ଗୁଜୁରାଟ ଦଙ୍ଗା: ଗ୍ୟାଙ୍ଗ ରେପ୍ ଓ ହତ୍ୟା ଭଳି ଏକାଧିକ ମାମଲାରେ ୨୬ ଅଭିଯୁକ୍ତ ନିର୍ଦ୍ଦୋଷରେ ଖଲାସ ହେଲେ

ନୂଆଦିଲ୍ଲୀ : ଗୁଜୁରାଟ ଦଙ୍ଗା ସମୟରେ ଗ୍ୟାଙ୍ଗ ରେପ୍ ଓ ଏକାଧିକ ହତ୍ୟା ମାମଲାରେ ସଂପୃକ୍ତ ଥିବା ସମସ୍ତ ଅଭିଯୁକ୍ତ ନିର୍ଦ୍ଦୋଷରେ ଖଲାସ ହୋଇଛନ୍ତି । ପ୍ରମାଣ ଅଭାବରୁ ଗୁଜରାଟର ଏକ କୋର୍ଟ ମୋଟ ୨୬ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି ।

ପଞ୍ଚମାହଲ ଜିଲ୍ଲାର ହାଲୋଲର ଅତିରିକ୍ତ ସେସନ୍ସ ଜଜ୍ ଲୀଲାବାଇ ଚୁଡାସାମାଙ୍କ କୋର୍ଟ ପ୍ରମାଣ ଅଭାବରୁ ହତ୍ୟା, ଗ୍ୟାଙ୍ଗ ରେପ୍ ଏବଂ ଦଙ୍ଗା ଅଭିଯୋଗରେ ୨୬ ଜଣଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି। ଶୁକ୍ରବାର ଦିନ ଜାରି କରାଯାଇଥିବା ଆଦେଶରେ କୋର୍ଟ କହିଛନ୍ତି ଯେ ଏହି ମାମଲାର ମୋଟ ୩୯ ଅଭିଯୁକ୍ତଙ୍କ ମଧ୍ୟରୁ ୧୩ ଜଣଙ୍କ ମୃତ୍ୟୁ ଘଟି ହୋଇ ସାରିଛି ।

୨୦୦୨ ସଂଖ୍ୟାଲଘୁ ସମ୍ପ୍ରଦାୟର ୧୨ ରୁ ଅଧିକ ସଦସ୍ୟଙ୍କୁ ହତ୍ୟା ଏବଂ ଗ୍ୟାଙ୍ଗ ବଳାତ୍କାର ମାମଲାରେ ପ୍ରାୟ ୩୯ ଜଣଙ୍କ ବିରୋଧରେ ମାମଲା ରୁଜୁ ହୋଇଥିଲା । ପ୍ରମାଣ ଅଭାବରୁ ସେମାନେ ନିର୍ଦ୍ଦୋଷରେ ସାବ୍ୟସ୍ତ ହୋଇଛନ୍ତି। ମୋଟ ୩୯ ଅଭିଯୁକ୍ତଙ୍କ ମଧ୍ୟରୁ ୧୩ ଜଣ ଏହି ମାମଲାର ବିଚାରଧୀନ ସମୟରେ ମୃତ୍ୟୁ ବରଣ କରିଥିଲେ ଏବଂ ସେମାନଙ୍କ ବିରୋଧରେ ଶୁଣାଣି ବନ୍ଦ ହୋଇଯାଇଥିଲା।

୨୦୦୨ ମସିହାରେ ଫେବୃଆରୀ ୨୭ ଗୋଧରା ସାବରମାଟି ଟ୍ରେନ୍ ଜଳିବା ଘଟଣା ପରେ ମାର୍ଚ୍ଚ ୧, ୨୦୦୨ ରେ ସାମ୍ପ୍ରଦାୟିକ ଦଙ୍ଗା ଘଟଣାରେ ଅଭିଯୁକ୍ତମାନେ ମାଓବାଦୀଙ୍କ ଅଂଶ ବୋଲି ଅଭିଯୋଗ ହୋଇଥିଲା। ମାର୍ଚ୍ଚରେ କାଲୋଲ ପୋଲିସ ଷ୍ଟେସନରେ ଅଭିଯୁକ୍ତଙ୍କ ବିରୋଧରେ ଏଫଆଇଆର ଦାଖଲ କରାଯାଇଥିଲା।