ନାୟକଙ୍କ ପାଇଁ ଏ କି ପାଗଳାମୀ ? ହଲ୍ ସାମ୍ନାରେ ମେଣ୍ଢା ବଳି ଦେଇ ବନ୍ଧାହେଲେ ୫ ସିନେମା ପାଗଳ

ତିରୁପତି: ହଲ ସାମ୍ନାରେ କାଟିଲେ ମେଣ୍ଢାମୁଣ୍ଡ । ସାଉଥ୍ ଫିଲ୍ମ ଅଭିନେତା ନନ୍ଦମୁରି ବାଲାକ୍ରୀଷ୍ଣଙ୍କ ଫ୍ୟାନଙ୍କୁ ଆରେଷ୍ଟ କଲା ପୋଲିସ । ସେମାନଙ୍କୁ ଗିରଫ କରିବାର କାରଣ ଜାଣିଲେ ଆପଣବି ମୁଣ୍ଡରେ ହାତଦେବେ ।

ନନ୍ଦମୁରିଙ୍କ ଫିଲ୍ମ ‘ଡାକୁ ମହାରାଜ’ର ପ୍ରିମିୟରରେ ତାଙ୍କର କିଛି ଫ୍ୟାନ୍ ସିନେମା ହଲ ସାମ୍ନାରେ ମେଣ୍ଢା ବଳି ଦେଇଛନ୍ତି । ଜନଗହଳିପୂର୍ଣ୍ଣ ସ୍ଥାନରେ ମେଣ୍ଢା ବଳି ଦେଇ ମେଣ୍ଢା ରକ୍ତକୁ ନେଇ ସିନେମା ପୋଷ୍ଟରରେ ବୋଳିପକାଇଲେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଛାଇ ଯାଇଥିଲା ।

ବାନ୍ଧିଲା ପୋଲିସ: ଘଟଣା ସମ୍ପର୍କରେ ଜଣିବା ପରେ ପୋଲିସ ସମ୍ପୃକ୍ତ ଲୋକଙ୍କୁ ଗିରଫ କରିଛି । ପିପୁଲ ଫର୍ ଏଥିକାଲ ଟ୍ରିଟମେଣ୍ଟ ଅଫ୍ ଆନିମଲ୍ସ (ପେଟା) ଆକ୍ଟ ଆଧାରରେ ପୋଲିସ ସେମାନଙ୍କୁ ଗିରଫ କରିଛି ।

ତିରୁପତି ଟାଟା ନଗର ନିକଟରେ ଥିବା ହଲ୍ ସମ୍ମୁଖରେ ଏପରି ଘଟଣା ଘଟିଥିବା ଜଣାପଡ଼ିଛି ।

୫ ଅଭିଯୁକ୍ତଙ୍କ ବିରୋଧରେ ପେଟା ଆକ୍ଟ ଅନୁସାରେ ସେକ୍ସନ ୩୨୫, ୨୭୦ ଧାରରେ ମାମଲା ରୁଜୁ ହୋଇଛି ।