ଖାସ ଢଙ୍ଗରେ ମହିଳାଙ୍କୁ ଅଭିନନ୍ଦନ ଜଣାଇଲା Doodle, ବିଶ୍ୱ ମହିଳା ଦିବସରେ ବଦଳିଲା ଗୁଗଲ ଆଇକନ୍
ମହିଳା ଦିବସ ଉପଲକ୍ଷେ ବଦଳିଲା ଗୁଗଲର ଡୁଡଲ
ନୂଆଦିଲ୍ଲୀ: ମାର୍ଚ୍ଚ ୮ ତାରିଖକୁ ବିଶ୍ୱ ମହିଳା ଦିବସ ରୂପେ ପାଳନ କରାଯାଇଥାଏ। ଏହି ଦିନ ମହିଳାମାନଙ୍କ ସଂଘର୍ଷ, ତାଙ୍କ ଶକ୍ତି ଏବଂ ସମାଜରେ ତାଙ୍କର ଯୋଗଦାନକୁ ମାନ୍ୟତା ଦେବା ପାଇଁ ଏହି ଦିନଟି ମହିଳାଙ୍କୁ ସମର୍ପଣ କରାଯାଇଥାଏ।
ଚଳିତ ବର୍ଷ ଅନ୍ତର୍ଜାତୀୟ ମହିଳା ଦିବସ ଅବସରରେ ଗୁଗଲ ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ଗଣିତ କ୍ଷେତ୍ରରେ ମାନ୍ୟତା ଦେବା ଲାଗି ଏକ ବିଶେଷ ଡୁଡଲ ପ୍ରସ୍ତୁତ କରିଛି।
ଏମିତି ଅଭିନନ୍ଦନ ଜଣାଇଲା ଡୁଡଲ୍: ଏହି ଡୁଡଲ ଗୁଗଲର ହୋମପେଜରେ ଦେଖାଯାଉଛି। ଏହା ମହିଳାମାନଙ୍କ ଯୋଗଦାନକୁ ବର୍ଣ୍ଣନା କରିଛି।
ଯେଉଁ ମହିଳାମାନେ ମହାକଶ ଅନୁସନ୍ଧାନରେ ବୈପ୍ଳବିକ ପରିବର୍ତ୍ତନ ଆଣିଥିଲେ, ଯେଉଁମାନେ ଲାବୋରେଟୋରୀ ଅନୁସନ୍ଧାନ ପାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲେ ଯାହା ପଦାର୍ଥ ବିଜ୍ଞାନ, ରସାୟନ ବିଜ୍ଞାନ ଏବଂ ଜୀବବିଜ୍ଞାନର ବୁଝାମଣାକୁ ପରିବର୍ତ୍ତନ କରିଥିଲେ।