(Video) ଗୌତମ ଅଦାନୀଙ୍କ ବିଶାଳ ହୃଦୟ, ମହାକୁମ୍ଭରେ ୫୦ ଲକ୍ଷ ଲୋକଙ୍କୁ ଖୁଆଇବେ ମହାପ୍ରସାଦ
ପ୍ରୟାଗରାଜରେ ପହଞ୍ଚିଲେ ଗୌତମ ଅଦାନୀ। ୫୦ ଲକ୍ଷ ଲୋକଙ୍କୁ ବାଣ୍ଟିବେ ମହାପ୍ରସାଦ।
ନୂଆଦିଲ୍ଲୀ: ଉତ୍ତର ପ୍ରଦେଶର ପ୍ରୟାଗରାଜ ଜିଲ୍ଲାରେ ମହାକୁମ୍ଭ ଜାରି ରହିଛି। ଦେଶ ବିଦେଶରେ କୋଟି କୋଟି ସଂଖ୍ୟାରେ ଶ୍ରଦ୍ଧାଳୁ ଏବଂ ସାଧୁ-ସନ୍ଥ ପ୍ରୟାଗରାଜରେ ପହଞ୍ଚୁଛନ୍ତି। ଏହାରି ମଧ୍ୟରେ ବିଶିଷ୍ଟ ଶିଳ୍ପପତି ଏବଂ ଅଦାନୀ ଗ୍ରୁପର ଚେୟାରମ୍ୟାନ ଗୌତମ ଅଦାନୀ ମହାକୁମ୍ଭ ମେଳାରେ ପହଞ୍ଚିଛନ୍ତି।
ଗୌତମ ଅଦାନୀ ବାଣ୍ଟିବେ ମହାପ୍ରସାଦ: ଗୌତମ ଅଦାନୀ ମହାକୁମ୍ଭରେ ତ୍ରୀବେଣି ସଂଗମରେ ସ୍ନାନ କରିବେ। ଏହାପରେ ସେ ପୂଜାର୍ଚ୍ଚନା କରିବେ ଏବଂ ପରେ ହନୁମାନ ମନ୍ଦିରରେ ବଜରଙ୍ଗୀବାଲୀଙ୍କୁ ଦର୍ଶନ କରିବେ।
ଏହା ବ୍ୟତୀତ ସେ ୫୦ ଲକ୍ଷ ଲୋକଙ୍କୁ ମହାପ୍ରସାଦ ଭୋଜନ କରାଇବାରେ ସାମିଲ ରହିବେ। ମହାପ୍ରସାଦକୁ ସେ ନିଜହାତରେ ଲୋକଙ୍କୁ ବାଢିବେ।
ଅଦାନୀ ଗ୍ରୁପ ଇସ୍କନ ଏବଂ ଗୀତାପ୍ରେସ ସହ ମିଶି ମହାକୁମ୍ଭରେ ଲଗାତାର ମାଗଣାରେ ପ୍ରସାଦ ଏବଂ ଭୋଜନର ବ୍ୟବସ୍ଥା କରୁଛି। ଏଥିରେ ଲକ୍ଷ ଲକ୍ଷ ଲୋକେ ଲାଭବାନ ହେଉଛନ୍ତି। ଆଜି ଗୌତମ ଅଦାନୀ ପ୍ରୟାଗରାଜରେ ପହଞ୍ଚିଛନ୍ତି।
#WATCH | Uttar Pradesh: Adani Group Chairman, Gautam Adani arrives in Prayagraj to attend #MahaKumbh2025
“I am very excited, ” says Adani Group Chairman, Gautam Adani pic.twitter.com/ZXtsZxjvpJ
— ANI (@ANI) January 21, 2025
