‘ବେବି ତମେ ଆସିଲନି…ତୁମେ କହିଥିଲ ମୋତେ ନେବା ପାଇଁ ଆସିବ’, ସହିଦ ପାଇଲଟ ସିଦ୍ଧାର୍ଥଙ୍କ ମଙ୍ଗେତରଙ୍କ ଭିଡିଓ ଆପଣଙ୍କୁ ମଧ୍ୟ କନ୍ଦାଇ ଦେବ
ନୂଆଦିଲ୍ଲୀ: ‘ବେବି ତୁମେ ଆସିଲନି…ତୁମେ କହିଥିଲ ମୋତେ ନେବାପାଇଁ ଆସିବ..ଗୋଟିଏ ଥର ପାଇଁ ମୁହଁ ତ ଦେଖାଅ…’ଏହା ସେଇ ଶେଷ ଶବ୍ଦ…ଯାହା ସହିଦ ପାଇଲଟ ସିଦ୍ଧାର୍ଥଙ୍କ ମୃତଦେହକୁ ଆଲିଙ୍ଗନ କରି ମଙ୍ଗେତର ସୋନିଆ କହିଥିଲେ । ସାନିଆଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି… ଏହି ଭିଡିଓ ଦେଖିବା ପରେ ଦେଶର ଲକ୍ଷ ଲକ୍ଷ ଲୋକ ଭାବପ୍ରବଣ ହୋଇପଡୁଛନ୍ତି । ଏହି ଭିଡିଓକୁ ଶହ ଶହ ଲୋକ ସେୟାର କରିଛନ୍ତି । ଏହି ଭିଡିଓଟି ସହିଦ ଫ୍ଲାଇଟ୍ ଲେଫ୍ଟନାଣ୍ଟ ସିଦ୍ଧାର୍ଥ ଯାଦବଙ୍କ ଅନ୍ତିମ ସଂସ୍କାରର ।
ଭାରତୀୟ ବାୟୁସେନାର ଜାଗୁଆର ଲଢ଼ୁଆ ବିମାନ ଏପ୍ରିଲ ୨ ରାତିରେ ନିୟମିତ ତାଲିମ ଉଡ଼ାଣ ସମୟରେ ଗୁଜରାଟର ଜାମନଗର ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ ହରିୟାଣାର ରେୱାଡ଼ିର ୨୮ ବର୍ଷୀୟ ପାଇଲଟ୍ ଫ୍ଲାଇଟ୍ ଲେଫ୍ଟନାଣ୍ଟ ସିଦ୍ଧାର୍ଥ ଯାଦବଙ୍କ ମୃତ୍ୟୁ ହୋଇଥିଲା । ସିଦ୍ଧାର୍ଥ ଯାଦବ ଏବଂ ତାଙ୍କ ମଙ୍ଗେତର ସାନିଆ କିଛି ଦିନ ପୂର୍ବରୁ ନିର୍ବନ୍ଧ କରିଥିଲେ । ନଭେମ୍ବରରେ ଦୁହିଁଙ୍କର ବିବାହ ହୋଇଥାନ୍ତା, କିନ୍ତୁ ଭାଗ୍ୟରେ ଆଉ କିଛି ଲେଖା ଥିଲା । ଏବେ ସାନିଆ ଏବଂ ସିଦ୍ଧାର୍ଥ ଯାଦବଙ୍କ ପରିବାର ଆଶ୍ଚର୍ଯ୍ୟରେ ଅଛନ୍ତି… କିଛି ଦିନ ପୂର୍ବରୁ ସେମାନେ ବିବାହ ପ୍ରସ୍ତୁତିରେ ବ୍ୟସ୍ତ ଥିଲେ ।
ଶୁକ୍ରବାର (୪ ଏପ୍ରିଲ) ଦିନ ସହିଦ ଫ୍ଲାଇଟ୍ ଲେଫ୍ଟନାଣ୍ଟ ସିଦ୍ଧାର୍ଥ ଯାଦବଙ୍କୁ ରାଷ୍ଟ୍ରୀୟ ସମ୍ମାନ ସହିତ ଶେଷ ବିଦାୟ ଦିଆଯାଇଥିଲା । ତାଙ୍କ ପୈତୃକ ଗ୍ରାମ ଭାଲଖି ମାଜରାରେ ତାଙ୍କ ପିତା ସୁଶୀଲ ଯାଦବଙ୍କ ଦ୍ୱାରା ତାଙ୍କ ଶରୀରକୁ ଦାହ କରାଯାଇଥିଲା । ଏହି ସମୟରେ ସିଦ୍ଧାର୍ଥ ଯାଦବଙ୍କ ମଙ୍ଗେତର ସୋନିଆ ମଧ୍ୟ ସେଠାରେ ପହଞ୍ଚିଥିଲେ । ତ୍ରିରଙ୍ଗାରେ ଘୋଡ଼ାଇ ହୋଇଥିବା ସହିଦ ସିଦ୍ଧାର୍ଥଙ୍କୁ କୁଣ୍ଢେଇ ଧରି ସାନିଆ ଏତେ କାନ୍ଦିଥିଲେ ଯେ…ତାଙ୍କ ଚିତ୍କାର ସମସ୍ତଙ୍କୁ ଥରାଇ ଦେଇଥିଲା ।
What a heart wrenching moment…#SiddharthYadav got engaged 10 days back, marriage was due on 2nd November…his fiance says: Baby तू आया नहीं…तूने कहा था मुझे लेने आएगा। #jaguarcrash #Rewari pic.twitter.com/c7KGJOQixr
— Rahul Yadav (@Raahulrewari) April 4, 2025
ସିଦ୍ଧାର୍ଥ ତାଙ୍କ ପରିବାରର ଚତୁର୍ଥ ପିଢ଼ି ଥିଲେ ଯିଏ ଦେଶ ସେବା କରିଥିଲେ। ୨୦୧୬ରେ NDA ପରୀକ୍ଷାରେ ପାସ୍ କରିବା ପରେ, ସିଦ୍ଧାର୍ଥ ଜଣେ ଫାଇଟର ପାଇଲଟ୍ ହେବା ପୂର୍ବରୁ ତିନି ବର୍ଷର କଠୋର ତାଲିମ ନେଇଥିଲେ । ଦୁଇ ବର୍ଷ ଚାକିରି ପରେ ତାଙ୍କୁ ଫ୍ଲାଇଟ୍ ଲେଫ୍ଟନାଣ୍ଟ ପଦବୀରେ ପଦୋନ୍ନତି ଦିଆଯାଇଥିଲା । ଦୁର୍ଘଟଣାର ମାତ୍ର ଦଶ ଦିନ ପୂର୍ବରୁ, ମାର୍ଚ୍ଚ ୨୩ ତାରିଖରେ, ସିଦ୍ଧାର୍ଥଙ୍କର ନିର୍ବନ୍ଧ ହୋଇଥିଲା।
ନଭେମ୍ବର ୨ ତାରିଖରେ ତାଙ୍କ ବିବାହ ଯୋଜନା କରାଯାଇଥିଲା । ସେ ରେୱାଡିରେ ତାଙ୍କ ପରିବାର ସହିତ ସମୟ ବିତାଇବା ପରେ ମାର୍ଚ୍ଚ ୩୧ ତାରିଖରେ ଡ୍ୟୁଟିକୁ ଫେରିଥିଲେ। ତାଙ୍କ ଦେହାନ୍ତର ଖବର ଶୁଣି ତାଙ୍କ ପରିବାର, ବନ୍ଧୁବାନ୍ଧବ ଏବଂ ସମଗ୍ର ସହର ଶୋକରେ ବୁଡ଼ିଯାଇଛି। ମା’ ସୁଶୀଳା ଯାଦବ ବାୟୁସେନା ଟୋପି ପିନ୍ଧି ପୁଅକୁ ଶେଷ ବିଦାୟ ଦେଇଥିଲେ। ସିଦ୍ଧାର୍ଥ ସବୁବେଳେ ଉଡ଼ିବା ଏବଂ ଦେଶ ସେବା କରିବାର ସ୍ୱପ୍ନ ଦେଖୁଥିଲେ। ତାଙ୍କର ଦେଶ ସେବାରେ ଜୀବନ ଯାଇଥିବା କହିଛନ୍ତି ବାପା ।