WPL ରନର୍ସ ଅପ୍ ଟିମକୁ ମିଳିବ ୩ କୋଟି: ଚମ୍ପିଆନଙ୍କୁ କେତେ?

ମୁମ୍ବାଇ: ମହିଳା ପ୍ରିମିୟର ଲିଗର ପ୍ରଥମ ସଂସ୍କରଣରେ ଆଜି ବାଜିବ ଫାଇନାଲ ବିଗୁଲ । ପ୍ରଥମ ଟୁର୍ଣ୍ଣାମେଣ୍ଟରେ ଟ୍ରଫି ହାତେଇବା ପାଇଁ ମୁମ୍ବାଇ ଏବଂ ଦିଲ୍ଲୀ ମଧ୍ୟରେ ହେବ ଘମାଘୋଟ ଫାଇଟ । ସେଥିପାଇଁ ସଜେଇ ହୋଇସାରିଛି ମୁମ୍ବାଇର ବ୍ରେବୋର୍ଣ୍ଣ ଷ୍ଟାଡିୟମ । ତେବେ ଆପଣ ଜାଣିଛନ୍ତି କି ଏହି ଟୁର୍ଣ୍ଣାମେଣ୍ଟର ବିଜେତା ଏବଂ ଉପବିଜେତାଙ୍କୁ କେତେ ଟଙ୍କାର ପ୍ରାଇଜ ମନି ପ୍ରଦାନ କରାଯିବ? ଟ୍ରଫି ସହ ଆଉ କେଉଁ ପୁରସ୍କାର ପାଇବେ ଆଜିର ଦୁଇ ଫାଇନାଲିଷ୍ଟ?

ମହିଳା ପ୍ରିମିୟର ଲିଗର ପ୍ରଥମ ସଂସ୍କରଣରେ ଫାଇନାଲ ମ୍ୟାଚ ଖେଳିବେ ମୁମ୍ବାଇ ଇଣ୍ଡିଆନ୍ସ ଏବଂ ଦିଲ୍ଲୀ କ୍ୟାପିଟାଲ୍ସ । ତେବେ ଏମାନଙ୍କ ପାଇଁ ବଡ ଆମାଉଣ୍ଟର ପୁରସ୍କାର ରଖିଛି ବିସିସିଆଇ । ତେବେ ତୃତୀୟ ଦଳ ଅର୍ଥାତ ଏଲିମିନେଟରରେ ମୁମ୍ବାଇଠାରୁ ପରାସ୍ତ ହୋଇଥିବା ପୁଣେ ୱାରିୟର୍ସକୁ ମଧ୍ୟ ପୁରସ୍କାର ରାଶି ପ୍ରଦାନ କରାଯିବ । ତୃତୀୟ ସ୍ଥାନରେ ରହିଥିବା ପୁଣେ ୱାରିୟର୍ସକୁ ଆୟୋଜକ ବିସିସିଆଇ ଏକ କୋଟି ଟଙ୍କାର ପୁରସ୍କାର ରାଶି ପ୍ରଦାନ କରିବେ । ସେହିପରି ଆଜିର ଫାଇନାଲ ମ୍ୟାଚ ପରେ ବିଜେତା ଏବଂ ଉପବିଜେତା ମଧ୍ୟ ପାଇଯିବ ଏହି ଟୁର୍ଣ୍ଣାମେଣ୍ଟ । ପ୍ରଥମ ସଂସ୍କରଣର ରନର୍ସ ଅପ୍ ଦଳକୁ ବିସିସିଆଇ ପକ୍ଷରୁ ୩ କୋଟି ଟଙ୍କାର ପୁରସ୍କାର ରାଶି ଦିଆଯିବ ।

ଉଦଘାଟନୀ ସିଜନର ଚମ୍ପିଆନ ତଥା ଟାଇଟଲ ବିଜେତା ଦଳକୁ ଏକ ବଡ ରାଶି ପୁରସ୍କାର ଭାବରେ ପ୍ରଦାନ କରିବ ବିସିସିଆଇ । ମହିଳା ପ୍ରିମିୟର ଲିଗର ଟ୍ରଫି ସହ ଦଳକୁ ୬ କୋଟି ଟଙ୍କା ପୁରସ୍କାର ରାଶି ଘୋଷଣା କରାଯାଇଛି । ତେବେ ଏହାପରେ ଚତୁର୍ଥ ସ୍ଥାନରେ ରହିଥିବା ରୋୟଲ ଚାଲେଞ୍ଜର୍ସ ବାଙ୍ଗାଲୋରକୁ ଏବଂ ୫ ନମ୍ବରର ଗୁଜୁରାଟ ଜିଆଣ୍ଟସକୁ କୌଣସି ପୁରସ୍କାର ରାଶି ପ୍ରଦାନ କରାଯିବ ନାହିଁ । ପ୍ରଥମ ସଂସ୍କରଣରେ ଉଭୟ ଦଳ ଖାଲି ହାତରେ ଫେରିଛନ୍ତି । ଏହା ବ୍ୟତୀତ ସମ୍ପୂର୍ଣ୍ଣ ସିଜନରେ ଦମଦାର ପ୍ରଦର୍ଶନ ଖେଳାଳିମାନଙ୍କୁ ମଧ୍ୟ ପୁରସ୍କାର ଦିଆଯିବ । ଆଇପିଏଲ ଭଳି ଅରେଞ୍ଜ କ୍ୟାପ, ପର୍ପଲ କ୍ୟାପ ବିଜେତାଙ୍କୁ ମଧ୍ୟ ପୁରସ୍କୃତ କରାଯିବା ସହ ମୋଷ୍ଟ ଭ୍ୟାଲ୍ୟୁଏବଲ ପ୍ଲେୟର ଅଫ ଦ ଟୁର୍ଣ୍ଣାମେଣ୍ଟଙ୍କ ମଧ୍ୟ ମୋଟା ଅଙ୍କର ପୁରସ୍କାର ରାଶି ପ୍ରଦାନ କରାଯିବ ।