୋଇନାହିଁ ।
