ପୋଷ୍ଟ ଅଫିସର ସାନଦାର୍ ଯୋଜନା: ପ୍ରତିଦିନ ୫୦ ଟଙ୍କା ଜମା କରି ପାଆନ୍ତୁ ୩୫ ଲକ୍ଷ
ନୂଆଦିଲ୍ଲୀ: ଭାରତୀୟ ପୋଷ୍ଟ ଅଫିସ୍ ଅନେକ ପ୍ରକାରର ସଞ୍ଚୟ ଯୋଜନା ଚଳାଉଛି । କୋଟି କୋଟି ଲୋକ ପୋଷ୍ଟ ଅଫିସ ଯୋଜନାରେ ନିବେଶ କରି ଭଲ ରିଟର୍ଣ୍ଣ ପାଉଛନ୍ତି । ଏଥିପାଇଁ ଲୋକମାନେ ପୋଷ୍ଟ ଅଫିସର ଯୋଜନାରେ ଟଙ୍କା ନିବେଶ କରୁଛନ୍ତି । ଏଥିରେ ଟଙ୍କା ନିବେଶ କରିବା ବିପଦମୁକ୍ତ ବୋଲି କୁହାଯାଏ ।
ଲୋକମାନେ ନିଜ ଟଙ୍କାକୁ ସୁରକ୍ଷିତ ଓ ଭଲ ରିଟର୍ଣ୍ଣ ଥିବା ଯୋଜନାରେ ନିବେଶ କରିବାକୁ ଚାହାଁନ୍ତି । ଏହିପରି ପୋଷ୍ଟ ଅଫିସର ଏକ ଯୋଜନା ହେଉଛି ଗ୍ରାମ ସୁରକ୍ଷା ଯୋଜନା । ଏହି ଯୋଜନା ପାଇଁ ଆପଣ ପ୍ରତିଦିନ ମାତ୍ର ୫୦ ଟଙ୍କା ସଞ୍ଚୟ କରି ୩୫ ଲକ୍ଷ ଟଙ୍କା ରିଟର୍ଣ୍ଣ ପାଇପାରିବେ ।
ଗ୍ରାମ ସୁରକ୍ଷା ଯୋଜନା ଗ୍ରାମୀଣ ଡାକ ଜୀବନ ବୀମା ଯୋଜନା କାର୍ଯ୍ୟକ୍ରମର ଏକ ଅଂଶ । ୧୯୯୫ ମସିହାରେ ଦେଶର ଗ୍ରାମୀଣ ଲୋକଙ୍କ ପାଇଁ ଏହି ବୀମା ପଲିସି ଆରମ୍ଭ କରାଯାଇଥିଲା । ୧୯ ବର୍ଷରୁ ୫୫ ବର୍ଷ ପର୍ଯ୍ୟନ୍ତ ବ୍ୟକ୍ତି ଗ୍ରାମ ସୁରକ୍ଷା ଯୋଜନାରେ ନିବେଶ କରିପାରିବେ ।
ଏହି ଯୋଜନାରେ ୧୦,୦୦୦ ରୁ ୧୦ ଲକ୍ଷ ଟଙ୍କା ନିବେଶ ହୋଇପାରିବ । ପ୍ରିମିୟମ୍ ଦେୟ ପାଇଁ ଅନେକ ବିକଳ୍ପ ଉପଲବ୍ଧ । ଆପଣ ମାସିକିଆ, ତିନି ମାସିକିଆ, ୬ ମାସିକିଆ ନଚେତ୍ ବାର୍ଷିକ ଭିତ୍ତିରେ ପ୍ରିମିୟମ ଦେଇପାରିବେ ।
ଗ୍ରାମ ସୁରକ୍ଷା ଯୋଜନା ବିଷୟରେ ଦିଆଯାଇଥିବା ସୂଚନା ଅନୁସାରେ, ଯଦି ଜଣେ ବ୍ୟକ୍ତି ଏହି ଯୋଜନାରେ ପ୍ରତି ମାସରେ ୧୫୧୫ ଟଙ୍କା ଅର୍ଥାତ୍ ପ୍ରତିଦିନ ମାତ୍ର ୫୦ ଟଙ୍କା ନିବେଶ କରନ୍ତି, ତେବେ ତାଙ୍କୁ ୩୫ ଲକ୍ଷ ଟଙ୍କା ପର୍ଯ୍ୟନ୍ତ ରିଟର୍ଣ୍ଣ ମିଳିବ । ଯଦି ଆପଣ ୧୯ ବର୍ଷ ବୟସରେ ଗ୍ରାମ ସୁରକ୍ଷା ଯୋଜନାରେ ନିବେଶ କରନ୍ତିି ତେବେ ୫୫ ବର୍ଷ ପର୍ଯ୍ୟନ୍ତ ଆପଣଙ୍କୁ ୧,୫୧୫ ଟଙ୍କା ପ୍ରିମିୟମ ଦେବାକୁ ପଡିବ ।
ଯଦି ଆପଣ ଏହି ଯୋଜନାକୁ ୫୮ ବର୍ଷ ବୟସ ପର୍ଯ୍ୟନ୍ତ ନିଅନ୍ତି, ତେବେ ଆପଣଙ୍କୁ ପ୍ରତି ମାସରେ ୧୪୬୩ ଟଙ୍କା ଦେବାକୁ ପଡିବ ଏବଂ ୬୦ ବର୍ଷ ପାଇଁ ଆପଣଙ୍କୁ ପ୍ରତି ମାସରେ ୧୪୧୧ ଟଙ୍କା ଦେବାକୁ ପଡିବ । ଯଦି ଆପଣ ପ୍ରିମିୟମ୍ ମିସ୍ ହୋଇଯାଏ, ତେବେ ଆପଣ ଏହାକୁ ୩୦ ଦିନ ମଧ୍ୟରେ ଜମା କରିପାରିବେ । ଯଦି ଆପଣ ଏହି ଯୋଜନାର ରିଟର୍ଣ୍ଣକୁ ଦେଖନ୍ତି, ତେବେ ନିବେଶକଙ୍କୁ ୫୫ ବର୍ଷର ନିବେଶରେ ୩୧.୬୦ ଲକ୍ଷ, ୫୮ ବର୍ଷରେ ୩୩.୪୦ ଲକ୍ଷ ଏବଂ ୬୦ ବର୍ଷ ବିନିଯୋଗରେ ୩୪.୬୦ ଲକ୍ଷ ଟଙ୍କାର ମ୍ୟାଚୁରିଟି ଫାଇଦା ମିଳିବ ।
ଗ୍ରାମ ସୁରକ୍ଷା ଯୋଜନା ଅଧୀନରେ, ବ୍ୟକ୍ତିଙ୍କୁ ୮୦ ବର୍ଷ ବୟସ ହେବାପରେ ଏହି ରାଶି ବ୍ୟକ୍ତିଙ୍କୁ ଦିଆଯାଏ । ଯଦି ସେହି ବ୍ୟକ୍ତିଙ୍କର ମୃତ୍ୟୁ ହୁଏ, ତେବେ ଏହି ରାଶି ସେହି ବ୍ୟକ୍ତିର ଆଇନଗତ ଉତ୍ତରାଧିକାରୀଙ୍କୁ ଦିଆଯିବ ।
