(Video) ଏ କି ବିଚିତ୍ର! ମୂଷାକୁ କୋଳରେ ଧରି ଗେହ୍ଲା କରୁଛି ବିଲେଇ, ସୋସିଆଲ ମିଡିଆରେ ଭାଇରାଲ୍
ଓଡ଼ିଶା ଭାସ୍କର: ବିଲେଇ ଓ ମୂଷାର ସଂପର୍କ ବିଷୟରେ କିଏ ବା ନ ଜାଣେ । ତେବେ ବିଲେଇ ଓ ମୂଷାର କଥା ଉଠିଲେ ଟମ୍ ଆଣ୍ଡ ଜେରୀ କାର୍ଟୁନ୍ ଲୋକମାନଙ୍କ ସାମ୍ନାକୁ ଆସିଯାଏ । କିନ୍ତୁ ପ୍ରକୃତରେ କେବେ ଆପଣ କେବେ ମୂଷା ଓ ବିଲେଇ ଯୋଡି ଦେଖିଛନ୍ତି କି? ଯଦି ନୁହେଁ ତେବେ ସୋସିଆଲ ମିଡିଆରେ ଭାଇରାଲ୍ ହେଉଥିବା ମୂଷା ବିଲେଇଙ୍କ ଏହି ଭିଡିଓଟିକୁ ଦେଖନ୍ତୁ ।
ଭିଡିଓରେ ଦେଖିବାକୁ ମିଳୁଛି କି ବିଲେଇଟି ମୂଷାକୁ ଆକ୍ରମଣ କରିବା ପରିବର୍ତ୍ତେ ତାକୁ ଖୁବ୍ ଗେହ୍ଲା କରୁଛି । ଭିଡିଓରେ ଦେଖିବାକୁ ମିଳୁଛି କି ବିଲେଇ ଝରକା ବାଟେ ଗଳି କବାଟକୁ ଲାଗି ଛିଡା ହୋଇଥିବା ଏକ ମୂଷାକୁ ଦେଖୁଛି । ସେ ତାକୁ ହାତରେ ଛୁଇଁ ଯେପରି କୁତୁକୁତୁ କରୁଛି । ଏହା ପରେ ବିଲେଇ ମୂଷାକୁ କୋଳରେ ଧରି ଗେହ୍ଲା କରୁଥିବାର ଦେଖାଯାଉଛି । ସେ ତାକୁ ଦୁଇ ହାତରେ ଧରି କୋଳରେ ରଖି ଶୋଇଯାଉଥିବା ଦେଖିବାକୁ ମିଳୁଛି । ଏହି ସମୟରେ ମୂଷା ବି ଭୟ ନ କରି ବେଶ୍ ନିଶ୍ଚିନ୍ତରେ ବସିଥିବାର ଦେଖାଯାଉଛି ।
View this post on Instagram
ଭାଇରାଲ୍ ଭିଡିଓକୁ ଏ ପର୍ଯ୍ୟନ୍ତ ୧୨.୨ ମିଲିୟନ ଲୋକ ଦେଖିସାରିଲେଣି ଓ ୧୫ ଲକ୍ଷ ଲୋକ ଲାଇକ୍ କରିଛନ୍ତି । ଏହି ଆକାଉଣ୍ଟରେ ବିଲେଇ-ମୂଷାର ଆଉ ଏକ ଭିଡିଓ ମଧ୍ୟ ଦେଖିବାକୁ ମିଳୁଛି । ଏଥିରେ ମୂଷା ବିଲେଇ ମୁଣ୍ଡ ଉପରେ ବସିଥିବା ନଜର ଆସୁଛି ।
