ମାର୍କେଟ କମ୍ପେ୍ଲକ୍ସରେ ଅଗ୍ନିକାଣ୍ଡ, କାରଣ ଅସ୍ପଷ୍ଟ, ୩ ଜଣ ପର୍ଯ୍ୟଟକ ଆହତ
ପୁରୀ : ପୁରୀ ସହର ଲକ୍ଷ୍ମୀ ମାର୍କେଟ କମ୍ପେ୍ଲକ୍ସରେ ଅଗ୍ନିକାଣ୍ଡ ହୋଇଛି । ମରିଚିକୋଟ ଛକ ନିକଟରେ ଥିବା ଲକ୍ଷ୍ମୀ ମାର୍କେଟ କମ୍ପେ୍ଲକ୍ସର ଏକ ଡ୍ରେସ୍ ଦୋକାନରେ ଭୟାବହ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ, ପୁରା ଅଞ୍ଚଳ ଧୂଆଁମୟ ହୋଇଯାଇଛି । ଦୋକାନ ମଧ୍ୟରେ କିଛି ପର୍ଯ୍ୟଯକ ଫସି ରହିଥିବା ଅନୁମାନ କରାଯାଉଛି । ଘଟଣାସ୍ଥଳରେ ଦମକଳ ବାହୀନ ପହଞ୍ଚି ନିଆଁ ଲିଭା କାର୍ଯ୍ୟ ଚଳାଇଛନ୍ତି । ଉଦ୍ଧାରକାରୀ ଦଳ ମଧ୍ୟ ଉଦ୍ଧାରକାର୍ଯ୍ୟ ଆରମ୍ଭ କରିଛନ୍ତି । ଏପର୍ଯ୍ୟନ୍ତ କେହି ମୃତାହତ ହୋଇଥିବା ଜଣାପଡିନାହିଁ । ଧୂଆଁରେ ୩ ଜଣ ଅଣନିଶ୍ୱାସୀ ହୋଇ ହସ୍ପିଟାଲରେ ଭର୍ତ୍ତି ହୋଇଥିବା ସୂଚନା ମଳିଛି । ତେବେ ଏପର୍ଯ୍ୟନ୍ତ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ବର୍ତ୍ତମାନ ସୁଦ୍ଧା ଘଟଣାସ୍ଥଳରେ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରହିଛି ।
ବୈଦ୍ୟୁତିକ ଗଣମାଧ୍ୟମରୁ ଯାହା ଜଣାପଡିଛି, ମରିଚିକୋଟ ଛକ ନିକଟରେ ଥିବା ହୋଟେଲ ସମ୍ରାଟରେ ନିଆଁ ଲାଗିଛି । ହୋଟେଲର ତଳ ମହଲାରେ ସମ୍ରାଟ ଫ୍ୟାଶନ୍ ନାମକ ଏକ ଡ୍ରେସ୍ ଦୋକାନ ରହିଥିଲା, ସେହି ଦୋକନାରେ ପ୍ରଥମେ ନିଆଁ ଲାଗିଥିବା ସନ୍ଦେହ କରାଯାଉଛି । ସ୍ଥାନୀୟ ଅଞ୍ଚଳ ଧୂଆଁମୟ ହୋଇଯାଇଥିବାରୁ ସଠିକ୍ ଭାବରେ ଜଣାପଡିନଥିଲା ନିଆଁ କେଉଁଠି ଲାଗିଛି । ତେବେ ଉପର ମହଲାରେ ଥିବା ସମ୍ରାଟ ହୋଟେଲରେ କିଛି ପର୍ଯଟକ ଫସି ରହିଥିବା ଅନୁମାନ କରାଯାଉଛି । ତେଣୁ ପର୍ଯ୍ୟଟକମାନଙ୍କ ଉଦ୍ଧାରକାର୍ଯ୍ୟ ଜାରି ରହିଛି ।
ଆଜି ଅପରାହ୍ନରେ ଭୁବନେଶ୍ୱର ଚନ୍ଦ୍ରଶେଖରପୁର ସ୍ଥିତ ପେଟ୍ରୋଲ ପମ୍ପ ନିକଟରେ ଅଗ୍ନିକାଣ୍ଡ ଘଟି ଗୋଟିଏ ଦୋକାନ ଘର ହୁତୁହୁତୁ ହୋଇ ଜଳି ଯାଇଥିଲା । ତେବେ ଏଥିରେ ମଧ୍ୟ କେହି ମୃତାହତ ହୋଇଥିବା ଜଣାପଡିନଥିଲେ । ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିଲା ବୋଲି ଆକଳନ କରାଯାଉଥିଲା ।
