(Video) ପାଞ୍ଚଜଣ! ଏତେ କମ୍ ଲୋକ ଗାଡ଼ିରେ ଯାତ୍ରା କରୁଛନ୍ତି, ଜାଣନ୍ତୁ ଏନେଇ କ’ଣ କହିଲେ IPS
ନୂଆଦିଲ୍ଲୀ: ଟ୍ରାଫିକ ନିୟମ ଉଲ୍ଲଂଘନ ନେଇ ଏକ ଭିଡିଓ ନିକଟରେ ଖୁବ୍ ଭାଇରାଲ୍ ହେବାରେ ଲାଗିଛି । ଗୋଟିଏ ବାଇକରେ ପାଞ୍ଚ ଜଣ ବସି ଯାଉଥିବା ଭିଡିଓରେ ଦେଖାଯାଉଛି । ଏହି ଭିଡିଓ ଦେଖିବା ପରେ ଜଣେ ଆଇପିଏସ୍ ଅଫିସର କଡ଼ା ପ୍ରତିକ୍ରିୟା ଦେଇଥିଲେ । ସେ କହିଥିଲେ, ‘ପୋଲିସକୁ ଚକମା ଦେଇପାରିବ, ମାତ୍ର ଯମଦୂତକୁ ନୁହେଁ ।’
ଏହି ଭାଇରାଲ ଭିଡିଓ ଦେଖିବା ପରେ ଆଇପିଏସ ଅଧିକାରୀ ଦୀପାଂଶୁ କାବରା ଲେଖିଥିଲେ, ‘ବୟସରେ ବଡ଼ ହେଲେ ମଧ୍ୟ ଏହି ଗାଡ଼ି ଚାଳକଙ୍କର ସାମାନ୍ୟ ଜ୍ଞାନର ଅଭାବ ରହିଛି । ନିଜର ମୁର୍ଖତା ବିଷୟରେ ସେ ତାଙ୍କ ପିଲାମାନଙ୍କୁ ନ ଶିଖାନ୍ତୁ । ଏପରି ଲାପରବାହୀ କାରଣରୁ ସମସ୍ତେ ବିପଦରେ ପଡ଼ିବେ । ସେମାନେ ପୋଲିସକୁ ଠକି ଖସିଯାଇ ପାରନ୍ତି, ମାତ୍ର ଯମଦୂତଙ୍କୁ ନୁହେଁ । ଏପରି ଯୁବକଙ୍କୁ ଚିହ୍ନଟ କରି କଠୋର ଦଣ୍ଡ ବିଧାନ କରାଯିବା ଆବଶ୍ୟକ ।’
ତେବେ ବାସ୍ତବ ଘଟଣାଟି ହେଉଛି, ଜଣେ ଯୁବକ ଏକ ସ୍କୁଟି ଚଳାଉଥିଲେ । ଗାଡ଼ି ପଛରେ ଦୁଇଜଣ ବସିଥିବା ବେଳେ ଦୁଇଜଣ ଛିଡ଼ା ହୋଇଥିଲେ । ଏପରି ଭାବେ ପାଞ୍ଚଜଣ ନିଜ ଜୀବନକୁ ବାଜିରେ ଲଗାଇ ଟ୍ରାଫିକ ନିୟମକୁ ଉଲ୍ଲଂଘନ କରି ଯାତ୍ରା କରୁଥିଲେ । ଏହି ଭିଡିଓ ଦେଖିବାରେ ପରେ ୟୁଜର୍ସ ଭିନ୍ନ ଭିନ୍ନ ପ୍ରତିକ୍ରିୟା ଦେଇଥିଲେ । ଜଣେ ୟୁଜର ଲେଖିଥିଲେ, ‘ଇଏ ଜଣେ ବହୁତ ବଡ଼ ଡ୍ରାଇଭର, ପିଲାଙ୍କ ପ୍ରତି ସାମାନ୍ୟ ବି ଧ୍ୟାନ ନାହିଁ । ସେହିପରି ଆଉ ଜଣେ ୟୁଜର ଲେଖିଥିଲେ, ‘ଏଭଳି ବ୍ୟକ୍ତିଙ୍କୁ ଦଣ୍ଡବିଧାନ ତ କରିବା ଉଚିତ, ତା’ ସହ ଏନେଇ ସଚେତନତା ବି ଜରୁରୀ ।’ ତେବେ ଏହି ଭାଇରାଲ୍ ଭିଡିଓଟି କେଉଁଠାରେ ଘଟିଛି ସେନେଇ କିଛି ଜଣାପଡ଼ି ନାହିଁ ।
बड़ा हुआ तो क्या हुआ, जैसे ये चालक मूर्ख,
सुरक्षा की परवाह नहीं, लापरवाही बनी नासूर."बड़े" अपनी बेवकूफियां मासूम बच्चों को ना सिखाएं. आप पुलिस को कुछ पल चकमा दे लेंगे, यमदूत को नहीं.
इन जनाब की पहचान कर सख्त कानूनी कार्यवाही हो… pic.twitter.com/I5O6pQnXrq
— Dipanshu Kabra (@ipskabra) March 26, 2022