ଜ୍ଞାନବାପୀ ମସଜିଦରେ ପୂଜା ପାଇବେ କି ହିନ୍ଦୁ ଦେବାଦେବୀ? ଆଜି ଜିଲ୍ଲାକୋର୍ଟରେ ହେବ ଶୁଣାଣି
ବାରାଣାସୀ: ଜ୍ଞାନବାପୀ ମାମଲାରେ ଅଜି ଜିଲ୍ଲାଜଜ କୋର୍ଟରେ ଶୁଣାଣି ହେବ । ଜିଲ୍ଲାକୋର୍ଟରେ ଶୁଣାଣି କରିବାକୁ ସୁପ୍ରିମକୋର୍ଟ ଆଦେଶ ଦେଇଛନ୍ତି । ଏହି ମାମଲାରେ ଆଠ ସପ୍ତାହ ମଧ୍ୟରେ ଶୁଣାଣି କରିବାକୁ ନିର୍ଦ୍ଦେଶ ଦିଆଯାଇଛି । ସୁପ୍ରିମକୋର୍ଟଙ୍କ ଆଦେଶ ପରେ ଏବେ ସମସ୍ତଙ୍କ ନଜର ଜିଲ୍ଲାକୋର୍ଟ ଉପରେ ରହିଛି ।
ଜ୍ଞାନବାପୀ ପରିସରରେ ମା ଶୃଙ୍ଗାର ଗିରୀଙ୍କ ପୂଜାପାଠକୁ ଅନୁମତି ଦେବା ତଥା ଅନ୍ୟାନ୍ୟ ଦେବତାଙ୍କୁ ସଂରକ୍ଷଣ କରିବା ପାଇଁ ଦାୟର ହୋଇଥିବା ମାମଲାରେ ଜିଲ୍ଲା ଜଜ୍ ଡକ୍ଟର ଅଜୟ କୃଷ୍ଣ ବିଶ୍ୱାସଙ୍କ ତ୍ତୃତ୍ୱରେ ଶୁଣାଣି ହେବ । ମନ୍ଦିର ପକ୍ଷଙ୍କ ମାମଲାର ଯୋଗ୍ୟତା ଉପରେ ପ୍ରଶ୍ନ ଉଠାଇ ମସଜିଦ ପକ୍ଷରୁ ଦାଖଲ ହୋଇଥିବା ଆବେଦନ ଉପରେ ଶୁଣାଣି କରିବାକୁ ସୁପ୍ରିମକୋର୍ଟ ଜିଲ୍ଲାକୋର୍ଟଙ୍କୁ ନିର୍ଦ୍ଦେଶ ଦେଇଛନ୍ତି ।
ମାମଲାର ଜଟିଳତା ଏବଂ ସମ୍ବେଦନଶୀଳତାକୁ ଦୃଷ୍ଟିରେ ରଖି ସୁପ୍ରିମକୋର୍ଟ ମେ ୨୦ ରେ ଶୁଣାଣି ବେଳେ ସିଭିଲ୍ ଜଜ୍ (ସିନିୟର ଡିଭିଜନ୍) ଙ୍କ କୋର୍ଟରୁ ଶୁଣାଣି ଜିଲ୍ଲା ଜିଲ୍ଲା କୋର୍ଟକୁ ସ୍ଥାନାନ୍ତର କରିଛନ୍ତି।
