(video) ବର ନା ମାଙ୍କଡ଼! ଚଳନ୍ତା ଗାଡ଼ି ଝରକାରେ ପଶି ଚୋରକୁ ଧରିଲେ, ଛଡ଼େଇ ଆଣିଲେ ୧୦୦ ଟଙ୍କିଆ ମାଳ
ମିରଟ: ବର୍ତ୍ତମାନ ସମୟରେ ଖବରକାଗଜ କି ନ୍ୟୁଜ୍ ଚ୍ୟାନେଲରୁ ଯେତିକି ଘଟଣା ଲୋକଲୋଚନକୁ ଆସୁନି ତା’ଠାରୁ ଅଧିକ ଘଟଣା ସୋସିଆଲ ମିଡିଆରେ ଉପଲବ୍ଧ । ଯାହା ଉଭୟ ଆଶ୍ଚର୍ଯ୍ୟ ଓ ମନୋରଞ୍ଜନ କଲାଭଳି ଘଟଣା । ଏମିତି ଏକ ଭିଡିଓ ଏବେ ସୋସିଆଲ ମିଡିଆରେ ଘୁରିବୁଲୁଛି, ଯାହାକୁ ଦେଖିଲେ ହୁଏତ କେହି ସହଜରେ ବିଶ୍ୱାସ କରି ନ ପାରନ୍ତି । ଚଳନ୍ତା ଗାଡ଼ିରେ ହିରୋ ଭଳି ଷ୍ଟଣ୍ଟ ଦେଇ ଚୋର ଧରିଛନ୍ତି ଜେଣ ବର । ଘଟଣାଟି କିଛି ଏମିତି ଥିଲା, ଉତ୍ତର ପ୍ରଦେଶ ମିରଟରେ ଜଣେ ଯୁବକ ବାହାହେବା ପାଇଁ ବରଯାତ୍ରୀ ଧରି ଯାଉଥିଲେ । ଗଳାରେ ଟଙ୍କା ମାଳ ପିନ୍ଧି ବର ବେଶରେ ସଜେଇ ହୋଇ ଯାଉଥିଲେ ବର । ଏମିତିବଳେ ଜଣେ ମିନି ଟ୍ରକ ଡ୍ରାଇଭର ତାଙ୍କ ଗଳାରୁ ଟଙ୍କାମାଳ ଧରି ଫେରାର୍ ହୋଇଯାଇଥିଲେ ।
-In Meerut a thief snatched a garland made of cash from the groom and ran off.
-Furious, the groom left the wedding rituals and chased after him.
-The thief tried to escape in a pickup vehicle, but the groom, jumped in through the window.
-Gave him a thorough beating right… pic.twitter.com/qH2UKcOUT1
— Aaraynsh (@aaraynsh) November 25, 2024
ବର ସଙ୍ଗେ ସଙ୍ଗେ ଘୋଡ଼ାରୁ ଓହ୍ଲେଇ ଏକ ମୋଟର ସାଇକେଲରେ ବସି ମିଟି ଟ୍ରକର ପିଛା କରିଥିଲେ । ଡ୍ରାଇଭର ଜଣକ ଦ୍ରୁତ ବେଗରେ ଗାଡ଼ି ଚଲେଇ ଯାଉଥିବାବେଳେ ବର ବାଇକ୍କୁ ଓହ୍ଲୋଇ ଟ୍ରକ୍ ଉପରକୁ ଡିଆଁ ମାରିଥିଲେ । ଏହାପରେ ଚଳନ୍ତା ଗାଡ଼ିର ଝରକାବାଟେ ବର ଗାଡ଼ି ଭିତରକୁ ପଶିଥିଲେ । ଚୋରଠାରୁ ଟଙ୍କାମାଳ ଛଡ଼ାଇ ଆଣିଥିଲେ । ଠିକ୍ ଏତିକିବେଳେ ଡ୍ରାଇଭର ଜଣକ ରାସ୍ତା ମଝିରେ ଗାଡ଼ି ରଖି ଫେରାର୍ ମାରିବାକୁ ଉଦ୍ୟମ କରୁଥିବାବେଳେ ବର ତୁରନ୍ତ ତାଙ୍କୁ କାବୁ କରି ପିଟିବା ଆରମ୍ଭ କରିଥିଲେ । ଏତିକିବେଳେ ବରପକ୍ଷ କିଛି ଲୋକ ଆସି ଡ୍ରାଇଭରକୁ ଘେରିଯାଇଥିବାବେଳେ ଡ୍ରାଇଭର ଜଣଙ୍କୁ ମାଡ଼ ମାରୁବା ଆରମ୍ଭ କରିଦେଲେ, ଯାହା ଭିଡିଓରେ ଦେଖିବାକୁ ମିଳୁଛି । ଭିଡିଓଟିକୁ ବର୍ତ୍ତମାନ ସୁଦ୍ଧା ଲକ୍ଷାଧିକ ଲୋକ ଦେଖିସାରିଥିବାବେଳେ ଏକ୍ସ ୟୁଜର ବହୁ କମେଣ୍ଟ ମଧ୍ୟ ଦେଉଛନ୍ତି । କିଛି ଜଣ ଭିଡିଓକୁ ନେଇ ମଜା କରୁଥିବାବେଳେ ଆଉ କିଛି ଲୋକ ବରଙ୍କୁ ପ୍ରଶଂସା କରୁଥିବାର ଦେଖିବାକୁ ମିଳିଛି ।
