ମହାକୁମ୍ଭରେ ଧ୍ୟାନ ଆକର୍ଷିତ କରୁଛି ବିଦେଶିନୀଙ୍କ ସହ ଗଣେଶ ଟେଡି, ଫୋଟୋ ଦେଖି ଲୋକେ ହେଲେ ଭାବବିହ୍ୱଳ
ସୋସିଆଲ ମିଡିଆ ପ୍ଲାଟଫର୍ମରେ ପ୍ରତି ଦିନ ମହାକୁମ୍ଭ ସହ ଜଡିତ ଅନେକ ଭିଡିଓ ଏବଂ ଫଟୋ ଭାଇରାଲ ହେଉଛି । ବର୍ତ୍ତମାନ ଅନ୍ୟ ଏକ ସୁନ୍ଦର ଫଟୋ ଭାଇରାଲ ହେଉଛି, ଯାହାକି ଆପଣଙ୍କ ହୃଦୟକୁ ଜିତି ନେବ..
ନୂଆଦିଲ୍ଲୀ: ପ୍ରୟାଗରାଜରେ ଚାଲିଥିବା ମହାକୁମ୍ଭରେ କୋଟି କୋଟି ସଂଖ୍ୟାରେ ଦେଶ ବିଦେଶରୁ ଶ୍ରଦ୍ଧାଳୁ ଏବଂ ସାଧୁ-ସନ୍ଥ ଆସି ଏକାଠି ହୋଇଛନ୍ତି । ୧୩ ଜାନୁଆରୀରୁ ଆରମ୍ଭ ହୋଇଥିବା ମହାକୁମ୍ଭ ୨୬ ଫେବୃଆରୀ ପର୍ଯ୍ୟନ୍ତ ଚାଲିବ । ସୋସିଆଲ ମିଡିଆ ପ୍ଲାଟଫର୍ମରେ ମହାକୁମ୍ଭ ସହ ଜଡ଼ିତ ଭିଡିଓ ଏବଂ ଫଟୋ ଭରପୁର ମାତ୍ରାରେ ରହିଛି ।
ସାଧୁମାନଙ୍କ ଭିଡିଓ ଭାଇରାଲ ସହ ବିଦେଶୀ ଶ୍ରଦ୍ଧାଳୁଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ତେବେ ଏହାରି ମଧ୍ୟରେ ଏକ ବିଦେଶିନୀ ଶ୍ରଦ୍ଧାଳୁଙ୍କ ଫଟୋ ଭାଇରାଲ ହେଉଛି, ଯାହାକି ଲୋକଙ୍କୁ ଖୁବ ଆକର୍ଷିତ କରୁଛି ।
ସୋସିଆଲ ମିଡିଆରେ ବିଦେଶିନୀଙ୍କ ଫଟୋ ଭାଇରାଲ: ବର୍ତ୍ତମାନ ଏକ ଫଟୋ ସୋସିଆଲ ମିଡିଆର ଭିନ୍ନ ଭିନ୍ନ ପ୍ଲାଟଫର୍ମରେ ଭାଇରାଲ ହେବାରେ ଲାଗିଛି । ଏହି ଫଟୋଟି ସମସ୍ତଙ୍କ ଧ୍ୟାନ ଆକର୍ଷଣ କରୁଛି । ଫଟୋଟିରେ ବିଦେଶିନୀ ଗଣେଶ ଟେଡିକୁ ଧରି ଠିଆ ହୋଇଛନ୍ତି ।
View this post on Instagram
ଭାଇରାଲ ହେଉଥିବା ଏହି ଫଟୋରେ ମହିଳା ଜଣକ ସଂପୂର୍ଣ୍ଣ ଭାବେ ବିଦେଶୀ ଡ୍ରେସରେ ଥିବା ବେଳେ, ସେ ଘୋଡ଼ି ହୋଇଥିବା ସାଲ ତାଙ୍କ ଭାବନାକୁ ଆକର୍ଷିତ କରୁଛି । ମହିଳା ଜଣକ ଯେଉଁ ସାଲ୍ ଘୋଡି ହୋଇଛନ୍ତି, ତା’ ଭିତରେ ସେ ଗଣେଶଙ୍କର ଏକ ଟେଡି ଧରିଛନ୍ତି ।
ଏହାଦ୍ୱାରା ଗଣେଶଙ୍କୁ ଥଣ୍ଡା ନ ଲାଗୁ ବୋଲି ସେ ଚାହୁଁଛନ୍ତି । ଏହି ଫଟୋ ବର୍ତ୍ତମାନ ଖୁବ ଭାଇରାଲ ହେବାରେ ଲାଗିଛି ।
