ବ୍ରତୋପନୟନ ସାରି ଫେରିବା ବେଳେ ଦୁର୍ଘଟଣା; ଡମ୍ପରକୁ ପିଟିଲା ବସ୍, ୫ ମୃତ, ୧୭ ଆହତ
ଫିରୋଜାବାଦ: ଉତ୍ତର ପ୍ରଦେଶର ଫିରୋଜାବାଦରେ ଏକ ସଡ଼କ ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ୧୭ ଜଣ ଆହତ ହୋଇଛନ୍ତି । ଏହି ଦୁର୍ଘଟଣାରେ ବସ୍ ଟି ରାସ୍ତା କଡ଼ରେ ଛିଡ଼ା ହୋଇଥିବା ଏକ ଡମ୍ପର ସହ ଧକ୍କା ହୋଇଛି । ଏହି ବସ୍ ମଥୁରାରୁ ଆସୁଥିଲା । ଫିରୋଜାବାଦରେ ବସ୍ ଡ୍ରାଇଭର ଶୋଇପଡ଼ିବାରୁ ବସ୍ ଟି ରାସ୍ତା କଡ଼ରେ ଛିଡ଼ା ହୋଇଥିବା ଏକ ଡମ୍ପରକୁ ଧକ୍କା ଦେଇଛି । ଯାତ୍ରୀମାନେ ମଥୁରାରୁ ଆଗ୍ରା-ଲକ୍ଷ୍ନୌ ଏକ୍ସପ୍ରେସ ୱେରେ ବ୍ରତଘର ସାରି ଫେରୁଥିଲେ । ନାସିରପୁର ଥାନା ନିକଟରେ ୪୯ ନମ୍ବର କିଲୋମିଟର ରେ ଡ୍ରାଇଭରଙ୍କ ଅବହେଳା ଯୋଗୁଁ ବସଟି ଅଟକି ରହିଥିବା ଡମ୍ପର ସହ ଧକ୍କା ହୋଇଥିଲା ।
ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ଅଧା ଡଜନରୁ ଅଧିକ ଲୋକ ଆହତ ହୋଇଛନ୍ତି । ଆହତମାନଙ୍କୁ ସଙ୍ଗେ ସଙ୍ଗେ ଜିଲ୍ଲା ମିଳିତ ଚିକିତ୍ସାଳୟକୁ ପଠାଯାଇଥିଲା । ଦୁର୍ଘଟଣା ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଛି । ଏସପି ଗ୍ରାମୀଣ ଏବଂ ସିଓ ସିରସାଗଞ୍ଜ ଘଟଣାସ୍ଥଳ ବୁଲି ଦେଖିଛନ୍ତି । ଲକ୍ଷ୍ନୌର ମୋହୁଦ୍ଦିନପୁରରେ ରହୁଥିବା ସନ୍ଦୀପ ତାଙ୍କ ୪ ବର୍ଷର ପୁଅ ସିଦ୍ଧାର୍ଥଙ୍କୁ ବ୍ରତୋଉପନୟନ କରାଇବା ପାଇଁ ମଥୁରା ଯାଇଥିଲେ। ତାଙ୍କ ସହ ପରିବାର ଓ ସମ୍ପର୍କୀୟଙ୍କ ସମେତ ପ୍ରାୟ ୨୦ ଜଣ ଉପସ୍ଥିତ ଥିଲେ। ଫେରୁଥିବା ବେଳେ ଏହି ଦୁଃଖଦ ଦୁର୍ଘଟଣା ଘଟିଛି।
