ପୁଣି ମହଙ୍ଗା ମାଡ: ସରକାର ଘରୋଇ ଡାକ୍ତରଖାନାରେ ବଢାଇଲେ ଓପିଡି, ଆଇସିୟ୍ୟୁ ଏବଂ ରୁମ ରେଟର ଶୁଳ୍କ

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ତରଫରୁ ବର୍ତ୍ତମାନ ସ୍ୱାସ୍ଥ୍ୟ ଯୋଜନାରେ କିଛି ଚାର୍ଜ ବଢାଇଛନ୍ତି । କେନ୍ଦ୍ରୀୟ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ସରକାରଙ୍କ ସ୍ୱାସ୍ଥ୍ୟ ଯୋଜନା, ସେଣ୍ଟ୍ରାଲ ଗଭର୍ଣ୍ଣମେଣ୍ଟ ହେଲ୍ଥ ସ୍କିମ୍ ଅଧୀନରେ ପରାମର୍ଶ ଶୁଳ୍କ ଏବଂ ଘର ଭଡା ବଢାଇଛନ୍ତି । ଏହି ଯୋଜନା ଅଧୀନରେ କେନ୍ଦ୍ର ସଜକାର ପ୍ରାଇଭେଟ ହସ୍ପିଟାଲରେ ରିହାତି ପ୍ରଦାନ କରୁଛନ୍ତି ।

କେନ୍ଦ୍ର ସରକାର ସ୍ୱାସ୍ଥ୍ୟ ଯୋଜନା ଅଧୀନରେ କର୍ମଚାରୀ, ପେନସନଭୋଗୀ ଏବଂ ମନୋନୀତ ହିତାଧିକାରୀଙ୍କ ସହ ତାଙ୍କୁ ନିର୍ଭର କରୁଥିବା ଲୋକଙ୍କ ପାଇଁ ପ୍ରାଥମିକ ସ୍ୱାସ୍ଥ୍ୟ ସେବା ପ୍ରଦାନ କରୁଛନ୍ତି । ଏହି ଯୋଜନା ମାଧ୍ୟମରେ ୪୨ ଲକ୍ଷ ପଞ୍ଜୀକୃତ ଲୋକ ପ୍ରାଇଭେଟ ହସ୍ପିଟାଲରେ ରିହାତି ସହିତ ଚିକିତ୍ସା ପାଇପାରିବେ । ତେବେ ଆସନ୍ତୁ ଜାଣିବା ଏହି ଯୋଜନା ଅଧୀନରେ କେଉଁ କେଉଁ ଚାର୍ଜ ବଢାଯାଇଛି ।

-ଓପିଡି ପରାମର୍ଶ ଶୁଳ୍କ ୧୫୦ ରୁ ବଢି ୩୫୦ କରାଯାଇଛି ।
-ଆଇପିଡି ପରାମର୍ଶ ଶୁଳ୍କ ୫୦ଟଙ୍କା ବଢି ୩୫୦ ହୋଇଛି ।
-ଆଇସିୟ୍ୟୁ ସେବା ସହିତ ରୁମ ଭଡା ଦୈନିକ ୫,୪୦୦ ଟଙ୍କା କରାଯାଇଛି ।ବ
-ରୁମ ଭଡା ୧.୫ ପ୍ରତିଶତ ବଢାଯାଇଛି । ସାଧାରଣ ରୁମର ଭଡା ୧୫୦୦ ଟଙ୍କା ଥିବା ବେଳେ ବଡ ରୁମ ୩୦୦୦ ଟଙ୍କା ହୋଇଛି । ସେହିପରି ନିଜ ରୁମ ପାଇଁ ୪,୫୦୦ ଟଙ୍କା ଦିଆଯାଇଛି ।

୨୦୧୪ ରେ ଏହାର ମୂଲ୍ୟ ସଂଶୋଧିତ ହୋଇଥିଲା। ଏହା ପରେ, ବର୍ତ୍ତମାନ ପ୍ରଥମ ଥର ପାଇଁ ଏହିପରି ଚାର୍ଜ ବୃଦ୍ଧି ପାଇଛି। ଏଥିପାଇଁ ୨୪୦-୩୦୦ କୋଟି ଟଙ୍କା ଅତିରିକ୍ତ ସରକାରୀ ଖର୍ଚ୍ଚ ଆବଶ୍ୟକ ହେବ। ମେଣ୍ଟ ରିପୋର୍ଟ ଅନୁଯାୟୀ, ଜଣେ ଅଧିକାରୀ କହିଛନ୍ତି ଯେ,ସରକାର ବଡ଼ ଡାକ୍ତରଖାନା ପାଇଁ ରେଫରାଲ ପ୍ରକ୍ରିୟାକୁ ମଧ୍ୟ ସରଳ କରିଛନ୍ତି।

ବର୍ତ୍ତମାନ କେନ୍ଦ୍ର ସରକାରଙ୍କ ସ୍ୱାସ୍ଥ୍ୟ ଯୋଜନା ଅଧୀନରେ ୧,୬୭୦ ରୁ ଅଧିକ ଘରୋଇ ଡାକ୍ତରଖାନା ଏବଂ ୨୧୩ ଲ୍ୟାବ ତାଲିକାଭୁକ୍ତ ହୋଇଛି। ଏଥିରେ ମେଡାଣ୍ଟା, ଫୋର୍ଟିସ୍, ନାରାୟଣ, ଆପୋଲୋ, ମ୍ୟାକ୍ସ ଏବଂ ମଣିପାଲ ଭଳି ଅନେକ ପ୍ରମୁଖ ଡାକ୍ତରଖାନା ଅଛି। ସରକାରଙ୍କ ଏହି ପଦକ୍ଷେପ ସମ୍ପର୍କରେ CGHS ୱାର୍କିଂ ଗ୍ରୁପ୍ ସଂଯୋଜକ ଗିର୍ଧର ଜିଆନି କହିଛନ୍ତି ଯେ, ୨୦୧୪ ରେ ଏହା ପରିବର୍ତ୍ତନ ହୋଇନଥିବାରୁ ଆମେ ୨୫ ରୁ ୩୦ ପ୍ରତିଶତ ବୃଦ୍ଧି ଆଶା କରୁଛୁ। ଏହା ଏକ ସାମାନ୍ୟ ବୃଦ୍ଧି ବୋଲି ସେ କହିଛନ୍ତି।

୨୦୨୧ ମସିହାରେ, ସ୍ୱାସ୍ଥ୍ୟ ସେବାକୁ ଶୃଙ୍ଖଳିତ କରିବା ପାଇଁ ସ୍ୱାସ୍ଥ୍ୟ ମନ୍ତ୍ରଣାଳୟ ଜାତୀୟ ସ୍ୱାସ୍ଥ୍ୟ ପ୍ରାଧିକରଣର ଆଇଟି ପ୍ଲାଟଫର୍ମ ଅଧୀନରେ CGHS ପଞ୍ଜିକରଣ କରିଥିଲା। CGHS ୭୯ ସହରରେ ବ୍ୟାପିଛି ଏବଂ ପଞ୍ଚକୁଲା, ହବଲି, ନରେଲା, ଚଣ୍ଡିଗଡ଼ ଏବଂ ଜାମ୍ମୁକୁ ପ୍ରସାର କରୁଛି। ୧୦୩ ରୁ ଅଧିକ ଆୟୁଷ କେନ୍ଦ୍ର ମଧ୍ୟ CGHS ସେବାର ଏକ ଅଂଶ ।