ଜାଣନ୍ତୁ ଆଇରନ୍ ଡୋମରୁ ଏକ କ୍ଷେପଣାସ୍ତ୍ର  ପାଇଁ କେତେ ଟଙ୍କା ଖର୍ଚ୍ଚ ହୁଏ…

ତେହେରାନ/ଜେରୁଜେଲମ୍,୨୦ା୬: ଇରାନ-ଇସ୍ରାଏଲ ମଧ୍ୟରେ ଯୁଦ୍ଧ ଏକ ବିପଦପୂର୍ଣ୍ଣ ମୋଡ଼ ଆଡକୁ ଗତି କରୁଛି। ଗୋଟିଏ ପଟେ ଇରାନ ଏହାର ଘାତକ ବାଲିଷ୍ଟିକ୍ କ୍ଷେପଣାସ୍ତ୍ର ସହିତ ଇସ୍ରାଏଲ ଉପରେ ଆକ୍ରମଣ କରୁଛି, ଅନ୍ୟପଟେ ଆମେରିକା ମଧ୍ୟ ଯୁଦ୍ଧରେ ଯୋଗ ଦେବାର ସମ୍ଭାବନା ଅଛି। ସେହି ସମୟରେ ରୁଷ ଏବଂ ଚୀନ୍ ଭଳି ଦେଶ ମଧ୍ୟ ଇରାନକୁ ସମର୍ଥନ କରିବା କଥା କହିଛନ୍ତି। ଏପରି ପରିସ୍ଥିତିରେ ଇରାନ ଏବଂ ଇସ୍ରାଏଲ ଭଳି ଦୁଇ ଦେଶ ମଧ୍ୟରେ ଯୁଦ୍ଧର ପରିସର ମଧ୍ୟ ବୃଦ୍ଧି ପାଇପାରେ।

ବର୍ତ୍ତମାନ ଇରାନ ଇସ୍ରାଏଲର ଆକ୍ରମଣ ବିରୋଧରେ କଡ଼ା ଜବାବ ଦେଉଛି। ଇରାନ ଇସ୍ରାଏଲର ରାଜଧାନୀ ତେଲ ଅଭିଭ ଏବଂ ହାଇଫା ଭଳି ଗୁରୁତ୍ୱପୂର୍ଣ୍ଣ ଦେଶକୁ ବାଲିଷ୍ଟିକ୍ କ୍ଷେପଣାସ୍ତ୍ର ସହିତ ଟାର୍ଗେଟ କରୁଛି। ଗଣମାଧ୍ୟମ ରିପୋର୍ଟ ଅନୁସାରେ, ଇରାନ କ୍ଷେପଣାସ୍ତ୍ର ଏବଂ ଡ୍ରୋନ୍ ଆକ୍ରମଣ ବନ୍ଦ କରିବା ପାଇଁ ଇସ୍ରାଏଲ ପ୍ରତିଦିନ କୋଟି କୋଟି ଟଙ୍କା ଖର୍ଚ୍ଚ କରୁଛି। ଏପରି ପରିସ୍ଥିତିରେ, ଆସନ୍ତୁ ଜାଣିବା ଇରାନ କ୍ଷେପଣାସ୍ତ୍ର ଏବଂ ଡ୍ରୋନ୍ ଆକ୍ରମଣ ବନ୍ଦ କରିବା ପାଇଁ ଇସ୍ରାଏଲ କେତେ ଟଙ୍କା ଖର୍ଚ୍ଚ କରୁଛି। ଇସ୍ରାଏଲର ବାୟୁ ପ୍ରତିରକ୍ଷା ପ୍ରଣାଳୀ ଆଇରନ୍ ଡୋମରୁ ଏକ କ୍ଷେପଣାସ୍ତ୍ର  ପାଇଁ କେତେ ଖର୍ଚ୍ଚ ହୁଏ…

ଶତ୍ରୃ ଦେଶ ବିରୋଧରେ ସୁରକ୍ଷା ପାଇଁ ଇସ୍ରାଏଲ ଚାରିଆଡ଼େ ବାୟୁ ପ୍ରତିରକ୍ଷା ପ୍ରଣାଳୀ ଆଇରନ୍ ଡୋମ୍ ନିୟୋଜିତ କରିଛି। ଆଇରନ ଡୋମକୁ ବିଶ୍ୱର ସର୍ବୋତ୍ତମ ବାୟୁ ପ୍ରତିରକ୍ଷା ମଧ୍ୟରୁ ଗୋଟିଏ ବୋଲି ବିବେଚନା କରାଯାଏ, ଯାହା ଶତ୍ରୁର ପ୍ରତ୍ୟେକ ଆକ୍ରମଣକୁ ପ୍ରତିହତ କରିବାର କ୍ଷମତା ରଖେ। ସମଗ୍ର ଇସ୍ରାଏଲରେ ଆଇରନ ଡୋମ ବ୍ୟାଟେରୀ ସ୍ଥାପିତ ହୋଇଛି। ପ୍ରତ୍ୟେକ ବ୍ୟାଟେରୀରେ ତିନିରୁ ଚାରୋଟି ଲଞ୍ଚର ଅଛି, ପ୍ରତ୍ୟେକ ବ୍ୟାଟେରୀରେ ୨୦ଟି ଇଣ୍ଟରସେପ୍ଟର ମିସାଇଲ ଅଛି। ଇସ୍ରାଏଲ ଦାବି କରୁଛି ଯେ, ଆଇରନ ଡୋମ ଲକ୍ଷ୍ୟସ୍ଥଳରେ ଆସୁଥିବା ୯୦% ମିସାଇଲକୁ ଖସାଇ ଦେଇପାରିବ।

ଇସ୍ରାଏଲ ତାର ସୀମାକୁ ସୁରକ୍ଷା ଦେବା ପାଇଁ ପାଣି ପରି ଟଙ୍କା ଖର୍ଚ୍ଚ କରିଛି। ଇସ୍ରାଏଲର ପ୍ରତିରକ୍ଷା ଢାଲ କୁହାଯାଉଥିବା ଆଇରନ ଡୋମର ମୂଲ୍ୟ ପ୍ରାୟ ୩ ଲକ୍ଷ କୋଟି ଟଙ୍କା, ଏହି ପରିମାଣ ସମଗ୍ର ଇରାନର ପ୍ରତିରକ୍ଷା ବଜେଟଠାରୁ ଅଧିକ। ଏହି ବାୟୁ ପ୍ରତିରକ୍ଷା ପ୍ରଣାଳୀ ସ୍ୱଳ୍ପ ଦୂରଗାମୀ ଆକ୍ରମଣକୁ ରୋକିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ ଏବଂ ଏହାର ଗୋଟିଏ ମିସାଇଲର ମୂଲ୍ୟ ୨୦,୦୦୦ରୁ ୧୦୦,୦୦୦ ଡଲାର (୧୬ ଲକ୍ଷରୁ ୮୩ ଲକ୍ଷ ଟଙ୍କା) ପର୍ଯ୍ୟନ୍ତ।