ବିଶ୍ୱରେ ପ୍ରଥମ ଥର ୧.୫ ଡିଗ୍ରୀ ସେଲସିୟସ ଟପିଲା ଗ୍ଲୋବାଲ ୱାର୍ମିଂ; ଦେଖିବାକୁ ମିଳିବ ଭୟଙ୍କର ପରିଣାମ
ନୂଆଦିଲ୍ଲୀ: ବିଶ୍ୱରେ ପ୍ରଥମ ଥର ପାଇଁ ଗୋଟିଏ ବର୍ଷରେ ଗ୍ଲୋବାଲ ୱାର୍ମିଂ ୧.୫ ଡିଗ୍ରୀ ସେଲସିୟସ ବୃଦ୍ଧି ପାଇଛି । ୟୁରୋପୀୟ ସଂଘର ଜଳବାୟୁ ସର୍ଭିସ୍ ପକ୍ଷରୁ ଏହି ତଥ୍ୟ ଦିଆଯାଇଛି। ଜଳବାୟୁ ପରିବର୍ତ୍ତନର ନକାରାତ୍ମକ ପ୍ରଭାବକୁ ହ୍ରାସ କରିବା ର ଚାବିକାଠି ଦୀର୍ଘକାଳୀନ ତାପମାତ୍ରା ବୃଦ୍ଧିକୁ ୧.୫ ସେଲସିୟସ ରେ ସୀମିତ ରଖିବାକୁ ୨୦୧୫ରେ ବିଶ୍ୱର ସମସ୍ତ ନେତାମାନେ ପ୍ରତିଶ୍ରୁତି ଦେଇଥିଲେ ।
ଯଦିଓ ତାପମାତ୍ରା ଐତିହାସିକ ‘ପ୍ୟାରିସ୍ ଚୁକ୍ତି’ର ସୀମା (୨ ଡିଗ୍ରି ସେଲସିୟସ୍) ଅତିକ୍ରମ କରିନାହିଁ, କିନ୍ତୁ ଆଗକୁ ଏହା ଅତିକ୍ରମ କରିପାରେ ବୋଲି ଆଶଙ୍କା ପ୍ରକାଶ ପାଇଛି। ବୈଜ୍ଞାନିକମାନେ ବିଶ୍ୱାସ କରନ୍ତି ଯେ କାର୍ବନ ନିର୍ଗମନ ହ୍ରାସ କରିବାର ଗତି ବହୁତ ଧୀର। ରୟାଲ ପାଣିପାଗ ବିଜ୍ଞାନ ସୋସାଇଟିର ମୁଖ୍ୟ କାର୍ଯ୍ୟନିର୍ବାହୀ ପ୍ରଫେସର ଲିଜ୍ ବେଣ୍ଟଲେ କହିଛନ୍ତି, “ବାର୍ଷିକ ହାରାହାରି (୧.୫ ସେଲସିୟସ୍) ତାପମାତ୍ରାଠାରୁ ଅଧିକ ତାପମାତ୍ରା ଗୁରୁତ୍ୱପୂର୍ଣ୍ଣ। ଏହା ଭୁଲ ଦିଗରେ ଆଉ ଏକ ପଦକ୍ଷେପ, କିନ୍ତୁ ଆମେ ଜାଣିଛୁ ଆମକୁ କ’ଣ କରିବାକୁ ପଡ଼ିବ।
ବିଶେଷଜ୍ଞମାନେ କହିଛନ୍ତି ଯଦି ତାପମାତ୍ରାରେ ପରିବର୍ତ୍ତନ ଏହିପରି ଜାରିରହେ, ତେବେ ୨୦୫୦ ସୁଦ୍ଧା ପୃଥିବୀର ତାପମାତ୍ରା ଆହୁରି ଦୁଇ ଡିଗ୍ରୀ ବୃଦ୍ଧି ପାଇବ। ଯଦି ଏହା ଘଟେ, ତେବେ ଅଧିକାଂଶ ସ୍ଥାନରେ ଭୟଙ୍କର ମରୁଡ଼ି ଏବଂ କେତେକ ସ୍ଥାନରେ ଭୟଙ୍କର ବନ୍ୟା ପରିସ୍ଥିତି ସୃଷ୍ଟି ହେବ। ଗ୍ଲେସିୟର ତରଳି ଯିବ, ସମୁଦ୍ର ପତ୍ତନ ବୃଦ୍ଧି ପାଇବ। ଏହା ସାମୁଦ୍ରିକ ଜୀବନ ଉପରେ ପ୍ରଭାବ ପକାଇବ। ଉପକୂଳ ଅଞ୍ଚଳରେ ଅବସ୍ଥିତ ଅନେକ ସହର ପାଣିରେ ବୁଡ଼ିଯିବ।
