ତଳମୁହାଁ ସୁନା ଦର, ଖୁବଶୀଘ୍ର ୫୦ ହଜାର ହେବ ସୁନା !

ଭୁବନେଶ୍ୱର: ପୁଣି ଶସ୍ତା ହେଲା ସୁନା ଦର। ମଧ୍ୟବିତ୍ତ ପରିବାରଙ୍କୁ ଆଶ୍ୱସ୍ତି। କିଛି ଦିନ ହେବ ଯେଉଁଭଳି ସୁନା ଓ ରୂପାର ଦାମ ହୁ ହୁ ହୋଇ ବଢି ଚାଲିଥିଲା, ମନେ ହେଉଥିଲା ଆଉ ସୁନା କିଣି ହେବନି। କିଣିବା ତ ଦୂରର କଥା ସୁନା କଥା ଭାବି ହେବନି।

ହେଲେ କିଛି ଦିନର ଦର ବୃଦ୍ଧି ପରେ ଏବେ ସୁନା ଓ ରୂପା ଦର ତଳ ମୁହାଁ ହୋଇଛି। ଅନୁମାନ କରାଯାଉଛି ଆଗାମୀ ଦିନରେ ସୁନା ଦର ୪୦ ପ୍ରତିଶତ ପର୍ଯ୍ୟନ୍ତ ହ୍ରାସ ପାଇପାରେ। ଯାହାକି ମଧ୍ୟବିତ୍ତ ପରିବାର ବର୍ଗଙ୍କ ପାଇଁ ଏକ ଖୁସି ଖବର।

କାରଣ ଗୋଟିଏ ଦିନରେ ୨୨ କ୍ୟାରେଟ୍ ସୁନା ଦର ୧୬ ଶହ ଟଙ୍କା କମିଥିବା ବେଳେ ୨୪ କ୍ୟାରେଟ୍‌ ସୁନା ୧୭୪୦ ଟଙ୍କା ଶସ୍ତା ହୋଇଛି। ଯାହାକି ସୁନା କିଣିବାକୁ ଚାହୁଁଥିବା ଲୋକଙ୍କ ପାଇଁ ଏକ ଖୁସି ଖବର।

ଗତ ବର୍ଷକ ମଧ୍ୟରେ ସୁନା ଦର ୩୫ରୁ ୪୫ ପ୍ରତିଶତ ପର୍ଯ୍ୟନ୍ତ ବୃଦ୍ଧି ହୋଇଛି। ହେଲେ ଆଗାମୀ ଦିନରେ ସୁନା ଦରରେ ଭୟଙ୍କର ହ୍ରାସ ହେବାର ସମ୍ଭାବନା ରହିଛି। ଏହି ହ୍ରାସ ୩୮ ପ୍ରତିଶତରୁ ବି ଅଧିକ ହୋଇପାରେ ବୋଲି ଆକଳନ କରାଯାଉଛି।