ବିଦେଶୀ ଶ୍ରଦ୍ଧାଳୁଙ୍କ ପାଇଁ ବଡ଼ ଖବର, ଏଣିକି ଅଯୋଧ୍ୟା ରାମ ମନ୍ଦିରରେ ପ୍ରବେଶ ପାଇଁ ମିଳିବ VIP ଏଣ୍ଟ୍ରି

ନୂଆଦିଲ୍ଲୀ: ଅଯୋଧ୍ୟାର ରାମ ମନ୍ଦିରକୁ ଆସୁଥିବା ବିଦେଶୀ ଶ୍ରଦ୍ଧାଳୁମାନଙ୍କୁ ଭିଆଇପି ଏଣ୍ଟ୍ରିର ସୁବିଧା ମିଳିବ। ରାମ ମନ୍ଦିର ଟ୍ରଷ୍ଟ ଘୋଷଣା କରିଛି ଯେ, ବିଦେଶୀ ତୀର୍ଥଯାତ୍ରୀ ବର୍ତ୍ତମାନ ନିଜ ପାସପୋର୍ଟ ଦେଖାଇ ଭିଆଇପି ପାସ ପ୍ରାପ୍ତ କରିପାରିବେ ଏବଂ ରାମ ଜନ୍ମଭୂମିରେ ସ୍ପେଶାଲ ଏଣ୍ଟ୍ରି ପାଇ ପାରିବେ।

ରାମ ମନ୍ଦିର ଟ୍ରଷ୍ଟ ତୀର୍ଥଯାତ୍ରୀଙ୍କ ଅନୁଭବକୁ ଉତ୍ତମ କରିବା ଲାଗି ଏହି ସୁବିଧାଗୁଡ଼ିକୁ ଆପଣାଉଛି।

କିପରି ମିଳିବ ଭିଆଇପି ଏଣ୍ଟ୍ରି: ଅଯୋଧ୍ୟାର ଆଞ୍ଚଳିକ ପର୍ଯ୍ୟଟନ ଅଧିକାରୀ ଆରପି ଯାଦବ କହିଛନ୍ତି ଯେ, ବିଦେଶୀ ଶ୍ରଦ୍ଧାଳୁ ତୀର୍ଥଯାତ୍ରୀଙ୍କ ସେବା କେନ୍ଦ୍ରରେ ନିଜର ପାସପୋର୍ଟ ଦେଖାଇ ରାମ ଜନ୍ମଭୂମିରେ ଭିଆଇପି ଦର୍ଶନ ପାଇଁ ପାସ୍ ପ୍ରାପ୍ତ କରିପାରିବେ।

ସେ ଏହା ମଧ୍ୟ କହିଛନ୍ତି ଯେ, ଗତ ୨୦ ଦିନରେ ୧୦୦ରୁ ଅଧିକ ବିଦେଶୀ ଶ୍ରଦ୍ଧାଳୁ ରାମଲଲାଙ୍କ ଦର୍ଶନ କରିବା ଲାଗି ମନ୍ଦିରକୁ ଆସିଥିଲେ।

ଅଧିକାରୀମାନଙ୍କ ଅନୁଯାୟୀ, ପ୍ରୟାଗରାଜରେ ଚାଲୁଥିବା ମହାକୁମ୍ଭ ମେଳାରେ ଅନେକ ବିଦେଶୀ ଏବଂ ପ୍ରବାସୀ ଭାରତୀୟ ଶ୍ରଦ୍ଧାଳୁ ଅଯୋଧ୍ୟାରେ ମଧ୍ୟ ରହୁଛନ୍ତି।

ଏଥିରେ କିଛି ଶ୍ରଦ୍ଧାଳୁ ପ୍ରଥମେ ରାମଲଲାଙ୍କ ମନ୍ଦିରରେ ଦର୍ଶନ କରିବା ପରେ ପ୍ରୟାଗରାଜକୁ ଯାଉଛନ୍ତି।