କେଉଁ ବୟସରେ ପିଲା କେତେ ଘଣ୍ଟା ଶୋଇବା ଉଚିତ? ବିଶେଷଜ୍ଞ କହିଲେ ଉତ୍ତର

ନୂଆଦିଲ୍ଲୀ: ପିଲାଙ୍କଠାରୁ ବୟସ୍କ ପର୍ଯ୍ୟନ୍ତ, ଭଲ ସ୍ୱାସ୍ଥ୍ୟ ପାଇଁ ଭଲ ନିଦ ବହୁତ ଗୁରୁତ୍ୱପୂର୍ଣ୍ଣ । ପିଲାମାନଙ୍କର ସ୍ୱାସ୍ଥ୍ୟ ଏବଂ ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ ​​କରିବାରେ ନିଦ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ । ନିଦ କେବଳ ଶରୀରକୁ ବିଶ୍ରାମ ପ୍ରଦାନ କରେ ନାହିଁ, ବରଂ ଏହା ଶରୀରର ବିକାଶ ଏବଂ ରୋଗ ପ୍ରତିରୋଧକ ଶକ୍ତିକୁ ସୁସ୍ଥ ରଖିବାରେ ମଧ୍ୟ ସାହାଯ୍ୟ କରେ ।

ବିଶେଷଜ୍ଞମାନେ କ’ଣ କହୁଛନ୍ତି- ପୁଷ୍ଟିସାର ବିଶେଷଜ୍ଞ କହିଛନ୍ତି ଯେ, ଯଦି ପିଲାଟି ପର୍ଯ୍ୟାପ୍ତ ନିଦ ପାଉନାହିଁ, ତେବେ ସେ ବାରମ୍ବାର ଅସୁସ୍ଥ ହୋଇପାରେ, ଚିଡ଼ଚିଡ଼ା ହୋଇପାରେ । ଏହା ପିଲାର ମସ୍ତିଷ୍କ ଏବଂ ତାହାର ବୃଦ୍ଧି ଉପରେ ମଧ୍ୟ ଖରାପ ପ୍ରଭାବ ପକାଇପାରେ। ନିଦ ଅଭାବରୁ ମସ୍ତିଷ୍କ ଠିକ୍ ଭାବରେ ବିକଶିତ ହୁଏ ନାହିଁ, ଯାହା ଫଳରେ ପିଲାଟି ଦୁର୍ବଳ ରହିପାରେ । ତାକୁ ଶିଖିବା କିମ୍ବା ଜିନିଷ ଉପରେ ଧ୍ୟାନ ଦେବାରେ ଅସୁବିଧା ହୋଇପାରେ ।

ବୟସ ଅନୁସାରେ କେତେ ଶୋଇବା ଉଚିତ-

ନବଜାତ (୦-୩ ମାସ)-୩ ମାସ ପର୍ଯ୍ୟନ୍ତ ପିଲାକୁ ପ୍ରତିଦିନ ୧୪-୧୭ ଘଣ୍ଟା ଶୋଇବା ଆବଶ୍ୟକ ।

ଶିଶୁ (୪-୧୧ ମାସ)-୪ ରୁ ୧୧ ମାସ ପର୍ଯ୍ୟନ୍ତ ପିଲାକୁ ୧୨ ରୁ ୧୫ ଘଣ୍ଟା ଶୋଇବା ଉଚିତ।

ଛୋଟ ପିଲାମାନେ (୧-୨ ବର୍ଷ)-୧ ରୁ ୨ ବର୍ଷ ପର୍ଯ୍ୟନ୍ତ ପିଲାକୁ ପ୍ରତିଦିନ ୧୧ ରୁ ୧୪ ଘଣ୍ଟା ଶୋଇବା ଉଚିତ।

ପ୍ରି-ସ୍କୁଲ ପିଲାମାନେ (୩-୫ ବର୍ଷ)-୩ ରୁ ୫ ବର୍ଷ ପର୍ଯ୍ୟନ୍ତ ପିଲାକୁ ପ୍ରତିଦିନ ୧୦ ରୁ ୧୩ ଘଣ୍ଟା ଶୋଇବା ଉଚିତ।

୬-୧୩ ବର୍ଷ ବୟସର କିଶୋର (୧୪-୧୭ ବର୍ଷ)- ଏସବୁ ବ୍ୟତୀତ, ୧୪ ରୁ ୧୭ ବର୍ଷ ବୟସର ପିଲା ପାଇଁ ୮ ରୁ ୧୦ ଘଣ୍ଟା ଶୋଇବା ଯଥେଷ୍ଟ।