ପୃଥିବୀକୁ ଜଳ କିପରି ଓ କେଉଁଠୁ ଆସିଲା: ସେତେବେଳେ ସୂର୍ଯ୍ୟର ଅସ୍ତିତ୍ୱ କିପରି ଥିଲା, ବୈଜ୍ଞାନିକଙ୍କୁ ମିଳିଲା ବଡ଼ ତଥ୍ୟ

ନୂଆଦିଲ୍ଲୀ: ପୃଥିବୀ, ଜଳ, ବାୟୁ, ସୂର୍ଯ୍ୟର ସୃଷ୍ଟି କିପରି ହୋଇଥିଲା, କିଏ ପ୍ରଥମେ ଆସିଥିଲା ଏପରି ଅନେକ ପ୍ରଶ୍ନ ଆମ ମନକୁ ସର୍ବଦା ଘାରିଥାଏ । ବୈଜ୍ଞାନିକମାନେ ମଧ୍ୟ ଅନେକ ସମୟରେ ଏ ପ୍ରସଙ୍ଗରେ ନୂଆ ନୂଆ ତଥ୍ୟ ଜନମାନସକୁ ଆଣିଥାନ୍ତି । ମାତ୍ର ମଣିଷ ବିଜ୍ଞାନ ଯୁଗରେ ଯେତେ ଆଗକୁ ବଢ଼ିଲେ ମଧ୍ୟ ବିଶ୍ୱ ବ୍ରହ୍ମାଣ୍ଡକୁ ନେଇ ତା’ର ପ୍ରୟାସ ଆଜି ବି ଜାରି ରହିଛି । ତେବେ ନିକଟରେ ବୈଜ୍ଞାନିକମାନେ ଏକ ନୂଆ ସନ୍ଧାନ କରି ବିଶ୍ୱବାସୀଙ୍କୁ ଚମକାଇ ଦେଇଛନ୍ତି ।

ବୈଜ୍ଞାନିକଙ୍କ ମତରେ, ବ୍ରହ୍ମାଣ୍ଡରେ ସୂର୍ଯ୍ୟର ଅସ୍ତିତ୍ୱ ପୂର୍ବରୁ ଜଳର ଅସ୍ତିତ୍ୱ ରହିଥିଲା । ଏ ବାବଦରେ ସ୍ପଷ୍ଟ ପ୍ରମାଣ ମଧ୍ୟ ମିଳିଛି । ବୈଜ୍ଞାନିକମାନେ ଏଚ୨୦ର ରୁଟକୁ ଅନୁସରଣ କରି ଏହି କ୍ରମରେ କିଛି ସମ୍ଭାବନା ଦେଖାଇଛନ୍ତି । ସୂର୍ଯ୍ୟର ସୃଷ୍ଟି ହେବା ପୂର୍ବରୁ ଅରବ ବର୍ଷ ପୂର୍ବରୁ ଆମର ସୌର ମଣ୍ଡଳରେ ଜଳର ଉପସ୍ଥିତି ରହିଥିବା ବୈଜ୍ଞାନିକମାନେ ଅନୁମାନ କରିଛନ୍ତି । ବର୍ତ୍ତମାନ ସୁଦ୍ଧା ସୂର୍ଯ୍ୟକୁ ସୌର ମଣ୍ଡଳରେ ସର୍ବପ୍ରାଚୀନ ବୋଲି ଗ୍ରହଣ କରାଯଉଥିଲା । ମାତ୍ର ଏହି ନୂଆ ତଥ୍ୟ ଆସିବା ପରେ ସୂର୍ଯ୍ୟ ପୂର୍ବରୁ ଜଳ ଥିଲା ବୋଲି ଜଣାପଡ଼ିଛି ।

ବୈଜ୍ଞାନିକଙ୍କ ନୂଆ ଅନୁସନ୍ଧାନ ଦ୍ୱାରା ପୃଥିବୀକୁ ପାଣି କେଉଁଠୁ ଓ କିପରି ଆସିଲା ସେନେଇ ସୂଚନା ମିଳିଛି । ଆମେରିକାର ନ୍ୟାସନାଲ ସାଇନ୍ସ ଫାଉଣ୍ଡେସନର ନ୍ୟାସନାଲ ରେଡିଓ ଆଷ୍ଟ୍ରୋନୋମୀ ଅବଜରଭେଟୋରୀ (ଏନଆରଏଓ)ର ଜଣେ ଜ୍ୟୋତିର୍ବିଦଙ୍କ ମତରେ, ସେ ବିଶ୍ୱରେ ଜଳର ପ୍ରବାହ ନେଇ ସନ୍ଧାନ କରୁଥିଲେ । ସେଥିପାଇଁ ଗ୍ରହ ଓ ଧୂମକେତୁରେ ଜଳର ଚିହ୍ନ ଦେଖିବାକୁ ଚାହୁଁଥିଲେ ଓ ଜଳର ଉତ୍ପତ୍ତି ବିଷୟରେ ଜାଣିବାକୁ ଚାହୁଁଥିଲେ । ଏହି ପରିପ୍ରେକ୍ଷୀରେ ସେମାନେ ଗ୍ରହ ତିଆରି କରୁଥିବା ଡିସ୍କରେ ଗ୍ୟାସ ଆଧାରିତ ପାଣିର ସନ୍ଧାନ କରିଥିଲେ । ସୌର ମଣ୍ଡଳର କିଛି ଧୂମକେତୁରେ ରହିଥିବା ପାଣି ପୃଥିବୀର ପାଣି ସହିତ ସମାନ ବୋଲି ବୈଜ୍ଞାନିକମାନେ ନିଜ ଅଧ୍ୟୟନରେ କହିଛନ୍ତି । ସୂର୍ଯ୍ୟ ସୃଷ୍ଟି ପୂର୍ବରୁ ପାଣି ଇଣ୍ଟରଷ୍ଟେଲର ସ୍ପେସରେ ତିଆରି ହୋଇଥିଲା । ସେଠାରୁ ଉତ୍ତରାଧିକାରୀ ଆଧାରରେ ଧୂମକେତୁ ଓ ପୃଥିବୀ ଏହି ଜଳ ପାଇଥିବା ଜଣାପଡ଼ିଛି ।