ପ୍ରେମିକା ସବା ଆଜାଦଙ୍କୁ ଖୁବଶୀଘ୍ର ବାହାହେବେ ହ୍ରିତିକ୍ ରୋଶନ୍! ସାଙ୍ଗ କଲେ ବଡ଼ ଖୁଲାସା
ମୁମ୍ବାଇ: ବଲିଉଡ ଅଭିନେତା ହ୍ରିତିକ୍ ରୋଶନ ଓ ସବା ଆଜାଦଙ୍କ ଡେଟିଂ ଖବର ସବୁଦିନ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ମୁମ୍ବାଇର ଏକ ରେଷ୍ଟୁରାଣ୍ଟ ବାହାରେ ଦୁହେଁ ଏକାସାଙ୍ଗରେ ଦେଖାଯିବା ପରେ ସବା ଓ ହ୍ରିତିକଙ୍କ ନାଁକୁ ଯୋଡ଼ା ଯାଉଛି । ସବା ନିକଟରେ ହ୍ରିତିକଙ୍କ ପରିବାର ସହିତ ସମୟ ବିତାଇଥିବା ନଜର ଆସିଥିଲେ । ଏହା ପରେ ଦୁହିଁଙ୍କ ବାହାଘର ଖବର ଇଣ୍ଟନନେଟରେ ଭାଇରାଲ ହେବାରେ ଲାଗିଛି । ଅବଶ୍ୟ ହ୍ରିତିକ ଓ ସବା ନିଜର ରିଲେସନସିପ ଓ ବାହାଘରକୁ ନେଇ କୌଣସି ପ୍ରତିକ୍ରିୟା ଦେଇନାହାନ୍ତି । କିନ୍ତୁ ସେମାନଙ୍କର ଜଣେ ସାଙ୍ଗ ଏହି ଘଟଣାର ଖୁଲାସା କରିଛନ୍ତି ।
ଅଭିନେତା ହ୍ରିତିକଙ୍କ ସାଙ୍ଗ ଇଣ୍ଡିଆ ଟୁଡେରେ ଆଲୋଚନା କରୁଥିବା ବେଳେ ଖୁଲାସା କରିଛନ୍ତି ଯେ, ‘ଦୁହେଁ ପରସ୍ପରକୁ ପସନ୍ଦ କରୁଛନ୍ତି । ହ୍ରିତିକଙ୍କ ପରିବାରକୁ ସବା ବହୁତ ପସନ୍ଦ ଆସିଛି । ହ୍ରିତିକଙ୍କ ପକ୍ଷରୁ ତାଙ୍କ ପରିବାରକୁ ସବାଙ୍କ ମ୍ୟୁଜିକ ପସନ୍ଦ ଆସିଛି । ନିକଟରେ ସବା ହିତ୍ରିକଙ୍କ ଘରକୁ ଯାଇଥିଲେ । ସେଠାରେ ଏକ ମ୍ୟୁଜିକଲ ସେଶନ ହୋଇଥିଲା, ଯାହାକୁ ଅଭିନେତା ଓ ତାଙ୍କ ପରିବାର ଖୁବ ଉପଭୋଗ କରିଥିଲେ । ହିତ୍ରିକ ନିଜ ସାଙ୍ଗ ମାନଙ୍କୁ କହିଛନ୍ତି ଯେ, ସେ ଦୁହେଁ ଏବେ ଏକାଠି ଅଛନ୍ତି । କିନ୍ତୁ ଏତେ ଜଲଦୀ କିଛି ନିଷ୍ପତ୍ତି ନେବାକୁ ଚାହୁଁନାହାନ୍ତି ।’
ରିପୋର୍ଟ ଅନୁସାରେ, ହିତ୍ରିକ ରୋଶାନ ଓ ସବା ପ୍ରଥମଥର ପାଇଁ ଏକ ଅନଲାଇନ୍ ଡେଟିଂ ଆପରେ ଭେଟିଥିଲେ । କିନ୍ତୁ ଦୁହିଁଙ୍କ ବନ୍ଧୁତାର ଆରମ୍ଭ ଟ୍ୱିଟରରେ ହୋଇଥିଲା । ରିପୋର୍ଟ ହିସାବରେ ହ୍ରିତିକ ଓ ସବା ଗତ ୨ରୁ ୩ ମାସ ହେବ ପରସ୍ପରକୁ ଡେଟ୍ କରୁଛନ୍ତି । ହ୍ରିତିକ ଖୁବଶୀଘ୍ର ଦୀପିକା ପାଦୁକୋନଙ୍କ ଫିଲ୍ମ ଫାଇଟରରେ ସ୍କ୍ରିନ୍ ସେୟାର କରୁଥିବା ନଜର ଆସିବେ ।
