ଗିରଫ ହେବାପରେ ଆମେରିକାର ପୂର୍ବତନ ରାଷ୍ଟ୍ରପତିଙ୍କୁ ମିଳିଲା ଜାମିନ, କୋର୍ଟ ଲଗାଇଲେ ୧.୨୨ ଲକ୍ଷ ଡଲାରର ଜରିମାନା

ୱାଶିଂଟନ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ମୁକ୍ତ କରାଯାଇଛି। ଅଶ୍ଳୀଳ ତାରକା ଷ୍ଟର୍ମୀ ଡାନିଏଲ୍ସଙ୍କ ସହ ଜଡିତ ଏକ ଅପରାଧିକ ମାମଲା ପାଇଁ ସେ ମଙ୍ଗଳବାର ମ୍ୟାନହଟନ କୋର୍ଟରେ ପହଞ୍ଚିବା ପରେ ଟ୍ରମ୍ପଙ୍କୁ ଗିରଫ କରାଯାଇଥିଲା। ୨୦୧୬ ରାଷ୍ଟ୍ରପତି ନିର୍ବାଚନ ପୂର୍ବରୁ ଏକ ଅଶ୍ଳୀଳ ତାରକାଙ୍କୁ ଘୋଡ଼ାଇବା ପାଇଁ ଆର୍ଥିକ ରେକର୍ଡକୁ ମିଥ୍ୟା କରିବା ସହିତ ଟ୍ରମ୍ପ ୩୪ ଅଭିଯୋଗର ସମ୍ମୁଖୀନ ହୋଇଛନ୍ତି। କୋର୍ଟରେ ହାଜର ହେବା ସମୟରେ ଟ୍ରମ୍ପ ସମସ୍ତ ଅଭିଯୋଗକୁ ଅସ୍ୱୀକାର କରି ନିଜକୁ ନିର୍ଦ୍ଦୋଷ ଘୋଷଣା କରିଥିଲେ।

ଏପରି ଯୁକ୍ତି ଶୁଣିବା ପରେ କୋର୍ଟ ଟ୍ରମ୍ପଙ୍କୁ ପ୍ରାୟ ୧.୨୨ ମିଲିୟନ ଡଲାର ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି। ଜରିମାନା ପରିମାଣ ଷ୍ଟର୍ମୀ ଡାନିଏଲ୍ସଙ୍କୁ ଦିଆଯିବ। ଶୁଣାଣି ପରେ ଟ୍ରମ୍ପ କୋର୍ଟ ଛାଡିଛନ୍ତି। ଏହି ମାମଲାର ପରବର୍ତ୍ତୀ ଶୁଣାଣି ଡିସେମ୍ବର ୪ ରେ ହେବ। ଏଥି ସହିତ ଟ୍ରମ୍ପ ଆମେରିକାର ପ୍ରଥମ ପୂର୍ବତନ ରାଷ୍ଟ୍ରପତି, ଯିଏ ଅପରାଧିକ ମାମଲାରେ ଗିରଫ ହୋଇଛନ୍ତି।

ଏହାପୂର୍ବରୁ ନ୍ୟୁୟର୍କ କୋର୍ଟ ଏହି ମାମଲାରେ ପୂର୍ବତନ ରାଷ୍ଟ୍ରପତିଙ୍କ ବିରୋଧରେ ଅପରାଧିକ ମାମଲା ଅନୁମୋଦନ କରିଥିଲେ। ସେହିଭଳି ସେ କୋର୍ଟରେ ହାଜର ମଧ୍ୟ ହୋଇଥିଲେ। ତାଙ୍କର ବହୁ ସଂଖ୍ୟକ ସମର୍ଥକ କୋର୍ଟ ବାହାରେ ପହଞ୍ଚିଥିଲେ। ଏହାକୁ ଦୃଷ୍ଟିରେ ରଖି କୋର୍ଟ ଭିତରେ ଓ ବାହାରେ କଡା ସୁରକ୍ଷା ବ୍ୟବସ୍ଥା କରାଯାଇଥିଲା। ପର୍ଣ୍ଣ ଷ୍ଟାର ଷ୍ଟର୍ମୀ ଡାନିଏଲ୍ସଙ୍କୁ ଦେୟ ଦେବା ସଂପର୍କରେ ଟ୍ରମ୍ପ ଭୁଲକୁ ଅସ୍ୱୀକାର କରିଛନ୍ତି। ଟ୍ରମ୍ପ ରାଷ୍ଟ୍ରପତି ଥିବାବେଳେ ମେନହେଟାନ ଜିଲ୍ଲା ଓକିଲ ସଂଘ ଦ୍ୱାରା ଏହି ତଦନ୍ତ ଆରମ୍ଭ ହୋଇଥିଲା।