ଆରମ୍ଭରୁ ‘Instagram’ ର ନାମ ଥିଲା ଅଲଗା, କାମ ବି ଖୁବ ନିଆରା: କେମିତି ତିଆରି ହେଲା ଏହି App, ଜାଣନ୍ତୁ ଇତିହାସ
ଓଡ଼ିଶା ଭାସ୍କର: ବର୍ତ୍ତମାନ ସମୟରେ ଇନଷ୍ଟାଗ୍ରାମ ବେଶ୍ ଲୋକପ୍ରିୟତା ହାସଲ କରିସାରିଛି । ଫଟୋ ଏବଂ ଭିଡିଓ ସେୟାରିଙ୍ଗ ପ୍ଲାଟଫର୍ମ ପାଲଟିଛି ଇନଷ୍ଟାଗ୍ରାମ । ପିଲାଠୁ ବୁଢା ସମସ୍ତେ ଇନଷ୍ଟାଗ୍ରାମ ପାଇଁ ପାଗଳ ହେଲେଣି । ଏହି ଇନଷ୍ଟାଗ୍ରାମ ଜରିଆରେ ଅନେକ ଲୋକ ସାରା ଦୁନିଆରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିବାରେ ସଫଳ ହୋଇଛନ୍ତି । କିନ୍ତୁ କିଛି ମିନିଟ୍ ଭିତରେ ଲୋକଙ୍କୁ ଫେମସ୍ କରୁଥିବା ଏହି ଆପ୍ ପ୍ରକୃତରେ କିପରି ଏତେ ଲୋକପ୍ରିୟ ହୋଇଛି? ଆପଣ ଜାଣିଛନ୍ତି କି ‘ଇନଷ୍ଟାଗ୍ରାମ’ ଏହାର ପ୍ରଥମ ନାଁ ନଥିଲା? ଏଥିରେ ପ୍ରଥମ ପୋଷ୍ଟ କ’ଣ ଥିଲା? ଆସନ୍ତୁ ଜାଣିବା ଇନଷ୍ଟାଗ୍ରାମର ପୁରୁଣା ଇତିହାସ…
ଇନଷ୍ଟାଗ୍ରାମ ଆରମ୍ଭ ହେବା ସମୟରେ ଏଥିରେ ଫଟୋ କିମ୍ବା ଭିଡିଓ ପୋଷ୍ଟ ହୋଇ ପାରୁନଥିଲା । ଏହା ସେୟାରିଙ୍ଗ ପ୍ଲାଟଫର୍ମ ନଥିଲା । ଶୁଣିଲେ ଆଶ୍ଚର୍ଯ୍ୟ ହେବେ କି, ଏହି ଆପ୍ ର ନାମ ପ୍ରଥମେ ଇନଷ୍ଟାଗ୍ରାମ ହିଁ ନଥିଲା । ପୂର୍ବରୁ ଏହି ଆପ୍ ର ନାମ ଏବଂ କାମ ସମ୍ପୂର୍ଣ୍ଣ ଅଲଗା ଥିଲା । ଇନଷ୍ଟାଗ୍ରାମ ପୂର୍ବରୁ ଏହି ଆପ୍ ର ନାମ ବରବନ(Burbn) ରହିଥିଲା ଏବଂ ଏହା ଏକ ମୋବାଇଲ-ଚେକ୍-ଇନ୍ ଆପ୍ ଥିଲା । ତେବେ ବରବନ୍ ଆପ୍ ଲୋକପ୍ରିୟ ହୋଇପାରିଲା ନାହିଁ । ତେଣୁ, ପରେ ଏହାର ପ୍ରତିଷ୍ଠାତା କେଭିନ୍ ସିଷ୍ଟ୍ରୋମ୍ ଏବଂ ମାଇକ୍ କ୍ରିଗର ଏହାକୁ ଏକ ଫଟୋ ଏବଂ ଭିଡିଓ ସେୟାରିଂ ପ୍ଲାଟଫର୍ମ କରିବାକୁ ନିଷ୍ପତ୍ତି ନେଇଥିଲେ ଏବଂ ଏହାର ନାମ ‘ବରବନ’ରୁ ‘ଇନଷ୍ଟାଗ୍ରାମ’କୁ ପରିବର୍ତ୍ତନ କରିଥିଲେ । ଏହା ପରେ ଏହି ଆପ୍ ଯୁବପିଢୀଙ୍କ ମଧ୍ୟରେ ବେଶ୍ ଲୋକପ୍ରିୟ ହେବାକୁ ଲାଗିଲା ।
ଇନଷ୍ଟାଗ୍ରାମ ୧୪ ବର୍ଷ ପୂର୍ବେ ଅକ୍ଟୋବର ୬, ୨୦୧୦ ରେ ଆରମ୍ଭ ହୋଇଥିଲା । ପ୍ରାରମ୍ଭରେ ଏହି ଆପ୍ କେବଳ ios ୟୁଜରଙ୍କ ପାଇଁ ତିଆରି କରାଯାଇଥିଲା । କିନ୍ତୁ ଲୋକଙ୍କ ମଧ୍ୟରେ ଏହି ଆପ୍ ର ଲୋକପ୍ରିୟତା ବଢିବାରୁ ଏହାର ମୋଡ୍ ମଧ୍ୟ ପରିବର୍ତ୍ତନ କରାଗଲା । ଏହାପରେ ଏପ୍ରିଲ୍ ୩, ୨୦୧୨ ରେ ଏହି ଆପ୍ ଆଣ୍ଡ୍ରଏଡ୍ ୟୁଜରଙ୍କ ପାଇଁ ମଧ୍ୟ ଉପଲବ୍ଧ କରାଯାଇଛି । ଏହାପରେ ଇନଷ୍ଟାଗ୍ରାମ ୟୁଜରଙ୍କ ଠାରୁ ଏକ ଜବରଦସ୍ତ ପ୍ରତିକ୍ରିୟା ପାଇଲା । ଗୋଟିଏ ଦିନରେ ଏହା ଏକ ମିଲିୟନରୁ ଅଧିକ ଥର ଡାଉନଲୋଡ୍ ହୋଇଥିଲା ।
ବର୍ତ୍ତମାନ ଇନଷ୍ଟାଗ୍ରାମରେ କିଏ ପ୍ରଥମ ପୋଷ୍ଟ କରିଛନ୍ତି ତାହା ସାମ୍ନାକୁ ଆସିଛି। ଆସନ୍ତୁ ଆପଣଙ୍କୁ କହିବା ଯେ ଇନଷ୍ଟାଗ୍ରାମରେ ପ୍ରଥମ ପୋଷ୍ଟ ଜୁଲାଇ ୧୬, ୨୦୧୦ ରେ ଅପରାହ୍ନ ୫:୨୬ ରେ କରାଯାଇଥିଲା। ଏହି ପୋଷ୍ଟକୁ ମାଇକ୍ କ୍ରିଗର ପିୟର୍ ୩୮ ରେ ସାଉଥ୍ ବିଚ୍ ହାରବୋର ଫଟୋ ଇନଷ୍ଟାଗ୍ରାମରେ ସେୟାର କରିଥିଲେ ।
